其實依家學歷/資格只係入場卷

工有好多,有唔同既入場資格,

例如文員類,點都要有大學畢業咁上下再加D乜乜物物,

技工類就要相關既証書

就算你大學畢業讀神學,你估唔去做神父之類去做工商管理有無人見?

你大學畢業都唔等於你可以見到技工類

依家香港STARTING都唔高,不過2萬都係有得磨到去既,不過你做緊都係要繼續讀,唔到相關資格都唔會有相符既人工

如果覺得有問題,停一停再出發都唔係咩問題,總好過讀完都唔知有咩做,或者讀讀下唔讀留係屋企

時間頭30年好緊要,人生唔一定得PLAIN A,每秒都可以有唔同PLAIN出黎,不過愈早愈多PLAIN比你

不如去搵下料,諗諗有咩做到既

學歷低要辛苦先搵到世間財
學歷高，一日無幾多野做，得閒重可以上黎吹下水

好似我朋友之前都想有一份工介紹俾人

朝9晚10，做渠務文職(要落手落腳去視察)
一個月3萬，做夠唔知係咪5年，公司會送架車
好似咁，3年俾你搵到幾十萬，又如何
無時間識女仔、娛樂，挨十年八年你重有無命享呢?

[ 本帖最後由 ch_lycab 於 2012-7-18 07:46 PM 編輯 ]

其實讀唔到書某程度反映你態度差,態度差做乜都死

我係香港讀到F2就移民咗去加拿大, 初初去到要講英文同法文, 但係我一句都唔識好似啞咗, 同人溝通唔到.
到返學慢慢學可以同人溝通到同啲鬼仔鬼妹玩. 但係最終都係掛住玩讀唔到大學.

返來香港揾工好多人都話, 加拿大返來大學學位都攞唔到, 你係個邊做咩?
又問到我口啞啞. 好後悔當時無好好地讀書.

後來先讀番個大學課程攞番個diploma, 依家英文法文都識, 亦有個大學課程diploma, 假假地都叫大學生.

所以話書到用時方恨少, 書係一定要讀

學歷能夠輔助你得到較好既前途,但唔係一定,反之亦然

人工2萬而又唔要高學歷既大話多唔多話少都唔少,但尼D工亦自然有其他要求(E.G.厭惡性,無流動性,極長工時)

值唔值得,真係得你先知

你覺得DSE未必成能過關,但倒轉頭諗,上大學係咪淨係得DSE一條路?其他路有可能又兜又轉又少D選擇,但你早D立下心情,做足準備既話,實際你畢業時間唔遲得經DSE入果批幾多

教育目的系要令人明理, 並非搵到好工既保證, 呢個觀念我覺得要清晰

無可否認, 社會愈來愈進步, 教育亦愈來愈普及, 依家既大學生, 可以講話 "周街都系", 我本身無小孩, 但聽D細路講, 依家讀書要2個 Degree 至叫 norm

人浮於事, 選擇多左, 要求自然提升, 以前 IBM 吹噓所有 employee 一定有大學學位, 依家睇黎只系件好普通既事

路系自已行既, 成唔成功並非取決於系唔系讀好多書, 但有一定既教育水準的確可以令你站系較前既起點, 呢個叫現實, 比你幫公司請人你都會以教育水平行先, 因為即使出錯亦唔會上身, 相反, 你做伯樂, 好既系公司, 衰左人就會質疑你既水平, 何必呢

唔讀得書 = 無前途, 呢個絕對無根據, 你可以話唔讀得書, 前路會比較難行, 但現實系如果可以既話, 盡量爭取讀書既機會, 除非你好有錢, 又或者好有天份

永恆問題
讀書唔成書未必無前途
但學有所成,一定大把選擇
起碼夠最低要求入政府工,已不愁出路
就算你唔怕辛苦,去地盤挨,要有發展事業,都要讀健造業相關課程,識睇文件睇圖
就算做保安,而家都要考牌,識寫報價單,投訴信
香港地好現實,做咩都要識字

唔係話讀唔成書冇前途既,只係你讀得成書既,條路叫做好行D,一條直路到,

讀唔成書咪好似玩迷宮咁囉,左行右行,有人幾日搵到出路,有人幾年先見到出口,有人可能成世都係到行黎行去,

小弟自問成績中等,早就放棄升大學,而家出黎做野,

有D小聰明之下,入左間五星酒店做,萬幾銀個月,

做野係就係辛苦D,有時俾人鬧下都係袋錢入我袋,

個個老豆媽咪邊個唔想個仔女係寫字樓到他他條條嘆冷氣,得閒飲咖啡,

事實寫字樓有寫字樓既慘,有人日日加班, 我地呢D就加極有限,

做完無野講就閃,唔洗成日掛住公司有野未做完!

番到屋企唔攰就砌下模型,或者同FRIEND去食飯,再唔係可以去上堂進修下!

師兄有時路一早定左,都係果句該死就唔洗病!

思考前路係重要,但諗太多,,思前想後反而行錯路..

多謝各位師兄GE意見~
有唔少師兄話可以試下就業,
搵下自已目標/方向,
之後先再進修,
如果咁GE話,會唔會事業同學業兼固唔黎,
最尾兩頭唔到岸咁?

我識嘅人都無 mud 邊個嘅 "興趣" 係讀書, 但大就部份都會為咗 "責任" 而讀.

係對自己負責而讀.   就係因為我唔夠醒, 所以要讀多d書, 希望條路會易行d.


我反而更擔心你要食"藥"先可以專注. 人生好多事都要有專注力ga.

除咗你係無間道, 就可以扮專心


字裡行間, 我覺得你太早放棄讀書, 對現在的你太仁慈;對將來的你太殘忍.

如果家陣同你講句，唔讀書係唔得，到第時你做野你會發覺唔讀書會令你生工作上有好多不便，問題係，你肯唔肯聽先？
鬼唔知大把人小學都未畢業但又家陣大有成就，但係幾多萬份之一？你覺得你會中到六合彩頭獎你咪繼續覺得家陣讀唔到，放棄，去搵野做都會出到頭。唔反對架，話哂現實有唔少例子同我講咁係真係行得通。但記緊你所揀呢條路一定一定唔會易，仲要你個"成功"未必會係其他人都覺得係成功……

其實系香港讀書既選擇少 ja
人地外國連動漫遊戲都有得讀.
香港 "讀書" 真系冇咩選擇, 同時又扁低唔選擇 "讀果d書" 既人既智識同能力.

回番樓主
但講真, 香港 e+ 唔系做金融地產, 月入好難過2萬.

做體媒真系可以有定心理準備要求高人工低~
月入過萬已經執到.

依家唔係叫保安啦, 係叫物業管理, 大把大學生靚仔靚女做.
報告要用英文寫(係大公司佬細係鬼佬), 仲要識客戶服務, 樓宇結構, 租戶問題.....好多好多都要識要知

唔係話讀書一定搵到好工、賺到錢。唔讀好書就一定搵唔到錢一世窮。
我覺得讀到梗係讀。讀唔到都唔需要灰心。

之但係，我反而對樓主未考就打定輸數呢個心態有些少意見。

我覺得，一個人聰唔聰明係先天，讀唔讀到書都可能係先天（這裹假設識讀書=/=聰明）。
先天既野我地控制唔唻，何苦強求。
但係人生在世但救無愧於心。樓主作為一個學生，一個年輕人，現時既職責就係讀書。理應盡力而為，唔應該未考就打定輸數。

呢D 唔係叫做為日後打算，而係逃避當前既問題。

我個人覺得，社會上既人類，幾蠢都好，都唔會係垃圾。真正係垃圾既，係果D 唔肯努力，做事唔盡自我能力做到最好既人。

一個人懶，就算幾聰明都好，都係一件垃圾。
一個人就算係蠢，四肢唔健全，但係努力做好自已份內每一件事，都係人類社會上一個值得尊敬既人！

總括一句，我諗樓主先努力考好個試。努力左，問心無愧，考出唻結果唔好，先再作另一步打算吧！

Bill Gate, Steve Job 什至Mark Zuckerberg 都係大學dropped out.
呢類列子有唔少，但係老實講，發生既地點都係美國。
當地既就業態度同香港好唔同，同樣既事情我本人諗比效難係香港發生。

同埋要留意，佢地三個drop out 既原因都係由於佢地發現自我目標（Steve Job) 同埋要開始創業。並唔係遊手好閒讀唔好書而drop out 旳。
呢三條友，佢地要畢業都係易如反掌的。

加多一句你去見工可唔可以用英文interview? 如果唔得嘅(唔得同無信心係兩回事), 你應該知道點做!

其實樓主除咗唔了解出面一般情況亦同時唔太了解自己想點,而家有嘅係

時間,趁暑假去做兼職打下工,了解一下現實情況,都時有咗體會思考都會清晰

喲,就算呢度嘅師兄俾咗幾中肯意見你都唔及得親身體驗,到開學嗰陣讀書要

點定位(要勞力或者放棄),都叫做試過,諗過,發力死讀都仲有時間追,真心講句

[力不到,不為財]睇你想用學力定勞動力搵錢喇

唔講遠既

不如你宜家開始試下搵份小小既PART TIME,馬會又好,屋村d補習社又好,體驗下番工係咩一回事,會遇到咩, 自己有咩不足,然後再諗下你應該放棄dse,定係用盡個dse去爭取你力有所及既野

我覺得樓主就算自認唔係讀書料,都應該為dse立下個最底目標,而尼個目標係應該能夠令你有更多選擇

我見過好多人考公開試衰左先黎死狗咁搵水泡科讀,讀完先發覺接到既degree offer唔多,一係就唔認自己衰走去傻下傻下咁repeat,晒自己時間

所以你就算打定輸數都好,想未來好d既,唔走咁多冤枉路既,宜家係時間打算下

唔好怕公開試,佢係一塊跳板,你用得其所,點都會有著數

其實 唔係話唔知讀書對搵工好幾好 個個都知讀得書多 就易搵到好工啦
又唔係個個都記性好 對讀書好有興趣架嘛
努力讀書唔係一個問題 問題係要堅持 堅持先係重點

小弟只有T.I. Dip., 現在每週工作4天，人工2Xk！算唔算你想要的例子?
但我同你講，我平生最怕讀書返學(我老细早排想我讀小型工程，我都係咁答佢)，
但我從未停止學習過...