車身側板的小扣, 原廠是整體成形, 真係冇好過有. 原本只想削掉算數, 因為太細眉細眼. 心思思又即管試自製一個睇吓點, 又幾過癮喎, 其實頗簡單便整晒.

這些小零件要統一尺寸, 便需要一個固定的形板, 加上耍屈曲90度直角, 所以最好是找一個合尺寸的長方立體. 但臨時又搵不著現成適合的東西, 剛好削平原本零件時發覺它的長度就和 TriTool 的鑿咀闊度差不多, 便懶得就懶. 至於如何屈得夠90度? 咁細, 邊駛咁準吖 ( 我就係錦, 大家唔好學  ) 加上幼鐵線好易屈, 用微鉗執一執又過骨.

...........................

輪到自製扶手桿. 要用粗些的物料 --- 萬字鋏. 但今次用甚麼做形板來統一尺寸呢? 因為硬度加大了, 形板的物料要夠實淨. 搵左成一分鐘都冇收穫,  算數, 諗住盡量用尺一路度一路屈啦, ( 其實心知屈曲的弧位很難度得準 ) 就錦比我發現卡尺的兩隻 “抓” 原來可以利用 ---- 一隻抓用來頂著已屈成直角的一端, 另一隻抓頂著平衡貼邊的鉗咀, 然後用力鉗實銅支拿開跟著屈曲, 這樣起碼可以決定了第二個屈曲點, 那麼便可大約統一最後的長度了. 成績果然不太離譜呢!  哈哈, 又過骨.

...................................又有排等嘞

用心嘅制作,獅兄實在係追求細節嘅表表者!!!

改得好, 獅兄.  市面上有 d 鉗轉係用黎屈唔同大細既把手, wittmann 兄應該有詳細資料 / 實物可供參考.

你係唔係講緊 Mission model 出果個GRAB HANDLER...


http://www.missionmodels.com/product.php?productid=16462&cat=313&page=1

其實工具只係幫手, 用乜方法都好, 做到個效果就ok 喇

軍車呢樣高級嘢，我自問真係門外漢，不過見到獅兄有post出，咪入黎八卦吓咁嗟，

好在八吓嗟，唔係差啲就走寶喇，今日又黎八吓，又睇到好嘢喇！

有野學,坐定定

多謝比料 有D印象....鬼佬書見過類似的廣告....唔平喎?!!! 但睇落好好使喎


有你地鼓勵, 好! 我會繼續....懶





你地唔學壞手勢算好運

又有少少進度.

時不時都有聽到些關於額外配件的爭論如蝕刻片. 並實真係不必認真, 無須絕對化, 根本亦不能夠絕對視之. 蝕刻片的出現的確帶給模型細節另一個層面, 例如賽車的頭蓋鎖, afv的工具扣等等, 其他物料難與匹敵. 但亦有些蝕刻片零件種類並不是據有全面優勢. 更有一些是可有可無, 甚至唔用好過. 後者的出現只不過是某些做生意 ”聰明” 的廠商之捆綁銷售策略. 即是最終都係錢作怪.
就以檔泥板為例, 如果不加撞擊凹陷改造, 只需削薄前後部份, 便足以比美蝕刻片, 可以慳番好多架! ( 用來買另一張蝕刻片嘛 ) !!!

........................

...............................

.............................

............................

...............................

................................

.......................................

都話砌 afv 比車, 飛機等輕鬆得多. 工具箱蓋在安裝時掛住喱道就睇唔到第二道, 黐完至知歪晒, 噓! 唔執喇, 橫掂都張會塞些雜物上去, 包你唔覺眼架!
箱蓋那四條吊臂, 猛搵藉口唔想黐在外面, 因為箱蓋涉得入得滯變相長度短左, 錦條吊臂咪即係變相長左囉! 唔 cut 喇, 改黐在入面又可以見唔到我的技術特徵 --- 膠漬!
其實再細心想想, 牛魔王都係老點居多, 吊臂上死在車殼??? 成世唔閂牙? 抑或每次開關都裝拆鑼絲? 條吊臂係會阻住那些櫃桶開唔晒架, 最上層果個幾乎開唔倒, 我而家咪開唔晒囉! 如果好認真的話, 我會改用鐵錬勾住, 就像貨車一樣, 合理得多啦! 但係我冇幼鐵錬呢. ( 藉口 )