油晒坐在車上的兵仔後, 番回架車身上.
車牌要改為黨衛軍, 所以要筆塗, 幸好那閃電標誌很容易, 但易還易, 總有更輕鬆的方法.
那是來自馮兄 T-34 上的納粹黨旗圓形相同的方法 ---- 先用鉛芯筆劃出, 跟著塗便輕鬆得多.
雜物的擺放是玩 afv 的其中一項趣味, 當中也有小小轎妙.
這是從三十幾年前的模型時代雜誌裡學的, 唔記得那一期了, 主角是三號突擊炮,車尾自制圍上欄杆, 但錦就要塞上大量雜物才相稱了.
作者就教一條妙計 : -
盡量搵件體積大的物件佔據空間, 那就事半功倍, 兼有個焦點. 否則散收收就真係 “各散東西” 了!
他的作例更聰明, 橫放了一個大圓筒形油缸, 跟住求其亂放一些 “三尖八角” 的不知明東西在附近
, 更省回上色程序, 因為他再以紙巾製作成帆布鋪在那些東西和油缸上, 看上去紙巾帆布蓋著的是油缸為主的形態, 和一堆 “雜物”, 在帆布以外的周圍才加添是屬於模型零件的雜物. 效果和效率都一流呢!
我今次也沿這種方法.
這架軍車原本得兩個地方是設計給擺放雜物 : 尾排坐椅和帳篷之間的中架, 和車尾頂架.
尾頂架最易, 因為原意就是用來放油箱. 中架…..好彩, 那盒雙星迷彩服舊兵仔是跟一個大包袱的, 而這大包袱的闊度剛好放得入, 正.
原本好地地, 點解又張車尾啤死閂埋的工具箱手痕据開佢, 仲花錢整個p.e.箱添
,
冇野擺都算嘞 ( 唔係有地方就一定要擺野掛!?) 冇理由打開個箱蓋行車掛? 整果 D兵仔又唔係落車搬野…….仲唔係犯駁???
放心!
其實早在買p.e. 果陣已有打算, 就算是行車狀態都啱用, 因為放張防空網便解決.
防空網好易整, 因為根本唔駛整,
又係冇四十年都肯定有三十年的舊方法 : 沙布.
幾蚊一卷包你有排都唔會用完. 最好先張沙布浸水, 好讓那些毛毛貼服後才上色. 現今有水膠彩真方便, easy job 呢! 以前就煩些, 因為得琺瑯油, 油完乾後會硬化, 所以以前要定好形才上色, 但中心的又變得好難油到…..現在砌模型真幸福!!!
再加上大大個的後備路輪, 只需兩件東西便解決.
分享
