SD高達分開幾個階段.  200號(RX-78)之前係2頭身.  200號至365(Wing EW) 係3頭身.  之後SDEX可算是4頭身.  而SDCS又係另類(2邊不討好).

話說小弟因為一時興奮, 入左好多盒最舊款, 即係接近2頭身個款.  開盒望下, 雖然件數小, 但真係覺得自己無能力搞掂.  於是放上網賣, 又無乜人有興趣.  算啦, 自己開來玩.  第一隻搵左算係分件最簡單, 做最小遮蓋上色的魔蟹來試.

一直以來, 我做無縫都處理得吾好.  我係用模型膠水做無縫.  完全吾識用筆地.  今次真係膽粗粗試下搞無縫.  隻蟹大部份位都係左右夾埋, 補縫都好多功夫同時間.  用膠水又要等一晚, 第二日先磨得.  對我呢類吾係隨時可噴油的人來講, 成個工序亂晒籠, 估算了要分好多日去做.

第一日 :  手臂, 大腳, 腰的無縫.  痴完, 等膠水乾.
第二日 :  打磨及上深藍色, 白色.  等油乾之後, 做好遮蓋, 砌埋之後小腳及前臂的件.  痴完, 又等膠水乾.  淺藍色要做遮蓋, 又要做頭頂無縫.  我會先噴一次下半部, 頭頂吾噴.  砌埋中間件之後落膠水做無縫
第三日 :  打磨及上灰黑色.  淺藍色部份會打磨好及做遮蓋之後再噴個頂.  乾晒之後貼貼紙同手油背後黑色的部位.

坦白說, 我砌RG都係大約分2次開噴筆.  有時開第三次都係為執漏, 補鑊.   而家只可以當佢係甜品, 砌一隻主要的模型時痴住砌.  

呢個已經係我諗到最快的工作時間.  如果膠水搞吾掂, 真係要用到畢地, 咁又等多幾日.  砌舊模真係好辛苦, 而家吾係後生時, 可以成日坐係度砌.  吾plan 好點砌真係有排都砌吾完一盒.  仲有好多最舊的SD….大魔, 紅蟹, 老虎, 愛美號…. 幾時先砌得晒?

我其實正餐下隻RG wing ew(吾係羽毛)

舊SD只係甜品。

Legend bb我入左4件，三款騎士➕一隻武士。其他款我麻麻地。



之前有提過發生左好吾開心的事。一位中學老友，相交三十幾年。突然走了。對我嚟講好大打擊⋯⋯我呢個月都係晩晚hea砌，提吾起勁。所以進度好慢.

個人最喜歡sd wing ew後的SD。但只得好小款.  跟住sdex行型仔feel。外型吾錯不過上色煩,偷膠過份.  SDCS吾掂，要改下先ok

尋晚走去拆隻素組的RG RX-78....好多地方爛咗....把鬼，買過盒砌算數