唔知道有幾多hkml的朋友鍾意聽日文歌呢?(小弟一家人就得小弟自己鍾意)
小弟想0係度講小小自己由細過聽日文歌到依家的感想......
記得自己第一首接觸日文歌, 係當時亞視播的男兒當入樽
主題歌係BAAD的[想大聲說喜歡妳](有好多唔同譯法, 大概係咁啦)
同大黑摩季的[眼中只有你]
呢兩首開頭對小弟來講簡直震撼(記得當時係1995家96呢, 係我讀六年級果陣)
之後都係主要接觸D avex d 歌手d歌(主要係安室奈美惠同相川七瀨), 不過都係鍾意侉地部份d歌, 並沒有俾我對歌手有種如痴如醉的感覺。
直到小弟讀中五時無意間買左隻avex記出的[日本巨星最高傑作2]
終於有一首自己極喜愛的歌同歌手,
就係dream 的 [heart on wave]
果年係2000尾至2001年頭, 係小弟會考之年
而該樂隊推出第一隻大碟, 正直我果時考mock
可能好多朋友都唔認識果樂隊,
佢地係唱 卡通[犬夜叉]片尾my will 同棋魂棋靈王1st op片頭get over的樂隊
不過對我來講唔剩係因為佢地d卡通歌而鍾意佢地,
而係佢地當時d歌首首對我來講都好好聽
(2001年時最當紅的日本歌手應該係浜崎步同宇多田光)
不過佢地2002時出完13隻單曲碟後, 其中一位成員松室麻衣想進修而離隊了
之後avex記又幫手加新成員, 但是我覺得改組後d歌路同以前完全唔同
所以之後私沒有再追聽佢地d歌了
(其實可能係樂隊中我只鍾意松室麻衣一個)
之後我都沒有對個別歌手有特別喜愛,
而主要追的都係動畫op或ed,
例如gundam seed或者 gundam 00,
而且都會聽開一d唱開動畫歌歌手d新作品如栗林, 水樹等.....
今日, 因為放太假準備考試, 我又搵番當日陪我會考的dream的大碟,
因為我係一路溫書一路聽歌的人,
之後上網搵下過去樂隊的近況,
才知道原來過去鍾意的歌手松室麻衣原來已經嫁人了
0係度祝佢地新婚快樂, 白頭皆老,
亦都好多謝佢俾左隻好好聽嘅碟陪我會考,
講真, 沒有佢地隻碟, 可能未必使我有動力讀上中六
分享
