唉~~~~   又係呢項所謂「網上秘聞」......   早幾年前已經係網上流傳，隔一排又被人翻炒.......   唔知點解有ｄ人都唔去分析下 (或者無能力分析)，就人云亦云，周圍唱.....

(1) 「使用純正植物油」.....  
其實即食麵製作過程中，會使用棕櫚油去炸ｄ麵，雖然棕櫚油係植物油，但飽和脂肪比動物油脂 (牛油、豬油) 仲要高！  呢樣亦係即食麵被評為不健康食品的主要原因之一.....  但麵廠為求混淆視聽，就猛咁話自己「使用純正植物油」....        如果所謂「大陸生產」的一丁真的是使用豬油，那其實比香港或日本製造的要來得較健康......

(2) 有否「ISO 認証」及是否「無菌防塵消毒工場」.....  
以「日清」咁大個名牌，點會連呢ｄ基本野都無？  無理由會亂咁搞ｄ鑊出黎比自己「子貝」....

(3) 香港是否「使用美國一級麵粉」？
點解唔吹水話香港係用加拿大麵粉？  要吹水都要識得吹響ｄo丫.....  

(4) 「香港出售的出前一丁都加上 '香港製造', 與大陸貨劃清界線!!!」.....
呢句說話真夠搞笑！    
係產品上標明原產地，好基本做法，法律上亦有規定咁做....  香港回歸後成為「行政特區」，係標籤上仍然依舊使用「香港」字眼，好平常的事.....  咁就話係同大陸「劃清界線」？！  

(5) 點為之「廉價奴工」或「廉價勞工」？
中國生產成本比日本低，係中國設廠生產供應比當地，售價便較有競爭力...... 呢種做法好平常不過，點解又有人拿來吹水，仲要吹到好似「大陸勞工被迫以極低廉工資替日清生產即食麵」咁樣？  麵廠ｄ工人又唔係監犯，點樣「奴工」？

講出呢句說話、或者聽左會認為真有其事的人，都不知國情，諗野都無理性、無邏輯的.....  

內地出前一丁很難吃,同馬來西亞的日清杯麵一樣差,食兩啖就掉了!

唔怪得你自己買過去食啦,唔食乾撈

日清 - 出前一丁 個品牌乃國際有名的, 佢會唔會蠢到攞自己個品牌"較飛"呀? 唔知就無得講, 知的話日本一定唔會比佢地咁做, 日本仔雖然貪錢, 但都會注重品牌的名譽. 呢d咁的網上傳聞不大可靠..............

国内出前一丁间厂系我地尼边有一间...地质量应该hk间靓地...一分钱一分货你地明加啦

internet流行左超過十年, 都仲有呢d野遊黎遊去, 初初狂收d轉發電郵關於咩"你非看不可"呀, 十項關於咩咩咩呀, 咩咩咩的真面目呀, 當時好多朋友都覺得呢d文章講得好有道理好值得轉俾朋友睇, 又或者講d野好驚人要轉俾朋友提醒下佢咁, 呢d電郵通常去到我度就會掉落垃圾桶, 有d朋友差不多收親呢d都全部轉出去, 要鬧下佢先收下手~

依家呢d垃圾電郵已經少左好多, 但係轉化左nature成為blog上面既文章, forum裡面既post, facebook上面既article, 成長永遠存在既垃圾, 更容易俾人抄到又重新轉發出去, 唉~!

點都好..杯麵其實本身就不健康..少吃為妙.....

出前一丁令我諗起有一年農曆年朋友買左一箱上黎拜年當手信, 好似有廿四包, 到差不多下一年農曆年我同老婆都食唔哂, 仲有十零包, 結果我地響聖誕節(包面過期日前一日)放哂落d交換禮物度, 送盒面俾我地果家人就係咁又收番四五包面番屋企~

咁先發覺原來我同老婆一年食唔到一箱出前一丁   不過weekend出去食早餐我一定係叫有公仔面既餐食, 計計下都一年食幾十包

大陸限制 INTERNET 資訊就系咁解啦 普遍民智低既時候資訊自由可以系件好危險既事

從 SARS 時，一個網上「疫埠謠言」可以導致市民去超市掃光白米、糧食、廁紙.....  又有「煲醋殺菌」令市民高價搶購白米醋.....  近期又有「東亞銀行擠提」事件......

香港資訊自由，但有時民智都唔高得去邊.......   

我對好多野都好有熱情, 惟獨對網上流傳既"消息"就相當"冷感" 掃貨無錢又無時間, 更加無信心搶贏D C9, 阿婆  不過系依家香港呢個"亂世", 如果有錢系銀行 (唔系一萬幾千果隻), 「東亞銀行擠提」個件事......都咪話唔驚

呢d野可信度极低,虽然香港出既系好好食,但系唔代表大陆既就会食死人
如果系大陆实习过几年没事就叫劲既话,感我系大陆活左十几年感米半个神?!感讲唔系感好喔,虽然大陆d野唔系全部都感好,但只要系正式既产品都没咩大问题......
唉~

[ 本帖最後由 ENDLESS 於 2009-4-10 08:18 AM 編輯 ]

香港有好多人覺得你地有"抗體"嘛

香港有好多人覺得你地有"抗體"嘛 [/quote]
其实呢个系中国共产党既一个伟大国策,令到全国人民有毒性抗体,感就唔怕帝国主义既生化武器咯