原帖由
rex94lee 於 2015-11-13 02:58 PM 發表
鉗子從版下往上剪，先留空位，再打磨
↓
再用鉗子剪掉水口
↓
用400,600,1000由細到大打磨
↓
作無縫處理，網上看到2種方法
1.
未組裝前，沿縫位塗水雙星膠水，再合起來
用力按實，乾掉就磨走溢出的膠水積
2.先合上部件，然後塗在縫接位表面，再按實
↓
噴畢地(我用噴罐的)，由左至右，距離15cm左右，噴一次
↓
上色，開1：1天拿水和油(gaia牌)
銀色：先上光澤黑油再上銀(一時間記不起Gaia 102)
金色：先上光澤黑油再上銀，最後上金
↓
浸線點落抗位，再用白電油抺去出界的線液
↓
噴消光(同樣是噴罐)，噴3層
求各位師兄指點迷津，我很想做出一部好模型
咁講先...
有d 野, 唔可以講錯, 但就唔"正確" 因為永遠會有d 人走出來講 "我係咁做而我做到" ... ok, 你叻,你勁, 你威.
但全世界其他人都跟唔到, 做唔到, 失敗機會高 的話. 講咩都冇用.
模型冇"唯一"方法... 但有成功率高 / "相對比較"簡單 方法. 成功率高反意即一樣有可能失敗. 唔係100%... 所以唔好話人地做到, 我做唔到.
用400,600,1000由細到大打磨 如果會噴水畢地(1000/1200/1500灰), 就唔洗磨用到1000. 有時磨到400 都夠. 因為到最後都噴消光, 就可以偷少少雞都睇唔到的.
無縫處理唔止兩個方法.. 而係有兩個"方向"
1. 溢膠水... 要塗上比"需要的"多既膠水先做到. 亦要俾時間(以日計)膠水乾/硬/縮.
溢膠水係呢十幾年先開始有, 最先係由 max渡邊 教既. 可以講得bandai 近十來年出既模型先會有高成功率. 其他廠就睇"個人技巧/經驗"
2. 填補.... 即傳統方法. 幾十年來一直都係咁做.
用咩填補... 由最傅統 既牙膏畢地, 到aa膠+爽身粉, ssg-hg 都有. 總之就係搵d 野填左夾口果條坑, 再打磨返平/滑.
牙膏畢地要時間乾, 厚既又會縮, 之後又一定要上色, 所以少左人用. 但可以講, 只要你有"恆心/時間"就一定work. 但時間呢樣野唔係個個都想用咁多....所以....
aa膠+爽身粉 / ssg-hg..... 算係快乾膠溝filler 類別. 用邊隻牌子既膠水, 邊隻牌子既爽身粉 都會人人唔同. 有人會用正牌 aa, 有人會用 o-second... 有人直接用"黑aa"
呢d 要自己試.. 爽身粉有人會用 johnson, 有人會用"蛇粉"
至於... "先合上部件，然後塗在縫接位表面，再按實"
似係用滲入式膠水先做到, 我會覺得算"高階"技巧, 成功率同經驗完全成正比. 算係溢膠水既一種. 新手衰左唔好問點解.
_______________________
噴畢地(我用噴罐的)，由左至右，距離15cm左右，噴一次
唔係用次數去界定... 而係要噴到均勻, 基本上會睇唔到原來顏色.
_________________
上色，開1：1天拿水和油(gaia牌)
銀色：先上光澤黑油再上銀(一時間記不起Gaia 102)
金色：先上光澤黑油再上銀，最後上金
全部都"有問題"...
忘記開油要幾比幾... 可以用來"參考"但唔好作準.
1:1 開gaia 手油都隋時會有問題... 應該先倒少少出來, 慢慢加開油水. 一路加, 一路試. 用廢膠試. 溝o岩濃度先倒多d 再開.
手油上色就唔好係色面上再上油. 會"炒底"的. 指係同油系... 即硝基油上面唔可以面手油硝基油.. gaia 係硝基油. 手油炒底機會極高.
冇得噴油就自然會少左一d 只有噴油先做到既技巧.
先天不良唔係下下可以後天補救既.
其實..手油硝基油係水畢地面上都一樣可以炒油(炒水畢地)的....
__________________________
噴消光(同樣是噴罐)，噴3層
層? 點為之一層.. 帶過一下叫一層..... 幾多micron 厚度為一層呀?
呢d量化唔到概念. 就唔應該俾數量出來.
噴到"均勻".. 個面乾左唔反光, 啞色就算架啦.
[
本帖最後由 VampireA 於 2015-11-13 05:13 PM 編輯 ]
分享
