motogp級別今年的確比去年好睇得多！記得去年士東拿一起步就拉開6-7秒, 成場車已經大局已定....
如果有睇埋125, 250就會明白鬥老電可以有幾close game (而更加明白上年有幾唔好睇....哈)....125cc有頭冇尾例子今年都場場有, 250cc則場場都鬥得十分激烈, 上場意大利西蒙斯尼帶住十幾秒又會無拉拉俾人追得返....之後西蒙斯尼最尾一圏火併派西尼我唸同呢場羅絲鬥羅倫素呢一段有過之而無不及~!

今年士東拿架車未set好, 所以季初一直起起跌跌....話雖係起起跌跌, 但家陣總成績係點？三人平排......羅絲, 羅倫素, 士東拿同得一百零六分...羅絲贏車當然興奮！但見羅倫素贏車「串串共」果個樣真係好想上去「掌佢咀」！！今年返而見士東拿咋返架「27」號，就算佢贏車我就覺得舒服好多。其實佢真係幾clarming的！上次見佢贏左車返來第一件事係做咩？拎住支旗吊吊fing？no！佢第一件事係咀咀老婆大人！不知幾sweet！今場見佢返來死下死下, 老婆又好體貼咁安撫, 係賽車場上除左係風見車人之外我唸我都唸唔到第二個會係咁.....XD

今場羅絲由一開始拖住來跑經已睇得出佢經過上兩場奶野之後要極之小心走每一步！不過羅倫素都唔中佢計, 到最尾羅絲要就佢成秒先可以「俾」羅倫素過到.......果個lap擺明就係要做佢, 令羅倫素push得來又要就住條軚跑。但不得不讚佢的確冇乜犯錯！只係羅絲預得兵行險著, 就有一定把握先會咁做。本來尾5個圏應該有位可以過返羅倫素, 但羅絲都忍住, 到最尾先過佢, 可惜自己run wide左, 俾羅倫素走返近, 所以至有尾圏「有驚無險」既場面.....哈~~~