聖誕假前終於有點空閒時間, 可以連續幾晚做一做模型, 真係一樂也 !
少少 update :
今次心目中係做一個較深色既德國灰, 配合二戰早期近似黑色既早期德國灰. 會嘗試一下用 cm 係近似黑色既深灰上, 可以做出乜野效果.
好耐都無做過 pre shading , 今次為左想係黑色上帶多點變化, 所以做一次 pre shading.
用郡氐黑 + 白調配好底色. 這次沒有像原色中偏藍, 偏綠的情況, 效果頗感滿意. 跟住再用底色 + 黑, 深化一下陰影位.
用郡氐 317 (一種帶少少藍既灰, 好似係噴飛機既.) 做出第一層高光位, 再用 317 + 白強化高光位置. 所有艙蓋, 同特別零件亦都用類似手法做出偏色.
暫時變化都只係由黑上白, 中間只係高光位混入少少藍, 之後會係 filtering 上面多加入幾種顏色, 看看效果如何. 另外, 提出一點, 做完底色後會有不少後期 effect 會加上去, 亦會大大減弱整體色澤上既對比性, 所以係底色上面既對比, 不妨做大一點, 免得後期做完後, 先發覺同淨噴單色無甚差別.
希望今個聖誕假可以多點時間做模型. Merry X'mas to all.