MG - RX-78 - Gundam OYW
今次的OYW是我幫一位網友噴塗的.
我一向不做代工, 因為我覺得自己的成品未有足夠的質量成為商品去收別人錢. 我砌模型其實都係自娛, 我自己滿足就夠. 很多傳統的工序我不會做, 因為我覺得無需要. 我亦不想自己花了幾十小時的作品被別人嫌棄. 結論是, 我沒這個資格做代工.
有一天, 有位網友問我做不做代工, 我跟他說明了我不做代工的. 之後閒聊談起, 問他想砌什麼, 他說是RX-78. 我是有一盒已打磨好, 未上色的2.0, 於是我便想送他這盒. 不過他比較喜歡OYW版, 我答應了幫他上色, 不過他自己負責打磨, 刻線(如他認為有需要), 後期等工作.
當我完成了GP02後, 本來想快手幫他噴起, 不過他未磨好件, 於是我又先噴起了2.0作為色版給他參考.
正式收到盒模型開始, 一拎上手, 真係爆粗. 原件的顏色係粉粉地, 不過我吾鐘意. 另外本身的線多到有點亂. 跟我的最愛2.0完全是2個極端不同的風格. 既然答應了別人, 好好醜醜都要完成. 開始上色時, 其實真係有點緊張, 之前最多都係幫人噴過頭像扭旦. 又驚人地收到吾鐘意, 又驚令人失望, 心情係有點緊張. 就趁難得的4日復活假, 有時間就上去工作室噴下野, 好快就噴起. 我真係噴油的時間其實都吾夠8小時. 反而拎回家之後的後期工作就花好多時間同心機. 本來傾好由佢自己滲線, 因為我都想幫佢影幾張相, 都係自己做埋先.
係幫骨架上色時, 發現小了一件左手的零件. 其實我都吾知係我整吾見定係網友俾小左我, 問左10間淘寶補件都無. 好彩網友佢搵到盒2手素組的回來俾我拆件用. 如果吾係......第一次幫人砌MG就出事.....
因為真係太多線, 如果全部對比分明, 會太亂. 所以我今次主要係用深灰來滲, 畫上去就都係黑色筆, 顏色件就用啡色去滲. 拎上手件件都一堆線要搞, 見到都覺得煩. 另外, 模型本身個頭, 槍, 炮, 流星鎚等都係大大條無縫要搞, 如果個頭要搞無縫, 要先處理好面同眼位, 砌埋再搞, 之後上色. 咁多功夫, 梗係無視啦. 個堆武器, 真係入盒2.0拎堆武器來用好過. 單單比較2.0同OYW, 已經見到Bandai放左好多心機係2.0, 奈何大潮流係細碎同多線, 2.0只能足我呢顃老人家. 外型上係比較大隻, 同1.0, 1.5比係真係好睇左, 不過要選擇, 我都係鐘意2.0. 另一感受係對我這種能力不足的玩家來說, Bandai不停進步的設計真係幫了很大忙. 坦白講, 太舊款的MG, 我真係吾會砌, 我認我屎, 真係搞吾掂.
白色 : Mr. Colour 107 (陰影用灰色)
藍色 : Mr. Colour UC14
紅色 : Mr. Colour UC20
黃色 : Mr. Colour C58
灰色 : Mr. Colour UC09
黑色 : Mr. Colour 14
金屬黑 : Mr. Colur GX201
黑鐵色 : MODO-MX02
銀色 : Mr. Colour SM208
金屬紅色 : GAIA-038
完成了今次好特別的幫人砌, 希望該網友喜歡.
Full Size Photo link :
https://photos.app.goo.gl/YJQymFDRccHxXca2A
#RX782, #Gundam0079, #Gundam, #Gunpla,#MG,#OYW
分享
