IMS L.E.D. 單騎版
準備開始第三盒IMS. 今次的對象係最強幻象單騎版.
其實先想報告一下之前2盒的情況.
第一隻1/144 黑騎. 經歷完吾見件, 由日本訂件返來, 拆開時吾小心整到條裙散晒, 跟住又慢慢痴番埋, 而家其實仲差個劍柄就可以叫做搞掂. 不過好似我之前所講, 因為膠水問題整花的地方好多. 大個幾處已經重做. 但仲有好多細微的地方真係無心機整.吾好話擺pose, 真係郁都吾想郁佢. 到而家都無心情幫佢影相同整埋個柄去正式完成佢.
第二隻1/100 破裂人偶. 仲有把劍同後面d羽毛未搞. 右腳腳面離奇地有幾撻野, 好似一滴天拿水滴落去整花左咁. 等下次有機會噴油一次過搞. 一直吾整條羽毛係因為真係無位擺. 頭頂幾條已經阻訂, 幾條羽毛更為霸道, 後面完全放吾到野, 搞到油都未油. 裙甲上的刻痕, 我自己一開始用滲線方法做, 又吾夠實. 把劍的螢光粉紅又吾知點整, 膊頭的小紅人, 滲完抹時又搞到周圍紅紅地. 同埋喉管佢用軟膠, 上吾到色. 同黑騎一樣, 大部份接觸點都好細, 好難落膠水. 一郁又驚佢散. 想佢企定定, 佢企又企吾穏, 總之問題多多. 缺點一大堆, 優點只有一個, 型!
至於今隻L.E.D., 參考完好多作品, 決定配色如下.
骨架, 參照官圖, 紫及紫灰, 另加金色作配襯. 金色要睇噴吾噴到, 噴吾到的位可能手油.
骨架黑色的地方 : Gaia 020黑鐵色
裙甲內側用深灰
紅色位 : GX3紅. 因為小腳本身張水貼有點橙, 我打算貼完水貼補2下透明紅
白色位 : 諗左幾日, 放棄奶白色的半透效果, 噴GX1 cool white之後XC01 Preal silver
而家心大心細係頭頂片刀, 之前設定係銀色, 但今之盒IMS用黑, 咁應該用乜色呢?
睇完說明書, 對腳分可動同不可動版. 我估不可動版係為左之前的全幅裝備而設, 今次單騎都企吾到? 另外, 係拍賣網平平地買左盒Wave 1/100 L.E.D, 打算將個盾過俾佢用. 吾知效果點呢?
.
想問下各位五星迷, 我知L.E.D.係有40+隻, 人人編號吾同. 我想落XII, 因為12係我最鐘意的數目, 有無乜特別出過場或有特別要注意?
|