嘩, 只剩番3日咋, 未必起得切貨, 盡力中…….所以 post 些上來交代吓先.
今次主要是油迷彩服, 過頭笠的 smock, 二戰德軍, 尤其是 SS 納粹黨衛軍的, 非常有型醒目, 是我一直渴望油的, 所以雖然我油兵仔技術嘛嘛地
, 但好比心機, 只要是鐘意的, 做落就自然開心, 成果如何已變成次要.
從迷彩服參考書得知 smock 有不少唔同的圖案, 我心想既然今次有 5 個兵仔著 smock, 便可以油不同的圖案. 我今次較喜歡春季, 多些綠色的 smock, 而秋季的 smock 以啡黃色為主, 得一, 兩點綠. 對我來說最重要的是整體顏色組合. 沙黃色的車上載著穿啡黃色制服的兵在沙泥色的地上行駛?!?!?! 係就係, 軍服, 作戰車輛選用的顏色用意便是在於此. 不過到砌模型路喎…..顏色豐富點, 靚D嘛!
再講, 我最初的原意, 其實是想張架車噴德國灰的, 來特出著迷彩的兵仔. 大家都知道我的考證意識和知識係幾咁…….”掂” 啦!! 結果經過得哥勸告, 才改變初衷, 但那時是想噴迷彩個播, 不過諗諗吓, 迷彩車上面載班迷彩服兵 ( 事實很正路 ) , 錦, 會唔會花得滯, 失去焦點呢…
.最後才拍板成為現時全沙黃色車, 亦解釋埋為何我選多綠色的春季迷彩服了.
我打算中後排的三個兵仔為一組人, 會穿同一類的 Oak Leaf pattern spring smock, 因為覺得它的圖案靚D所以佔多數. 車頭的長官則穿 Plane Tree pattern spring smock, 官播, 梗係與眾不同啦! 站立的那個, 好想試應該很難油的 Palm Tree pattern smock ( 書話這款圖案戰時較罕有). 等睇吓油左幾個之後掂唔掂先算啦!
我有一鋪癮, 無論係戰車, 戰機定兵仔制服的迷彩, 硬係好鐘意跟足迷彩圖案來油/噴.
起初以為 Plane Tree 是咁多種圖案最易的…….但油落便發現, 它好易便油錯而變成似 Oak Leaf 多過 Plane Tree! 話說 Calvin Tan 的書教授要先 study 迷彩的圖案, 找出其特色才油. 很好的貼士! 先說 Plane Tree 的特色 : 它以鵝蛋 / 石春形狀為主, 而 Oak Leaf 則似雲狀 / 花瓣的多弧邊組成. 當以為刻意地不規則塗那細碎的圖案時, 便好易重疊太多而變成 Oak Leaf 的雲/花瓣狀!! 小心!
迷彩服上如何處理陰影? Calvin Tan 的方法很可取 : 先決定迷彩的主色然後如常塗上基本陰影, 其它的迷彩色待塗完最後才加陰影.
我跟 Calvin Tan 書中的範例選了 #825 Ger. Cam. Pale Brown 做主色, 塗了兩級高光和兩級陰影色, 輪到塗淺綠迷彩色 #833 Ger. Cam. Bright Green, 由於它的外圍有較#833深些少的綠色幼條綑邊, 如果一如平時的先淺後深便有難度, 書中介紹一個 類似 pre-shading 原理的好方法 : 先以那較深少少的綠色塗出整個圖案, 之後在其中央填上#833, 留番邊緣不被#833遮蓋, 便做到效果而又容易塗得多. 當然, 這塗法最好配以水膠彩. 最後塗最深的綠色.
雖然書中教過盡量張深色迷彩顏色擺落陰影位置, 淺色擺在高光位置, 但我側重整體性. 原本都想架, 但 Plane Tree 迷彩特性除了形狀, 還有其分佈, 而它三種顏色是 : “ 甲中有乙, 乙中有丙, 丙中有甲…..” 地循環著, 極難遷就得到, 最後都要以整體觀感為主.
現階段只塗完圖案, 未上最後的高光陰影, 但基本主色的陰影仍然有發揮若干效果, 這方法我覺得不錯.
努力趕工中………
分享
