C-Hing's determination to this detail is just awesome!!

田的舊模可以改到咁正!! 厲害!! 神人呀!!

獅象兄 砌模型有技術，夠細緻又有誠意．詳盡教學．
看過了各下的POST，的確獲益良多．小弟又學到野喇．

進來拜神！
看了有點想放棄砌模型...

加緊, 加緊油喇, 加E油去上色吖嘛


咁舊的古董, 改良少少已可以令人以為好 "勁" 的錯覺了


差不多四十年來, 紙巾模擬布蓬的地位不變


係喎, 這架都係老爺車黎喎 不過我又有好多鬼主意想在上色道試, 睇怕唔得嘞, 打算2月的真人騷啦


多謝比面


唔好咁客氣 難得大家有共同嗜好, 互相交流報料, 達成兒時美夢!


比多少少耐性, 人人都做得到


誇獎喇 情意結吧! 我係老餅, 70年代的雙星模型質素, 對我當年黎講已係冇得頂, 此印象並沒 "與時並進" 即係好out! 但這也無妨呢, 砌得開心咪得囉!

獅象兄，
車頭蓋兩邊的凸骨並不是去到尾的，要切去少許啊。

另，第60樓提到"牛魔皇"給起動輪用的PE莫名其妙，其實起動輪是這樣子的，牛記的PE基本上可用。
建議改用 FM 履帶，內附的起動輪比 MK 的好得多，而且履帶比MK的更薄更像真。

興趣濃厚就自然有心機砌, 砌模型的技術不太高深, 工多必定藝熟 我以上的全都是轉述別人的教學, 在此交流而已. 等大家都可以做到


咁好玩的, 點捨得放棄呢!
改有改好玩, 複雜有複雜好玩, 簡單又有簡單的好玩, 甚至 "求求其其" 有時仲好玩!!

回想兒時所謂砌模型, 雖然三扒兩撥便草草完成, 但感覺很快樂. 人越年紀大, 越 "識野" 但思想越複雜, 好諷刺.
上星期在等混合膠水乾的空檔, 忽然好想回味兒時砌模型的感覺, 拿拿聲找出我中一時的夢想模型 - 雙星251 ! 只批水口, 乜都唔搞, 幾小時內完成, 認真爽!!!!!!!!

同場加影小學時期的 " 香英基超人, (第一代是吉田超人) 科學巡邏隊定地球保衛隊??的二號機!! 我好間唔中就有這類發神經製作品

噢!  好呀, 這個易批走. 要跟!


啊! 原來如此! 差點冤枉好人  ( 其實我時常都口沒遮攔 )
好多謝你的提議  不過金融海嘯吞噬了....購買慾 ( 其實是懶和孤寒的藉口)

我事實係好好奇那些實物的, 所以其實成日都 "偷睇" 別人的考證 但可惜自己又懶, 又那些參考書好貴呀!!! 好唔捨得買, 亦唔識邊本啱邊本搵笨, 所以咪成日走精面 " 索料" 囉!
極度歡迎這麼寶貴的資料, 雖然我好多時都唔跟, ( 多數是技術所限 ) 但並不表示唔欣賞! 多D黎, 密D睇!!!

改有改好玩, 複雜有複雜好玩, 簡單又有簡單的好玩, 甚至 "求求其其" 有時仲好玩!!  

回想兒時所謂砌模型, 雖然三扒兩撥便草草完成, 但感覺很快樂. 人越年紀大, 越 "識野" 但思想越複雜, 好諷刺.
上星期在等混合膠水乾的空檔, 忽然好想回味兒時砌模型的感覺, 拿拿聲找出我中一時的夢想模型 - 雙星251 ! 只批水口, 乜都唔搞, 幾小時內完成, 認真爽!!!!!!!!


頂....

講晒我d心聲.....

興趣>>>苦海>>>沉淪>>>give up

sir let me worship you orz orz orz orz
i like the way you use spare parts, creative!

過獎喇


興趣唔會變成苦海沈淪的, 又唔係吸毒 更加唔駛話甚麼放棄, 嗜好一種黎姐, 有心情先至玩囉!


這樣動小小腦筋又係玩的一種! 好多時 "好唔好玩" 係要自己發掘的.

話跟就跟! 好彩有跟姐, 原來車頭蓋那前後兩條突線唔去到尾, 經過依實物圖片修正之後, 那輪廓更覺顯眼, 有睇頭!  要同馮兄講聲釘橋

不過起動輪的蝕刻片就冇咁好彩了, 本來諗住其中一隻短少少, 轉到落下面, 再加些泥漬遮遮掩掩便過骨, 點知一度, 嘩! 原來唔見左成半截, 冇得救  原來之前改為前排上落車踏板時已挪用左頗多, 起初仲以為好少添.

但係仍然覺得這防滑板安在起動輪這個位置真係耐人尋味......唯一想到的解釋, 會唔會係更方便比前排上落之用?

準備用來做雜物的木箱, 是雙星迷彩兵仔那盒附帶的, 是古董貨, 只得面頭有木紋雕刻, 側面四周完全沒有, 全靠筆塗自問功力有限, 記得有本台灣書教過可以用蝕刻鋸片的密齒來刻木紋, 試吓, 又真係得喎!!

........................

獅兄、用同你更正小小、Ｅ架係第３代超人Ｊａｃｋ的２号機、即係帰来的超人（香港果時叫超人歴險記--＞超人亜郷）、並不是超人吉田。

第一代超人係吉田
第二代超人係七星俠
第三代超人係亜郷

懷舊呢家野，小弟絕對舉腳讚同．

師兄真係好好心機!!

整個砌模型的過程中, 我最鐘意的環節是上色, 如果是砌賽車的話, 上拉花水貼我是算埋它在上色裡的, 並且在噴塗之上!

至於afv, 上色之中的營造立體感則是最感興趣, 好鐘意噴塗陰影. 而對陰影處理的口味隨時間而變, 純粹各花入各眼. 近年喜歡模仿實況的陰影, 但始終是比例模型, 便必有比例效應 scale effect, 因為原來人類的視覺都幾蠢, 所以傳統技法仍然有效. Pre-shading 冇得走雞, 但我唔想太科幻高達 feel, Pre-shading 的痕跡要盡量不太明顯, 那麼 Post-shading 便有必要了. ( 其實我個人鐘意 post 多過 pre ) 陰影是漸進的, 所以最佳方法必噴塗無疑, 亦先以噴塗作為營造基本陰影.

點樣決定陰影位置呢? 一般以頂置光源來說吧, 不要想當然, 以為凹入的, 下面的就一定暗…. 我就是經常犯這 “錯誤”, 原來有時凹位 / 底部受到附近物的反光而變成高光位!!! 錦點算? 剛好機界今期油 54mm ORC 獸人的李文傑君有教路 : Overhead Lighting 是也. ( 請唔好笑我會買它吧 ) 方法是用枱燈照射模型, 模擬最常的正午日光便從頂照下, 如此類推. 用數碼相機拍下黑白照, 白的便是高光位, 黑的便是陰影位, 灰的便是主色…..這便可以清楚了解光暗位的分佈. 以此作參考再加些想像力.

我覺得非常有幫助. 更以噴完灰的狀態配黑暗背景來影仲正. 今次便發現有些高光地方正正是我的誤解區域, 很有趣, 一於跟黎玩!

我對顏色理論一竅不通, 高光陰影的顏色選擇冇研究, 便一心想著先決定用郡仕#19做主色, 想當然地以#42做底色 Pre-shading, 諗住張 #19刻意開稀減低遮蓋力, 慢慢一浸一浸的噴上來, 即以不同的遮蓋力作陰影色, 那須理會用甚麼高光顏色! 這樣便萬無一失掛?! 可惜太懶唔事先試色, 上次 88mm 炮都是#42 Pre-shading, 可能是德國灰是深色關係冇事吧, 但今次一噴便遇上#19發色有問題. 原來#42 影響到#19的發色, 變成白晒晒, 與心目中的顏色差很遠!

唯有想補救辦法. 行番轉頭, 還原基本步, 改為先噴較#19深而比#42淺的#119吧, 但又不甘心認輸, 最主要始終都是對色差唔夠認識, 一味加白色驚影響彩度, 又怕越多用不同顏色越易出現不協調, 影響我最初想做到的較自然的色階變化. 所以噴#119時都係開稀黎噴, 只是第一浸開 1:4 離遠些噴出大概色水, 接著再開稀至 1:6 至 1:8 慢慢細噴多浸來做高光, 一來實驗吓我最初的想法是否可行 --- 以遮蓋力差異做陰影效果, 二來當練習. 結果真係行得通的! 只不過#119 的發色亦是有影響的, 不過比#19的細和自然些. 但目標是在最後的#19 的發色上.