300年紫檀木古建築
無奈轉贈星洲
成龍轟港府唔識寶
2009/02/27 來源：on.cc



政府繼保育景賢裡及李小龍故居被指反應遲鈍後，再遭香港旅游大使兼國際巨星成龍炮轟「唔識寶」。成龍指多年來一直向政府爭取撥地興建展覽館，由他捐出價值連城、有逾三百年歷史的紫檀木古建築珍藏供展出，包括七間明、清兩朝大屋及戲台等，作為本地新旅游景點推廣旅游，但一直不獲政府答應，最終惟有答允將古建築捐贈新加坡政府，因為在一次偶然機會下向新加坡當局提及相關事件，人家七日內便回覆願意撥地。

成龍接受本報訪問時指出，過去二十年他搜購到大批紫檀木建築，包括七間明、清兩朝古屋、一個涼亭及一個古戲台，當中最近代的紫檀木柱亦有二百年歷史，最老的有三百多年，木材的價值遠非鑽石山的志蓮淨苑所能匹比，都是值得保存的古木，過去十多年來單是繳付倉租及防止古木被蟲蛀，已花費他過千萬元。

星洲批地建館 七日拍板

成龍稱，一直計劃將古木無條件盡捐給香港政府，只希望政府提供土地，但多年來政府都沒有回覆。直至一次他到新加坡出席慈善活動，向當地官員提及有意捐贈珍藏，對方七日內便明確回覆，指可提供一幅大學旁的土地，更稱會支付所需費用，包括運費、興建費用及到當地工作的工人兩年住宿費等。

「點解新加坡政府可以一個禮拜內撥出土地，港府就唔得？」他指出過去曾多次聯絡過不同的政府官員，包括向董建華和曾蔭權表達意向，但因政府弱勢管治，怕撥地給他會「畀人鬧」，所以遲遲未有應允。

「大廈擋住人o地o的風水、要填海就話要諮詢。」成龍指撥地建展館，對香港好，對經濟好，對旅游好，既無損害環境，又能保護古物，政府應即時撥地，毋須做諮詢，香港需要一個強勢的政府。

他強調，政府撥地建館，並非給他建屋居住，而是擺放具價值的收藏品，「我百年歸老後，所有展品屬於香港，屬於國家。」若要等地政總署批准，又要立法會通過，恐怕到他百年歸老，撥地一事也未能成事。

港府今時今日 仲耍官腔
成龍表示：「你話o係西九有兩畝地畀我，我即刻搬o野過去！」但現時一切已成定局，他已答允將古木捐贈新加坡政府，不能反口。不過，若港府能於兩周內答允撥地，他可保留三至四間古屋留港展出。

港府商務及經濟發展局發言人回應本報查詢時僅重申，旅遊發展局一直有就撥地事宜與成龍磋商，旅發局需時了解成龍的計劃構思及詳情。旅發局表示，會繼續與成龍商討，而地政總署則稱按一般程序，當收到政府部門要求撥地的申請時，會配合尋找適合的土地。



一個政府最緊要決斷
一句講晒
起就起 唔起就唔起
偏偏班政府9官覺得煩一味死拖
拖到而家尷尷尬尬似咩樣呀
點知重有人以"港府死拖爛拖十幾年以避免虧損"而讚好
呢個現象真係幾恐怖下

起間成龍廟嚟供奉啦！！

去十多年來單是繳付倉租及防止古木被蟲蛀，已花費他過千萬元。...

其實......

成龍指多年來一直向政府爭取撥地興建展覽館，由他捐出價值連城、有逾三百年歷史的紫檀木古建築珍藏供展出
上文下理睇唔明?
定係俾尋日單野擾亂左呀?
又一個分唔清事件重點既人

而家要埋怨政府既係反應遲緩 保育政策含糊不清呀

果度有十一間古建築
養左十幾年使左過千萬
計番條數每間用左十幾萬
重有呢單係十幾年既舊數黎架啦
點解好景果陣唔做?一味死拖?
成百萬請條廢既番黎坐就有錢
拎十幾萬出黎保育就喊窮喊病?
定係政府想留番多D錢百幾年後拎黎保育IFC或會展?
如果真係咁我都唔咁嬲
咁佢都算係一個有"遠見"既政府

成x是習慣面對傳媒的城中名人,吹乜都可以天花龍鳳,
個人雖然不認同當今的政府,
但沒有太多資料之下,一件古物的價值或捐贈者背後的動機....等等,
其實都好難有甚麼意見.

紫檀木係世界上最珍貴既木材之一
完好保存今既紫檀木建築物就更為珍貴
http://www.gg-art.com/furniture/material/index_b.php?tid=20

拖左十幾年呢D咁實質既野成龍吹黎把鬼咩
唔怕俾人反咬一啖咩
根本就係政府議而不決 決而不行
搞到而家尷尷尬尬

都咁耐既野,重要黎做咩
不如折左佢把la

講真又唔係圓明園果 D十二生肖國寶

喂兄台真係唔係講笑
你有去做政府高官既潛質
除左講野前後矛盾 重係利字當頭不思舊果種人
有冇興趣去搵唐唐隊番幾枝紅酒?

haha,比我真係唔做
咪又係狂比人X

我相信只要唔好學似你咁諗野應該都唔會俾人狂插既

最多只可以話個堆野珍貴
但係同保育無關lor
個堆野同香港歷史有咩關係
(由大陸搬D野黎香港都叫保育!? )

保育的話,應該是送回原居地

你唔係唔知上面D野架啦
擺係上面有人理先奇啦
保育中國文化產物都唔得?
咪將保育定義得咁窄先得架
重有上面既貴族小子
我睇過你係其他POST既發言
我已經充分了解到咩叫因人廢言啦

之前連國家地理雜誌都想拍攝特輯
而家香港就咁冇左一個建立形象既機會

拆左佢搬去第二度跟本係一種破壞原有地方文化的行為
仲好意思講保育
保育唔單係講保留座野
更重要係保留本身座野當中嘅Context (含意? 意義? 價值 ...?唔知點叫好 )
我係另個Post已經講過你搬一搬已經嚴重破壞建築物本身的Context (i.e. Siting, Building Orientation, Climate Responsive Design, 原址的地域文化...)
舉個例子, 如果間屋本身起係乾燥內陸北方
本身某D地方設計一定會反映該地方氣候
你搬黎和暖+春夏潮濕的香港做乜?   


例如"美利樓"
建於開埠早期
原址係中銀大廈現址, 本為一級歷史建築物
拆左佢搬去赤柱之後乜級別都唔係
依家個美利樓已經反映唔到開埠早期港英政府行政中心係邊一區...只係淨番個殼




又例如呢個中國古代墳墓
現為多倫多 Royal Ontario Museum藏品
你估有無人覺得呢D又叫保育呢


保育?叫"成龍明清建築藏品展"就差唔多...

[ 本帖最後由 貴族小子 於 2009-2-28 01:55 PM 編輯 ]

因人廢言? 我只係跟住上面班友大家一齊笑下輕鬆下

其實我對於D野係邊個捐出黎無咩興趣

同樣作為一個有大量華人既地方既政府，我相信港府同新加坡政府在於呢一方面既處境同思路都會幾相似。

作為古建築，人地新加坡政府肯收，證明左係有一定價值

個point係點解人地政府七日做到而港府要考慮咁耐?
仲要考慮咁耐都未決定到wo=.=
吾通人地新加坡政府就會決定得草率d?
我地港府就真係咁深思熟慮?

美利樓 唔同既. 美利樓鬧鬼鬧到d 老鬼高官要求要打返場齋, 所以冇人敢拆爛佢, 只好成"座"搬走佢.