Arudo.C
(Arudo.C)
上尉
 
UID 32435
精華
3
積分 30
帖子 1542
成品數目 30 件
閱讀權限 10
註冊 2008-10-5 來自 無所事事共和國
狀態 離線
|
|
|
本来我就忙到呕电,呢排上黎都系冲冲打个转睇下兄弟有无新大作,之后就走人....
不过见老友Silas哥叫我都入黎讲两句俾D小朋友听,我又点辛苦点累都入黎讲下我个人经验同睇法~
吾怕讲你知,我同Silas哥系TI(IVE前身)同学,读完DESIGN都系呢行"捱"左成二十年有多,
对于室内设计呢个行业既睇法,其实有几个重点之前Silas兄都讲左~
你决定入行前,一定一定要非常认真地谂清楚(非常重要)你究竟系咪真系中意室内设计呢个工作??我请伙计(我系老细 )interview时我一定会问呢个问题, 十个有九个都话中意.有兴趣.吾怕辛苦.....结果呢? 我可以讲无乜边个可以捱落去,捱到可以系我身上学识晒我既野......所以我系度都强调多几次!!你究竟有几中意做呢行??如果有少少动搖,咁我就建议你仲后生揾过第二样野做!!
点解??
我又多口讲多几句~
咁多设计行,室内设计我个人认为系最Q辛苦,又最吾好玩既一门.
你要知道,所谓室内设计,系要有个client俾钱.俾个空间你帮距设计,呢个空间同资金都吾系你既,吾系你中意做乜就做乜~~吾系fine art,你画幅画搞件雕塑出黎,睇既人中吾中意关我鬼事??我中意就得~~
NO!NO!NO!!!室内设计吾可能会有"你中意就得"呢支歌仔唱!!你觉得设计得好正?完美??俾钱果个吾中意,你既所谓"作品"只系一堆垃圾,因为根本吾会有机会制作到出黎~~
又如果你觉得"设计师"呢个朵好"型",一走出黎好COOL好有格....咁仲大镬!!
我o靓仔果时都曾经有一个咁既心态,结果呢??着到身光脛靓.由头到腳都系名牌......落地盤!无冷气夏天熱到仆街,周围沙尘滚滚污糟到死!!你型??系OFFICE可以既~
过到呢两关都未够~~
做得呢一行,如果吾醒,吾成功.吾出位....基本上等于失败!!
好多呢一行既"一般货色所谓DESIGNER",打工既叻D可以打一世工(超级大公司,可以养你过世果种,全港加埋都无十间),吾打工自己搞?一系好掂,一系就摺埋转行!!
系设计行,十年以上工作经验基本上仲要转工果D,我相信都好难揾人请!!
呢D"高不成,低不就"既情况,最多就系设计行里面!!
如果无"点都要上位"既决心!!................吾好考虑入行!!
当然,有决心.肯捱肯搏肯学,都要睇你有无天分~~同埋际遇!
有好多人跟到好师傅,自己有天分又吸收快,可以五年左右有D能力~
咁吾好彩跟着D无料到既,又或者自己懒吾够醒既,浪费左十年都会一事无成.....到时转行就太迟!!
最后再讲多一点,楼主小朋友讲果D乜乜学位,物物文凭,以一个设计公司老板同Chief Designer角度黎睇,我请人根本吾会睇呢D野!!!读得书多,文凭高D低D同做野既能力一D关系都无!!!当然,书读多D绝对系好事~但系"设计"吾同天文地理数学,读好多书但系完全无办事同设计能力既,我请距翻公司教书呀???谂点样读多D学位提升自己??真系呢行既就谂下点样可以吸收多D实际工作经验好过啦!!!沙纸.只可以系入大公司既一个工具,入到之后上吾上到位.学吾学到野都仲系要睇你自己"究竟有几大兴趣去做设计"!
!天光啦....我都好Q累...七点半要出发去开会!我系老细,都要咁捱法!!!
想系呢行成功?你要有过"非正常人"生活呢个觉悟先好!!
[ 本帖最後由 Arudo.C 於 2012-7-6 05:43 AM 編輯 ]
|
|
|
|
|
分享
