其實話d game貴,對比番十幾年前既日圓定價,其實冇乜貴過,相反仲平左,只係對換率問題貴左,
以前我買PC-ENGINE D card仔,普遍都係5800yen,$240港紙,CD-ROM GAME就三舊樓下,對比廿年
後既今日,實質唔係貴太多,真正貴GAME反而係SFC,好多時要8~,9000YEN......

如果無哂老翻咁必定孌成好多人會唔玩或等二手(其實對市場淨化係有好處,至小唔會比遊戲廠商有借口人人玩老翻), 但問題同上面講過會比game加價, 但無老翻呢個定案係否決, 黑既出現,係白既覆蓋, 而家叫人唔好玩老翻根本已經唔可能,~ , 做好自己本份就算啦, 正所謂樹大有枯枝,族大有窮人~

其實呢D借口黎姐,唔鐘意玩可以唔玩姐,更加唔好買同DL啦.

所以依家微軟打擊老番方面做得最好,只要一上LIVE,你係咪玩老番同改過機即刻原形畢露,BAND埋你account,等你做自閉仔

咁講真,鐘唔鐘意玩其實上網收多d料,自己都估到0岩唔-岩玩啦,呢個絕對唔可以話係DL試game既借口,
當你DL完之後,講真大部份人都唔會真係買番隻正版啦.......

但事實係好多人都口話唔鐘意所以唔買，但就一路玩所謂既"唔鐘意"
最重要既係響依家呢個資訊社會，要知隻game好唔好玩有幾難？
有心打機唔一定要即出即買掛？等人評左先買都唔遲啦

冇錯,依家資訊發達,以前就話要買書收料,依家咁多論壇,容乜易收風,
要睇畫面什致攻略,上youtube同外國game網多的是

咁最後緊係要自己判斷啦,但係你有冇發覺玩老番都有個壞處,冇錯,game係有一大堆,
但爆機真係小之又小,好多時玩兩玩以經掉埋一邊,我以前玩SFC同PS早期都係COPY,
之後發覺上述問題之後以經冇再玩COPY,雖然我唔敢講話隻隻都爆機,但起碼都完成一半什
致更多,而且完裝GAME對我黎講係收藏品.

以前無老翻D人咪又係咁玩
模型都係啦，唔通又各花入各眼所以玩老翻？
再者，問心個句，你係唔係真係做到正就玩正版，唔正就唔玩，老翻真係只試game？

講真自己未親身玩過, 睇網上既評價真係唔夠, 你食飯都要自己食過先知岩唔岩胃口啦~都未食過聽人話唔好食, 點知好唔好味~

玩正版既人個個都係咁架啦，講真我地無踩過地雷咩？但踩左又點？玩模型都會啦，當初睇好既unicorn原來可動性低到咁，邊個估到？
要試有好多途徑，問friend借都得架，無friend？等人放二手lor，都得架

好似我當年見隻神鵰俠侶好似幾好玩(實際幾悶~~~)，都係問FD借黎玩，冇搵老翻，因為遲早實有D劣質老翻，改機出現整死部機，到時就得不償失，既然有錢買部機，囉多少少出黎買GAME係應該預左，尤其一開始鎖埋唔比人玩老翻，你仲要搵D唔知咩人強行爆開個鎖(可能仲有其他手腳做左你都唔知)，之後死狙機又係度喊，咁又有咩為呢，何況改機人唔UPDATE得部機，好多新功能都用唔到，或UPDATE一次要破解一次，為左玩隻遊戲姐，搞咁多野洗咁多無謂錢都夠買隻正版UMD啦~~~~

不過PSP我見好多GAMES都有試玩~~~~

世界在變，但何以我們要選擇把標準下降呢？
這個已經是人文學的問題，還是不要討論了