..............................

..............................

...................................

................................

................................

車頭燈, 我覺得係汽車設計的靈魂之一. 就如面孔五官中的眼睛. 軍用車輛全部蓋上保護罩太千篇一律喇. 好悶姐! 少少的改造, 便可以有不錯的觀感, 好化算呢!

但今次的如意算盤未打得最響, 原因是燈內壁是靠人手鑽空出來的, 未必夠圓, 透明膠片又是人手切割, 肯定唔圓, 雙重影響, 一定有罅隙, 就是這原因令塗上膠片面的透明膠水滲漏入內壁. 厚塗透明膠水目的是本想營造微微凸起的弧面, 兼修靚透明膠片的圓周邊. 因為膠水的表面張力 Surface Tension 原理, 本身的黏度較高表現更加理想才對, 可惜都漏走入去了, 這還不只, 致命的是膠水接觸 chrome decal 便引起白化現象, 即死. 這隻 Testors 是寫到明係 Clear parts cement & window maker, 我已用了頗久, 黐透明件真係幾好用 ( 砌車好多時要用到, afv friends ) 之前已試過類似的製作, 它對油漆沒有問題, 不會在銀油漆面上白化. 厚塗一至兩浸都會保持很清澈, 未乾時是白濛濛的, 不用怕, 約一, 兩小時乾透後是很透很清的, 但有限度, 太過厚是會變混濁的, 這就是點解我唔索性填滿 Testors膠水在內壁的原因 ---- 會變濁. 轉而想到鋪上透明膠片, 只塗在透明膠片上的辦法囉. 其實好懷疑它和白膠漿的分別?!?!

另外用上 chrome decal 代替銀油, 我覺得兩者相差太遠, 不過又帶來新問題……我現在已初步想到解決辦法, 未作實驗, 所以留番下次玩啦.

.......又有排等嘞

100分的教學
救命, 圖134咁整有乜差池, 我真係企左係度

[ 本帖最後由 karajan 於 2008-11-6 10:51 PM 編輯 ]

引擎側板散熱柵格刻凹坑加強視覺效果, 真係睇到眼突 勁!

果然係高手,高手,高高手

你d對白好抵死~~~~~快d攪掂佢呀~~

象兄，頭燈玻璃直徑幾大?

大工程但好好玩!
想請問下車頭蓋散氣口點削溥? thx

唏, 有乜差池咪當戰損囉, 坐番係度喇


界界吓就得架喇, 最緊要輕力, 唔急得. 只不過都幾花時間姐


我果 D就真係嘥鬼氣啦 希望唔好真係變左納粹德軍, 石堅收場!


講得啱, 抵我死 係嘅係嘅, 尊命. .......(而家D後生仔都唔敬老嘅)


唔使喇肥牛兄, 我知你一定有辦法幫我搵代替品 之不過玩afv好多彈性, (唔學得車) 淨係加些舊化效果, 遮遮掩掩又過左骨都冇人知!!!   遲D玩番車如果遇到難題, 一定搵你幫手

先用刻線筆沿著角位輕力重複界, 慢慢界至出現一條淺坑, 以防跣筆, 後便改變落筆的角度, 稍為水平, 便慢慢界出一條深坑, 便有空位落長谷川的細 chisel 批邊, 最緊要是輕力, 不可心急. 慣左就一點也不難.

睇到都驚,自問不宜玩蝦片+加造

強貼留名.

獅兄, 個 SET 長谷川 TRITOOL 係點既款架 ?  好似好正播.

獅兄，我冇黎八一排嗟，都已經有咁多嘢學喇

仲有係獅兄，睇呢你對支打磨機都運用得好好啵，仲知道磨膠就最好用鑼咀添

[ 本帖最後由 hl_0521 於 2008-11-17 10:56 AM 編輯 ]

之前都講過某些類型零件換上蝕刻片效果超卓, 鼓勵選擇那類嘗試, 都係果句 : 工多藝熟姐. 我果 D手工就真係 "未熟" 嘞, 所以給你有負面印象, 建議找找 PE王 louisuni 兄的製作, 包你完全改觀


係經過好多次失敗經驗累積的, 又長氣的強調多一次 : 工多藝熟. 鑼咀雖然砌模型唔常用到, 但一遇到某些特定情況它就冇得頂.


工慾善其事, 必先利其器. 好的工具的確可以幫到大忙. 老長的 Tritool 系列工具真係值得推薦, 尤其是圖中的 TT-9, 它的刀鋒平面兩邊是不同角度的, 是我最常用. 其餘的 chisel  (找不到圖片) 1mm 平咀則適合極窄位用, 圓咀的應用範圍比想像中多, 反而三角咀的最少用.

[ 本帖最後由 獅象 於 2008-11-17 11:42 AM 編輯 ]

嘩!!!!!!
有無搞錯, 點解呢D咁勁既POST我依家先睇到!!!??
遲哂大到先入來膜拜!!
象兄太勁喇, 睇著象兄既製作過程真係令小弟回憶番起那種久違了既砌模型樂趣, 隨心所慾, 單純以自己喜好咁選題材來砌, 好享受呀!!
請受小弟一拜

[ 本帖最後由 GaryKwan 於 2008-11-17 12:34 PM 編輯 ]