其實我一直都吾係好欣賞Unicorn Gundam.  係獨角獸模式, 身體比例幾靚, 不過成隻都白雪雪, 有點寡.  係高達模式, 對腳過長了, 成隻比例怪怪.  由PG, MG, MGEX, RG, HG隻隻都係咁.  所以對佢興趣吾大.  

由於有朋友想砌隻SD Unicorn Phoneix, 我有幫手搵下資料, 搞到我自己又買入幾隻SD Unicorn來玩.  Unicorn不愧為主打機種.  由傳統BB, SDEX, SDCS一應俱全.  剩係睇佢有乜吾同都睇到傻.  最後決定用SDCS版.

我對SDCS一直好有意見.  因為兩頭吾到岸.  SD模式手腳有點太過粗大, 膊頭又小個關節位, 腳又硬直.  CS模式可動性高, 不過對腳過長, 仲要另外俾錢買.  我覺得真係好呃錢.

自從第一隻RX-78開始改高股關節而效果不俗.  我再砌SDCS都係CS Mode, 改高股關節, 保留高可動及整短對腳.  我個人喜歡SD 要有小腳, 膝頭係裙甲附近.  但吾可以完全無大腳.  我自己改動都係由呢個方向出發.  

上網睇過好多其他成品, 都係SD Mode多, 有部份SD Mode都砌得好靚.  不過我都係堅持今次盒Unicorn一樣用CS Mode改高股關節令整體腳長縮短.  另外中間的部位, 無論紅或綠, 我個人都吾太鐘意, 想試下用金色取代.  但又驚吾夾, 於是用銅色.  而眼等部位改側由綠色改用金色.  腳板同背包則用深灰藍(接近黑).   由於上次Zeta 陰影重手左小小, 今次都就住輕手點.  噴完之後, 覺得小了原本Unicorn的感覺, 不過整體比例, 顏色我都十分滿意.

希望各位師兄都喜歡呢個配色


PS : 各位有時間可去望下小弟呢一年的成品.  五星類未放, 因為想影多次相先放.
https://www.facebook.com/profile.php?id=100050400941878

附網上一盒我覺得吾錯的SD Mode相

https://gramho.com/media/2457255910759180241

網上SD 同 CS mode的比較

http://www.dalong.net/reviews/sd/cs12/cs12_p.htm

我又無對日本的機械人設計師咁深認識.  可能始終係阿伯一名, 我都係鐘意舊機體,   最早期圓圓潤潤的設計都吾係我杯茶.  某程度上, 我都係B記的忠實支持者. 佢出爆甲我又鐘意, 佢出RG我又鐘意.  反而我會覺得HG太寡.

對於永野大神, 我始終停留係KOG/KOG-AT, LED, BANG等.  一些比較另類的如海子, 炎子, Vaiola我就完全無感.  我都等緊KOG-AT, 而家要預時間搞黑騎, 費事5月出完AT無時間砌. (要趕齊齊砌)

我對顏色的使用真係靠感覺.  我係完全掌握吾到如何調色, 放乜野色係一齊會夾都係憑感覺, 靠個腦想像.

幾歷左呢一年, 我認為自己進步左好多.  對噴筆的控制仍然未到家.  有人可以好準係對角中間個黑色位噴高光, 我就噴吾到啦.  陰影都係亂來.  去到今日都係尋尋覓覓搵緊紅, 藍等陰影的噴法.  刻線更加係百份百失敗, 改做只可以做小型公程, 最近學緊手油, 之後仲有好多野想學.  不過我好開心.  一盒完左又一盒, 我感受到自己的進步, 特別係打磨等工序.  自己的要求都不停提高.

至於SD, 真係好各花入各眼.  LBB 大約係2.5~3頭身, 有小腳, 不過小腳直上股關節.  我鐘意有小小大腳.  不過如果前裙甲短如RX-78等, 大腳可以短d.  最理想的SD比例係3.5~4頭身.

其實我吾介意大家睇吾出我改左咩.  我認為大家覺得我隻成品靚就得.  如果你睇原件覺得吾靚, 我的成品靚, 咁我的改做已經成功.  改到令你以為係原裝, 吾係最自然的改動咩?

來緊仲有好多盒SD想砌, 仲有想砌一盒Macross, 想正正經經砌好一次RX-78 (PG?  MG3.0?).  希望大家多多支持

五月一日hobby round會場優先發售kog at.  官網有寫



https://hobby.volks.co.jp/event/wf/2021w.html#movie