沒有人回?

私相授受,
官官相護
中飽私囊

[ 本帖最後由 alexlee2 於 2012-7-12 07:48 PM 編輯 ]

惡性循環開始，睇下未來仲有幾多建制人落鑊。
泛民議員都唔會幸免於難，等同人工嘅實報實銷薪津，個個Claim到盡，張張單都係100%有根有蔃？睇下幾時有人爆大鑊！

[ 本帖最後由 wolfe 於 2012-7-12 09:31 PM 編輯 ]

張單有問題就唔claim到啦聰明…
如果你知道有問請盡快聯絡立法會秘書處…

[ 本帖最後由 貴族小子 於 2012-7-13 12:30 AM 編輯 ]

老廉 Good Job~!

前排睇住條友係電視鏡頭前理曲氣壯解釋點利用政府漏洞領取房津, 跟住埋位做大官, 完全冇天理, 今次廉署就算告佢唔入, 起碼令佢冇官做兼身敗名裂, 大快人心~!

我覺得呢d 只係第一波. 以前好多公務員都有用呢招搵著數, 等政府替佢地供樓. 如果依家重新咁查. 隨時會再有現任/退休既"高管"/高級公務員中招.

再講. 雖然話係報紙爆料, 但我就唔覺d 料真係報紙佬自己搵返來lor   廿幾年前既資料, 會係邊個會keep record 邊個會keep 多份back up 呢

建制派地產黨內鬨互揭黑材料

[ 本帖最後由 宏仔 於 2012-7-13 05:00 AM 編輯 ]

繼發展局局長麥齊光被揭涉騙租津後，梁班子再有成員被指​涉濫用公務員福利。最新一期《壹週刊》揭發，政制及內地​事務局局長譚志源在93年以300萬元買入康怡花園單位​時，向銀行及政府合共做足十成按揭，而單位的賣家竟是他​的父母，等於變相利用公務員福利為親屬套現。

時任貿易署駐日內瓦助理專員的譚志源（圖），在1993​年1月以300萬元買入港島康怡花園一個700多呎中層​單位。當年金管局為遏樓市炒風，在92年要求銀行嚴守住​宅按揭7成上限守則。但據土地註冊紀錄，當年譚志源購入​單位時竟能做足10成按揭。

兩次按揭共獲300萬

譚志源當年先向滙豐銀行申請一按獲批245萬按揭，已相​等於樓價的8成1，估計與他高級公務員身份有關；之後他​再向政府申請協助公務員置業、息率比銀行按揭優惠近半的​首期貸款，獲批款額55萬元，合共剛好300萬元，令譚​志源毋須付出首期就能買入單位。

翻查紀錄，當年向譚志源出售單位的業主譚榮樂及林惠琴，​正是其父母。換言之，譚志源運用財技，買入自己家庭的資​產為父母向銀行及政府套現300萬元。有地產業人士估計​譚志源當年套現300萬元的代價僅為2萬多元的印花稅。​

譚志源在97年以577萬元賣出該單位，賬面大賺277​萬元，同年隨即以838萬買入西半山寧養台1,700多​呎豪宅，並且重施故技，分別向滙豐及政府申請按揭，合共​獲批620多萬，相等於樓價的7成4。

公務員工會聯合會第一副主席曾森坦言未聽過譚志源的做法​，他指一般公務員會將自己的物業按給政府套現，認為譚做​法尷尬，值得商榷。公務員事務局不評論譚志源個案，但指​首期貸款並無條文規限前業主身份，即公務員可貸款向親屬​買樓。譚志源不評論個案，只強調自己依足規定申請貸款並​獲得審批。

選完都仲咁多野爆,睇黎中央有d人都仲係唔報氣,呢場戲真係好好睇

我都覺香港傳媒邊有咁本事,唐唐地下行宮佢唔講有邊個會知,相信呢幾單報料者背景一定唔野小,有能力搜集到N年前資料,相信除左國家機器都諗唔到邊個有咁能力

咁你仲唔快d報料比大公/文匯

現像係有人有計劃地 Discredit 新政府。咪諗得建制中人咁單純，佢地唔會相信係建制派自己人所為，因阿爺係度，邊個做二五都無運行。
要 Discredit 梁班子，單一事件只會形响觀感。所以九月前，一定會有第二、三個，咁就會形成梁政府貪腐現像，足可以做大，去到社會議題層次。
不過建制中人唔會坐以待斃，反客為主係唯一防守的方法。

我冇興趣同 貴族小子， cc4321 兩位 鬥嘴。如果我有料就直去ICAC舉報，唔係大公/文匯或立會秘書處！

我都好想知當年呀拳拳有無用過呢招．

黑資料唔怕舊，最緊要係適當的時侯暴光，發揮最大的影響．
所以以下的內容，我信!!
http://orientaldaily.on.cc/cnt/news/20120712/00176_091.html

我都無諗住亦無興趣同邊個鬥嘴,只係作為一個小市民生活過得平凡,想睇下好戲,咁啱你又話泛民又黑材料,想睇下有無機會搞大佢

反對派、民主派無甘多本事搵到甘多堅料，仲係件件堅到會死人果下厲害！
振鷹賤格搞對手黑材料，係人所共知，但居然搞死對手之時，自己都唔做好功夫，又衰埋一樣。

唐唐同地產商這次比振鷹過左骨當然好唔忿氣，所以我夠膽講，類似的爆料會係未來5年不停爆，次次入肉，搞到振鷹焦頭爛額，有排受呀！

國家機器, 港英餘孽, 外部勢力 -- 三樣都有可能.

老江死唔去, 上海幫再次抬頭, 原先打算用個世姪來控制香港. 結果去左共青團. 仲要十八大要10月開, 根本就係上面既權力鬥爭打搞到黎香港.

港英餘孽, 外部勢力 就一向有係度做野. 仲要係用咁舊既料, 香港冇資料法, 好多舊資料可以好易咁消毀左, 就算冇, 都box 晒入倉啦. 而且呢d 咁舊既野, 未必有電腦化到, 咁就同我上面講既, "邊個有keep 到d record" / 邊個可以去search 呢d 有"私隱"成份既資料呢

呢d 政治鬥爭, 除左對梁營有害, 如果變成打擊對手既慣招, 咁以後內耗一定只會加劇. 你估真係有政治人物會好似白紙咁乾淨咩.

依家就可以食住花生先, 但如果個政府真係唔能夠正常運作既, 就冇真正既"香港人"有著數. ...
就當你拉到隻狼落台, 隻豬都冇得上, 唔通你俾隻專搞破壞既癲狗做?

我成日都講, 香港政治家就冇, 政棍就到處都係...

先爆黑料係唐唐, 隻狼係回返個大禮姐. 所以姓許既明明可以當冇事冇人知都係今日俾人拉. 係呢位計王既計來麻. 要算帳唔洗等過左秋天架.

地產商冇北大人首肯, 真係敢搞事咩??

icac 報?? 姓許既, 都要過左幾年先爆... 報紙反而唔死都有排煩. perception is everything... 咁先係政治, 唔係"the truth"

呢d咁舊嘅料係香港就查到，公眾可查閱
又唔係機密
只係有無人有心去搵

唔係機密.
但我唔係好sure, 應該係個人資料/私隱 (住址, 租金, 放租業主)等資料有關.  政府既公開資料守則既第二部, 可拒絕披露的資料, 有個人私隱呢項喎.

個人私隱
2.15 與任何人(包括已故人士)有關的資料(除了向資料所述的當事人 或其他合適人士披露外)，除非：
    (a) 披露這些資料符合蒐集資料的目的，或
    (b) 資料所述的當事人或其他合適人士已同意披露資料，或
    (c) 法例許可披露資料，或
    (d) 披露資料的公眾利益超過可能造成的傷害或損害。

唔應該話查就查到架喎.