洗唔洗死呀

  點解年青一代都仲係唔明失敗同挫折係人生既必然之事.........

自尊心強, 心靈脆弱.

我唔係咁睇..

依家既考試成績對一d著緊自己前途既學生來講, 真係好似張生死証. 依家唔似以前咁讀書唔到, 可以由低做起, 再進收, 可以慢慢爬. 依家情況係要起步快, 上得要快, 再保住自己個位. 再加上香港不停咁經濟轉型, 一時又旅遊, 一時又科技, 一時又物流, 一時又金融, 一時又會計, 只係掛住d高增值既生意, 但高增值既經濟又點會長久. 既然冇得長久, 又點有得慢慢爬. 結果就係考試唔到, 就衰過破產. 仲要係.. 考試冇take two...  呢種壓力, 對一d著緊自己前途既學生就越大. 反而懶懶閒掛住玩既, 係唔會有既.

轉校?? 轉去邊先. 要有人收先得架...
以前只係肯做, 唔會冇工開, 依家... 面皮厚既, 可以問政府羅o既.
再俾你搵到份工, 返足14個鐘, 進收?? 自收兩件就差唔多.  冇果張沙紙連信都冇人肯睇呀. 仲想話見工.

依家連有沙紙都唔掂，何況無沙紙
依家讀書係講兩樣野
1.成績
2.錢

有成績既就一直可以讀上去
無成績既用錢係外國讀上去

咩依家可以話轉校就轉校架

有時，家長ge期望都係一種壓力

真係咁易轉咩?? 人地band 2 點解要收你過讀唔到書既先, 自己d垃圾唔夠多, 定多一個唔多, 少一個唔少先. 人會向上爬, 學校都係人辦既姐, 有邊間學校唔上做band 1先.  尋日先講d 學校可以自由咁決定選學生有全英文教學, 一題出來就有人怕會比下去. 點解有咁情況呢.....

思想同現實唔係一樣架. 正如錢唔係萬能, 但冇錢就萬萬不能一樣. 依家考試成績就係學生既財富, 而唔係知識. 呢樣就係現實.
現實本身就係扭曲既.

絕對係..

越低下既家庭, 越希望自己子女出人頭地.
但亦因為佢地本身教育水平低, 而最明顯可以出人頭地既方法由古至今就係讀書.
亦同ch_lycab兄講既: 有成績既就一直可以讀上去, 無成績既用錢係外國讀上去...
咁佢地明顯係冇錢, 咁就只有由成績出發....

算la...佢要死唔俾佢死咩....
唔愛惜生命既人留係e個世界上都冇用....

根本香港既教育方程就錯左, 家長好似同d小朋友洗腦咁同佢地講 : 讀唔到書就做"黑衣"...
攪到d細路覺得讀書就係一切, 讀書成績好既學生畢業之後都冇目標, 畢業=失業...

其實家長應該要俾d正確既知識俾小朋友, 同佢地講 :
返學讀書只係個過程, 學習人際關係既地方~
雖然出到去做野成績表係好重要, 但重要既唔係分數, 係你自己學左幾多野~
「完全集中唔到，勁多唔識」, 唔識就要好好諗下係邊度唔識同有咩唔明, 唔明就問同學 / 老師, 人地用1日就學識既野你唔識既就比人地用更多既時間去學, 2日3日, 重有一日你會學到~問題在於你有冇心~
考試考得唔好咪再考過考到好為只~不過你自己問心有冇心機讀先? 冇就唔好晒時間~

誤刪電腦檔案 29歲男子上吊 金融海嘯後開工不足 兼讀IVE悄悄停學
(明報)1月1日 星期四 05:05
【明報專訊】一名年少時誤交損友的29歲男子，中三輟學即投身社會，「捱過辛勞過」，明白知識的重要，近年發憤進修，並在香港專業教育學院    （IVE）修讀文憑課程。惟金融海嘯後，男子開工不足，疑瞞着母親悄悄停學，賦閒在家用電腦製作檔案，卻不慎把花盡心血建立的資料刪除，連日來鬱鬱不歡，昨晨在黃大仙    下邨家中上吊；幸其母及時返家發現，立即解下愛兒並報警，男子送院搶救後情况嚴重。

年少誤交損友 4年前變積極

企圖自殺男子姓巫×烽，29歲，送院時陷半昏迷，調查人員向其50歲姓麥母親稱，相信巫剛上吊即被解下，故沒有性命危險。

巫與母親居於黃大仙下邨龍輝樓一單位，其母表示，「丈夫數年前走了」，剩下她與阿烽相依為命。阿烽初中時誤交損友，雖沒有犯案但無心向學，中三後即投身社會，多年來換過多份工作，現時任職音響技工。

阿烽4年前開始變得積極，努力進修，曾修讀毅進課程，現於IVE讀書。IVE發言人表示，阿烽於07年入讀青衣分校，修讀多媒體及互聯網科技高級文憑，由於是兼讀課程，修讀年期因人而異，而阿烽於08年9月的新學期暫時停學，相信他所刪除的檔案與功課無關。發言人強調，該學院設有學生輔導組，若學生遇困難可以提出，導師會盡力協助。

母及時發現救回一命

據悉，阿烽近月來疑受金融海嘯影響而開工不足，而他停學後沒有告訴母親，其母以為他因刪除了功課而尋死。巫母說：「他按了一個掣把功課刪除了，然後就很不開心，好像生病似的，有病就該看醫生，但卻不見他吃藥。」

昨晨10時許，巫母與胞妹晨運後返家，見兒子以領帶在房中上吊，急忙把他解下及報警，幸救回一命。

建議市民培養檔案備份習慣

立法會    資訊科技界議員譚偉豪表示，若把未曾儲存的新檔案刪除，一般較難回復，建議市民培養良好的備份習慣，「尤其是重要的檔案，最好儲在多個地方，以免其中一個硬盤損毁時無法修復」。他指出，若遺失的檔案曾經存檔，市面上有多種「急救」軟件，有機會救回檔案，「但亦有可能是徹底刪除了，未必能救回」。

呢單都係差唔多野(不過個理由就極度無聊)

我母校.....

講得好岩...上年搵足四五個月工
寄左幾十封求職信, 一個回音都冇
結果放棄, 加陣繼續雙失(暫時性).


不過說真的
與其話加陣D青少年壓力大
不如說佢地唔識點減壓好了, 極端既只係上網寫寫寫, 一係就淨係識問班毛都未出齊既FD,
最有用既, 老師, 社工, 同埋-父母都唔會去傾....

[ 本帖最後由 nishi 於 2009-1-9 11:39 AM 編輯 ]