同一時間砌, 貪方便. 唔想分開兩個 posts 走來走去左滕右滕.
紅色啤膠的是 F2003GA, 白色啤膠則是 F2005, 唔易撈亂. 噴灰後就唔包

先是 F2003GA



大部份的邊緣位都屬於過厚及模糊

修薄後的效果是明顯的

左右兩邊厚度的削薄前後對比

原本厚度

削薄後

bargeboard 削薄前後對比

bargeboard外端翼仔一樣削薄

sidepod頂翼仔削薄前後對比

尾翼endplate削薄前後對比

原件削薄衍生後遺症令兩端連接點出現缺角情況

0.3mm膠片補缺角位

頭翼endplate原本厚度

削薄後

用0.14mm超薄膠片自製gurney flap

沿著零件邊切割出gurney flap的大概形狀

先用膠水黐妥

再用筆刀修形便可製成


用0.14mm膠片這一超是從教砌1/700戰艦模型書中學的. 很好用, 因為切/剪0.14mm膠片如同剪紙一樣輕鬆!

[ 本帖最後由 獅象 於 2012-3-1 06:53 PM 編輯 ]

凸點太肥厚


修整後


中央的凸點削過了頭


塗上畢地加翻厚


鏡框邊緣補刻線及把支柱削成扁平狀


懶人做法不剷掉安全帶啤膠


索性把蝕刻安全帶直接黐在啤膠上


水膠彩筆塗上色


這個懶方法我覺得幾好架!
只要冚的好就過到骨. 雖然相片都見安全帶啤膠有少少穿崩, 但這是經放大後的結果.
我做過實驗 在真人騷當日, 我唔自己踢爆前, 個個有睇的朋友都看不出呢!

仲有, F2003GA 是沒有PE安全帶生產過, 有的則是比F2005用的, 現在這條是我的剩餘物資 : 1/20 的S 27 澳門 F3 Ralt RT3!!!
相片的最下方那兩條油錯左黃色, 已改正為紅色了.

58 依照2005轉波桿PE零件以0.3mm膠片仿製


59a 膠片造成快拆的圓環


59b 膠條切割打磨成半圓形橫切面


59c 黐上呔盤背頂


59d 再把邊位磨出圓滑弧形後塗上高流膠水順滑表面


59e 造轉鈕制


59f 完成細節


以下是實物相片:
F2003GA steering wheel


F2005 Steering wheel



留意最後一幅巴里加奴的cockpit, 其實 F1 呔盤與前面車身是有一定距離, 冇可能太貼. 有時車手的坐姿要求更會在轉向柱加 spacer, 令呔盤更靠近車手, 即是呔盤距離前面車身更遠.
講左咁多, 無非表示 F1 呔盤的背面細節, 比想像中的"曝光率"高?!
咁啱有它們的少少角度的相. 其實都係亂黎, 令它睇落 busy 少少冇咁齋罷了 總好過自己想亂作都冇靈感去作!!

喉咀挖洞及在中間加上幼膠條


刮通散熱柵格


假組時疏忽未察覺散熱板與sidepod面有高低落差



出絕招--切削

選擇先接合底板與下半車身


補刻正確的sidepod線位


引擎蓋尾部份弧度與波箱不吻合


削平尾端遷就整體外形


便可避免更複雜的改正


利華這盒 F2003GA 最大的問題, 我認為是這裡 : 引擎/波箱位置與底板的一對面 (每邊一塊) panels 失了蹤!!!
是設計時遺漏了?!? F2005 是有的呀!!!


箭咀所示的位置是利華廠方遺漏了一對panels


F2003GA所欠缺的panels在F2005上是有的


從底望翻上去便更明顯是一大錯失



唯有自製吧......


以1mm膠片裁出大致弧度的造型定位


102 填上poly畢地


109 打磨後便確立了初步造型


111 花士零作為離形劑塗在引擎上蓋


112 待epoxy畢地稍為硬化後才按壓上引擎蓋


116 畢地硬化後再打磨修型


120 如此深入的窄位要靠筆塗上色


121 波箱部份叫做告一段落

你地冇睇錯, 我係用左 Finisher's 的 MP4 Red 油落架法拉利道.  
因為.....MP4Red 的真正意義只有我知 : Multi Purpose For Red
                                                      M       P        4   Red

食飯先....待續

803 頭推杆連接孔要由圓形改為橢圓形


805 把膠片分別貼在圓形兩邊便成垂直橢圓形


802 頭推杆頂端修形


尾推杆原件是單一成形


800 尾推杆切斷成左右獨立零件並在頂端加銅支及修形


802a 銅支太幼要塗畢地增加厚度


802b 這厚度才合適


802c 改造完成後的尾推杆


803 等再噴灰檢查

輪到 F2005 出場喇.....噓噓
唔好以為我係順序排名出場. 我好屎繪的, 成王敗冦. F2005 竟然靠執雞先至贏果一場美國站



2 雖然F2005 endplate已啤出gurney flap但太厚還是削掉以0.14mm膠片代替


3 頭翼完成


4 尾endplate PE補品缺乏立體感放棄不用


5 雖然原件的slot出錯但尾和底都有flap細節及幾好的立體感


6 slots應該是向內伸的


7 水平尾翼削利前後端


8 尾翼flap也一樣修邊


9 完成尾翼


10 削薄入氣口頂翼仔


11 削薄車底導流板


12 sidepod小翼削薄及界坑


13 支柱也要削薄


13a 留意側翼定位要與側鰭的外緣平排成一直線


14 PE終於有用武之地


15 Bargeboard的PE件很合用

可在這幅相回答松兄

全部都是用了老長的Tritool 系列的鑿 chisel. 對我來說是很好的工具, 尤其是3mm平咀, 它兩個面是不同的角度, 較大角度的一面真係陷包剷 細角度的面接近平貼, 用來"燙"平膠件, 便可作整形用.
因為鑿咀比筆刀片堅硬多倍. 食到力又夠利, 所以比筆刀穩定得多, 操縱性好得多.

至於電動工具, 我是有支 Dremel 的. 但對膠件來說不大合適. 大件野都還ok, 但細件, 深/窄位已經落唔到手, 兼就算教慢轉數都好易把膠件磨過龍, 例如把尖角位磨圓左等等. 況且例如那些 gurney flap 根本電動工具是甚至做唔到的. 但如果換轉是金屬零件就大派用場.
啊偉仔, 係唔係呀?

16 這片小板棄PE用回膠件貪容易黐合時調整垂直角度


17 F2005的後鏡比2003有改進


18 可惜支柱仍須削薄成扁平形狀


19 一如F2003GA省卻剷平原裝啤膠安全帶步驟


20 直接在其表面黐上蝕刻安全帶S27改件


21 先全體噴上啞黑色


22 水膠彩筆塗afv油兵仔技法留意下面兩條亦是塗錯了黃色


再講吓cockpit 的上色

一來主要顏色是黑忟忟, 便一於當afv的油兵仔方法處理 ---- 打黑底, 水膠彩一層一層筆塗發色. 大家有眼睇, 黃色在黑底色都油得好鮮! (不過黃色係錯的 已改翻紅色了) 由黑底油翻上黎的立體感會較豐富. 並是水膠彩遮蓋力超強的特質.

開首的0.14mm膠板是從船艦處學, 黑底筆塗從油兵仔處學....如有興趣, 玩多幾瓣絕對好事 亦不必分乜分物, 對我來說, 全部都是砌模型.

23 加銅支製成可安拆呔盤方便上色


24 超先進快拆裝置不須任何按制一抆包保即甩


25 兼可調整與前車身距離


26 原件沒有任何蓋板刻線需要自行加工


27 加工的刻線沒有考證只是靠估


28 前懸掛過闊超出2mm


29 鋸掉多出的闊度


30 切出圓形膠片封填缺口


31 裝上輪圈確認改造後的總闊度


32 這裡的接合點榫位太礙眼


33 先削掉上半部留下半作承托用


34 填入碎膠


35 以高流膠水溶合兼順作無縫處理


36 黏合穩固後削平下面的承托


37 完成後待打磨


40 中央背脊位厚度出現落差


41 盡量遷就一邊便可只需修整另一邊的落差


42 填碎膠粒黏固兼填補虛位後打磨

50 難噴到的位置可先筆塗


紅色這裡是難已噴到的


先講吓點解搞到咁田地才上色.
因為我組裝工夫認真麻麻, 所以傾向/習慣乜都黐晒先.... 咪就係噉囉.....等你地仲話學....喎

講翻筆塗車身顏色. 今次是 lacquer 油 (Finisher's 的 Multi Purpose for Red). 照片見到的是純色漆, 冇再塗上光油. 但都好夠呤, 何解?
因為用大平筆沾滿油大大筆掃上去, 油漆不要稀, 相反是偏濃(杰), 好讓一兩筆就完全發色. 筆塗比噴塗的優勢就是塗層夠厚! 但必須加慢乾劑及要快手, 之後最好盡快補上噴油, 而噴的油就要多些 thinner, 即係要稀, 目的是趁筆塗未全乾時減低/淡化筆痕.



53 F2005的邊翼接合位在上面須要補畢地





暫時告一段落.

關於 F2003GA 車尾的自製部份造型, 是聊勝於無而已. 先看看真車相:-


再介紹一位日本人製作的Revell F2003GA 對比一吓......真係大開眼界!!!
http://www.geocities.jp/ax_feel/sub2/photo/ferrari.f2003ga.htm
他的製作過程 :
http://www.geocities.jp/ax_feel/sub2/making/f2003ga.01.htm
真係嫌少呀, 加上不懂日文......雲斯頓, 可唔可以幫手?

多謝!!!


喂老友, 你先至係館長喎!!


因住學壞手勢呀!!


我唔分的. 我係騎牆派


太畀面喇!!!



你都見啦, 來來去去得一招 : 削,削, 都係削


係我想學你做金屬狂人喎!!!


冇貨賣架喎!!  
我嗰d真係得淡笑. 那位日本人兄的 level 才是.

自從上次的 Trampio R32 起雙飛之後, 覺得真係幾好玩兼對清貨有0.0000001%幫助
喂喂, 你好似係.....五十盒笑百盒咁喎!


但其他朋友都睇到, 冇問題喎??


哈! 每人都有佢自己追尋樂趣的想法!!! 最緊要開心就得啦!!


如果係噉......我願意捱義氣哽左你批貨....... 每盒24蚊, 算唔話得嘞掛!


為左測驗你有冇留心上堂, 要你做家課 -------- 一架 Calsonic R32, 月尾交功課.


你架 NSR 500 難度係二十級喎!!!


王祖藍佢一講喱句.....好似係用黎揶揄某君.....莫非你是取笑我?!


揸 kart 仔我就都有少少信心 (因為你的體重.... ) 你追我唔到  
講到砌模型就唔好玩我啦!!!


哈哈, 老友, 誇獎得好大喎!
我一樣都真係冇你咁好心機去開門, 揭蓋, 駁線, 成抽懸掛呀, 引擎呀....搭晒出黎播!

多謝樓上各位畀面  今日有些更新.

1 車身打磨滿意後才黐上容易折斷的零件



2 參考實物原來邊鏡是有少許角度的



3 車頭各天線過粗



4 保留原件的連接點作填補孔位及在中央鑽孔用以插上自製代替零件








7 完成車身紅白兩色





9 車身與底板造無縫處理是因模型廠為遷就開模迫於與實車紅黑兩色的分界線不乎合

今次利用膠板造一個 jig 來作四輪及頭尾翼定位 (alignment).
好彩有這個 jig, 才發覺還有些歪歪斜斜, 當然有些是自己的失誤, 如F2005 diffuser 的不對稱.


9a 以膠板製成四輪定位的jig





11 用圓銼磨大軸心內徑方便反覆裝拆試位



12 右頭零件組有些微正傾角現象



13 把brake零件底部內側削少許




14 頂部外側也削少許便可改為負傾角




15 右尾軸些微灣向前形成toe in現象



16 鋸斷hub方便調整



17 jig上的垂直膠板可確保toe角度,水平面加厚外端的膠片可調教負傾角



18 0.3mm膠片切成較輪軸內徑大些少黐在hub內



19 塞入輪軸至合適深度



20 問題解決

關於頭翼.

方程式賽車頭翼的貼地程度, 即離地距, 對視覺效果有直接影響. 頭翼越貼近地面則越靚, 相信大家冇異議吧.

不過, 賽車是鬥快, 不是鬥靚. 咁啱, 今次這兩架分別是2003年及2005年賽季的賽車, 正正是在不同頭翼離地距賽例限制之下.  亦是 F1 史上頭翼離地距最高和次高的車.

由2005年起, FIA  為了阻止越來越快的過灣速度, 又再在頭翼的離地距動腦筋, 把原先的有關規例由 100mm 提升到 150mm. 大家可以上網輸入 F1 200x Technical Regulations 便可以搜尋到 FIA 的近十幾年賽例 pdf files 慢慢咀嚼.

2005年有關頭翼高度限制的賽例條文如下:-
ARTICLE 3 : BODYWORK AND DIMENSIONS

3.7    Front bodywork height :
3.7.1 All bodywork situated forward of a point lying 330mm behind the front wheel centre line, and more than 250mm from the             centre line of the car, must be no less than 150mm and no more than 350mm above the reference plane.
3.7.2 All bodywork situated forward of the front wheel centre line must be no less than 50mm above the reference plane.

條例3.7.2 所指的是車鼻對落的位置, 所以大家會發現由 2005年起的F1賽車頭翼設計, 幾乎全部都造成中央呈U 形凹落去. 唯獨是法拉利則採用一個像是額外加上去的小翼仔. 但兩端的 endplates 卻無可避免地提高至乎合新規例, 外觀上顯得唔多靚仔. 這情況一直存在到 2008年, 至FIA 又再改2009年的賽例為止.

以下是搜尋到的 F1 頭翼高度限制賽例的更迭.

1993      increased from 25mm to 40mm
1997      changed to no less than 50mm
2001      changed to no less than 100mm
2005      changed to no less than 150mm
2009      changed to no less than 75mm

所以 F2005 的頭翼 endplate 是會比 F2003GA 的高50m. 亦成為當代 F1 賽車的特色之一 :- 2005 至 2008 年成為 F1 史上最高頭翼的年代.

至於這兩盒利華模型, 廠方倒是有模造頭翼離地高度的差別, 可惜車鼻垂直吊柱與頭翼接合凹槽的榫位有些模糊, 不甚準確,  有需要調整.

既然有了數據, 不是照量度計算比例便得? 又未必喎!

原因是賽例規限的是零件之間的距離, 而非真正的離地距.

以 F2005 為例 :-
那 150mm 限制所指的是底板與 endplate 底之間的最低距離高度.
請勿混淆底板 reference plane 這名詞, 它並非指最底的那塊木板, 塊木板是叫 skid block, 賽例規定厚度 10mm. Skid block 是緊貼安裝在 reference plane 之下. 而 150mm 是由 reference plane 開始計.

此外,  F1 賽車懸掛本身也需要行程 (名副其實的離地距) 才能工作, 我僅從以往所聞的資訊, 印象大約是 30mm 到 70mm, 視乎 setup 而定. 所以加加埋埋, endplate 與地面距離最少應該會有 150mm+30mm?

怎麼辦? 唔怕 , 我搏觀眾唔會真係走去度家嘛!  只要整到看上去近磅就得囉.

一句講穿 : 又係靠估!  我身為靠估專家, 啱晒我.

不過斷估都需要有個譜的.
既然賽例是針對零件與零件之間的距離, 就用回這個概念吧.

看看頭翼 endplate, 與它最易產生相對位置觀感的是........噢 ! 好似是輪圈喎!

請看真車圖片.

留意輪圈中心點的中央螺絲 wheel nut, 及輪圈最低邊緣, 與 endplate 頂和底的相對位置, 作一對照, 便可以得出頭翼高度的觀感印象.

搵啱角度的相片並不困難, 因為不必一定要法拉利的, 任何一架屬於該賽例時期的 F1 車也可參考. 即是 2001年至2004年賽季的所有F1車相 for F2003GA, 而2005年至2008年的就是 for F2005 作參考.

就是憑這方法, 我便得出**看上去**似唔似嘞.
很不專業呢!!!

21 2003年頭翼離地距與輪圈相對的高度



21a f1 F2003GA Hockenheim



22 量度確定位置後固定頭翼



23 把膠粒趁被高流膠水溶軟化時塞入接合位的罅隙



24 用刀片等工具當溶化膠粒是畢地般壓實

講開邊鏡, 有一個現象 :- 包括外國很多模友都把F1賽車模型兩隻邊鏡砌成一直線.

可能是受視覺誤差所影響吧. 的確, 驟眼看是似直線的, 不過實則絕大部份是有角度輕微傾向 cockpit 的.

避免視覺誤差, 俯瞰角度最清楚.
F1 Modeling 的 Best Selection Vol.1 有齊自1999年至2003年每架賽車的俯瞰圖, 一目瞭然.

當然總會有少數是例外  :
2002年麥拿倫的 MP4/17, 2003年 MP4/17D, 豐田 2002年的 TF102, 及2003年 TF103, 這四架卻真的是兩邊鏡成一直線的!

輪到 F2005 出場

70 黐上邊鏡







71 這天線形狀錯誤張被放棄



72 以原件接合點填補過粗的直徑



73 MuseumCollection香煙水貼面積比原廠的大許多



74 頂尖開差位也有問題



75 依MC尺寸剪裁試位發現很大差異



76 唯有盡量遷就字體來自行遮蓋



77 頭輪距已再改窄



78 現在才發現尾輪距也過闊



79 縮短軸心靠電動工具磨走



80 先搞掂輪距



81 hub凸出太多



82 又要鋸hub了



83 好險,緊緊夠窄



84 把hub鋸短



85 終於解決四輪定位

...................................
86 可惜現在才發現diffuser左右高低差很大



87 自己組合不小心之過







90 2005年頭翼離地距


F2005真車






93 03年與05年的分別






再睇真d架 F2003GA 真車




再睇睇 F2005 的相

嘩! 隔左咁耐終於都有更新嘞.

不過, 要先講講故仔

在參考真車相時無意發現一個有趣的事情, 就是在駕駛倉前面, 車頭頂的萬寶路貼紙的 ''正確'' 位置.

不少模友在貼那張煙草廣告水貼時都視整張水貼擺位以對稱為先決. 即是盡量把整排字體佔據正中央, 車面兩邊緣的紅色面積均等.
大家不難在網上找到大量真車照片, 如果細心留意的話, 便發覺驟眼望落好似 ''不對稱'' !!

那不是偶然的個別''手文之誤''事件, 而是由1997年發拉利在那裡貼有這贊助logo開始, 便呈現''好似不對稱''.

我們是在縮細好多的比例模型上俯瞰著貼水紙. 想當然地便以視覺對稱為先.
實況則由車隊的機械士在1比1的平面上貼. 他們是 engine 佬工科出身, 少會單憑視覺辦事, 多數用工具量度作業. 追求工整. 但工整並不必定對稱!

細心觀察一下, 不難發現實況是以cockpit 前的中央凸條物與車頭天線構成一條中心線, 而由大草 M 字的一半高度引申開去則成為整個 logo 的中心線. 兩者對準重疊, 跟住貼上, 完工.

可是其餘的是細草字母, 高度與大草M不一致, 望落便覺得 "不對稱'了.

反而在禁煙廣告分站用的長方形 barcode 便四四正正, 視覺上便成對稱了. 大家只要張 barcode 代入字體便明白貼紙實物的擺放憑據, 有趣嗎?!!


2 F2003GA Launch




3 F2003GA Montreal




4 F2005 Monaco




5 F2005 Sao Paulo



講完有關水貼故仔, 當然要實際行動 : 上好水貼, 輪到噴透明光油..... 出事了.

不是水貼被光油影響, 它是Cartograf, 好堅的. 問題是螢光油作怪.

車身主色用了Finisher's MP4 Red , 是兩色組合, 先噴紅色, 後噴螢光粉紅.
螢光油系列其實是染料, 相比一般顏料, 染料極容易被溶劑''毑''(分解)起.
在螢光粉紅上噴透明光油時, 稍一重手便足以溶解螢光粉紅染料, 被溶解的染料則隨著還未乾的溶劑流動. 水向低流, 結果是位於垂直面的白色水貼成重災區, 被粉紅色暈染.

其實在上水貼前已經噴了一浸透明光油 Gaia 007 (當時GX100斷貨), 眼看車身白色部份ok 沒有異樣, 就大意地以為已封死了螢光油的染料. 到水貼乾後再噴光油時因貪快, 即刻大油噴上接近wet coat, 就即刻出事囉!

唯有用白油筆塗在受染的位置上, 再噴光油, 由薄開始, 每浸逐少加厚, 一路噴一路細心觀察有沒有暈染出現, 噴左4浸後確定已封死螢光油, 之後噴wet coat 也完全沒有問題了.

再回想一吓, 上水貼之前的那浸光油為何冇問題呢?
實情會否是 : 螢光粉紅染料還是有被溶解, 只不過車身白色部份的兩個位置: 一處是如在山頂的生風入口兩側, 另一處則是幾乎獨立的頭翼. 染料根本流不到那些位置, 所以便以為封死了吧?!

其實最佳處理的程序應該是在噴完螢光油後, 趁還未撕掉 mask 白色的遮蓋膠紙前薄噴多幾浸透明光油, 便可輕鬆地封死螢光染料, 唔使學我這次咁麻煩. 又上一課.

原來處理螢光油後續的光油要同處理銀油一樣小心!


10 螢光粉紅暈染白色情況未被相片反映其嚴重性




11 解決辦法是筆塗白色

啊! 講開螢光色, 法拉利是在1996年開始改用螢光紅色. 網上找到其來龍去脈 :-

Since 1996 Ferrari F1 cars are painted in a brighter, almost orange day-glo to adjust for colour balance on television screens. The original Rosso Corsa may appear almost dark brown in older television sets. The darker more crimson or claret-like shade of red made a return on the F1 cars at the 2007 Monaco Grand Prix, possibly in line with the increasing market presence of higher quality high definition television.
http://en.wikipedia.org/wiki/Rosso_corsa

噢! 原來如此!

都係返番去砌模型先. 胎軨, 我其中的至愛

20 同是BBS軨但03和05的利華模具輪廓有分別




21 同是頭軨但闊度有分別




22 F2005軨中央缺少2003GA的螺絲帽wheel nut細節




22a F2005 的螺絲帽實物相




23 留意F2003GA輪圈中央是有刻上螺絲帽的細節




24 以為好彩有PE補救怎不知




25 PE的尺寸竟然細到離譜完全錯晒




26 嘗試用膠片切出圓形環自製絲帽




27 刻坑紋模仿細節




28 上了色會容易看清細節




29 叫做ok啦




32 輪胎廠牌水貼弧度與車胎不吻合




33 把水貼切斷三份來調整弧度




34 砂紙磨胎面




35 調淺黑色噴胎面




36 噴胎壁半光澤




37 噴坑紋消光




38 完成胎軨上色




39 加上絲帽




40 全部完成




41 好可惜至現在才發現頭輪BBS水紙貼錯了位. 其實事前有查過的, 但因為我是先貼闊的後輪, 到貼前輪時咁啱睡魔急call....  




42 頭輪BBS貼紙應該在接近輪幅的垂直邊緣

45 防風膠片由食物包裝薄膠片改造




46 度好位但要預留多餘的面積方便固定貼上




47 用雙面膠紙貼上膠片




48 多餘的內側用黑油筆塗遮蓋




49 完成防風的改造




49a 研磨途中不慎令邊鏡支柱過度擺動引致受壓點甩油

右邊鏡現已近似吊吊揈, 爭在唔知幾時斷. 望天打掛啦