PG - XXXG-00W0 - Wing Custom Zero EW

完成了MK-II之後的心情非常興奮, 因為我真的覺得PG MK-II在我手上重生了, 之前素組時覺得太肥太壯的問題也好像收起來了.  係如此興奮的心情下及過新年的氣氛下, 一口氣入了幾盒PG.  今年是打算重新製作一次以前製作過的PG, 看看跟以往罐噴/素組的分別.  

入手之後, 再細看PG Wing的說明書, 真的是嚇呆了.  因為跟本不可以製作外露骨架的作法.  太多位置要先處理好外甲再組裝以及最大的問題是套骨吾靚, 手腳的骨真的是骨, 太瘦了, 完全沒有精密感.  再加上腰及乳毛不明不白的用軟膠作為零件....難怪有網友笑稱Wing是最差的PG.

既然決定了, 只有下手製作吧......之前的PG Wing, 我是用罐噴改為灰色, 今次會用番正常的顏色.

坦白說, 外甲的分件是很差.  證明佢本身無打算出KA版(機械翼).  如果要改KA版, 分色會好頭痛, 用PG的名義出KA版是不可能的.  另外背翼左右夾埋, 條縫好明顯, 同埋支槍又係咁.  以PG之名, 會吾會可以做得更好?  但最過份係條腰紅色個位.  到底有什麼原因要用軟膠?  望來望去都只係為左佢個白痴設計.  安裝時係要反個軟膠落去, 上螺絲同上多2粒件之後再返番上去......我實際試過, 吾反真係好難裝, 螺絲又拎吾入.  不過一反, 全條腰的油就裂開了.  為左令軟膠上油, 我已經買左支MODO號稱係俾軟膠/金屬用的底灰, 不過咁反法, 噴乜都吾得啦.......到底係邊個天才設計?  真係吾可以接受.

一路砌時, 真係感嘆所有漂亮的關節設計都完全吾外露, 吾上甲又吾得.  其實真係非常可惜.  我儘量參考網上圖片, 係小量見光的骨位都幫佢分下色, 不過吾講大家都未必覺眼.  完成個身之後, 心思思想試一試一個新噴油的順序.  結果係令人滿意, 以後又可以慳小小時間.  係度講解小小同以前噴法的分別.

傳統噴法 : 底灰 - 主色 - 陰影 - 高光
小弟噴法 : 主色 - 陰影 - 高光 - 主色
新噴法 : 陰影 - 高光 - 主色 (暫時只會用係黃及白)

傳統的做法好處係噴完灰係可以突顯未處理好的問題， 統一底色， 增加附著力。  噴完底色直上陰影， 高光。好多高人係可以控制得出神入化， 完全吾覺中間的過度色。可惜我做不到， 我努力嘗試， 我自己最易掌控係用比較深的色做陰影色同白色做高光。  之後先噴主色去遮， 去控制過渡色。統一白色做高光的好處係吾洗洗咁多次筆, 咁多隻色一次過噴高光。而經我實試， 係噴白色同黃色時， 連第一次主色都吾駛噴, 可以直接上陰影。 至於經常討論吾噴灰會吾會咬吾實油, 我真心吾覺噴灰好咬油.  大家想點砌, 大家可自行決定.


白色 : Mr. Colour 107 (陰影用灰色)
黑色 : Mr. Colour C14
藍色 : Mr. Colour UC14
紅色 : Mr. Colour UC20
黃色 : Mr. Colour C58
灰色 : Mr. Colour UC09
黑鐵色 : MODO-MX02

除左上面提到條腰的軟膠問題, 背包的無縫我儘力了, 不過做得吾好, 有些平面轉角位磨滑了.  支槍....我投降了, 接近30cm,仲要吾係一條直線, 高高低低咁...真係無能為力.

另一個好討厭的問題係主要關節位全部用螺絲收緊, 一係好緊到接近郁吾到, 如果一開始上鬆小小, 郁幾下又會好鬆, 想收緊螺絲又發現個位完全收起, 要拆散晒先可以上螺絲.  以股關節為例, 2個螺絲位係腰位, 吾通又要我拆多次個軟膠?  結果而家就係鬆散!

之前入手了一隻MXXX牌的底灰, 號稱專為金屬, 軟膠而設.  我專登入左2支, 仲買埋佢堆介個支開油水.  結果, 吾好話條腰要反所以裂.  跟本佢個d軟膠羽毛, 手指, 全部細細力郁動已花.  真係火都來.....因為有用開佢的金屬油, 覺得吾曾錯先信佢, 點知.......下次都係吾好亂信廣告.......

外型方面, 手臂略短, 如果張開手掌會順眼一點.  腳有小小過長, 令整個身型有小小怪.  總結來說, 極之吾推薦大家去砌.  除非有廠推出機械翼改件, 如果吾係, 完全吾考慮會再砌.  好喜歡Wing Zero的話, 入MG KA版好好多.

好多網友一直好俾面, 以為我係大師傅.  我真係吾係.  吾識的東西太多, 我一直都只係噴油, 仲要係一種噴法, 現在好流行的CM噴法也未必可以做得好.  如果本身盒模型出得差就完全無能為力了.

今年的重新再做PG系列順利進行, 排住隊有Zeta, Strike, Astray, Strike Freedom同MK-II Titans, 我發覺我真係好鐘意砌大比例.  個氣勢真係好好, 不過大家睇相就未必覺.  其實真係點都要砌一次大比例, 好好感受下.


Full Size Photo link :
https://photos.app.goo.gl/jVqZ6yh12xe1enkR7

#WingGundam, #WingCustomZeroEW, #PGGundam, #Gunpla,#PG

...再細看PG Wing...真的是嚇呆了...跟本不可以製作外露骨架的作法..
poor bandai always reduce the selling point / gimmick of new series after 2~3 products, that why new series die fast.

...外甲的分件是很差.  證明佢本身無打算出KA版(機械翼)...
that period of bandai greedy as now, won't earn money in this way.

...有什麼原因要用軟膠?
bandai learns from 12inch large size action figure which has leather selling point.

...為左令軟膠上油...MXXX牌的底灰, 號稱專為金屬, 軟膠而設...
most suitable paint for this kind of material is vinyl paints (for RC car), but still not expect you twist / rotate/stretch the parts.

新噴法 : 陰影 - 高光 - 主色... 噴完底色直上陰影， 高光。好多高人係可以控制得出神入化...
is a traditional spray method. but i don't have enough skill / experience to handle this method.

..無縫...高高低低咁...真係無能為力...
you could try another kind of (water-base, for AFV) putty, easy to grout the gaps and sand, but need to repeat grout-sand process at least 2~3 times to get smooth flat result.

...手臂略短...腳有小小過長...
at least better than current gunpla proportion.

not see GP-02A in the list?

feel similar to MG in photos.

我都覺噴灰對咬油無咩幫助，反而更易被遮蓋膠紙黐甩油，而家每次做遮蓋都好驚

師兄你會唔會同時用兩枝鎗來噴油，不用經常洗筆來提高效率？

依隻Wing，頭有點大，身短腳長，可能又係KA叔攪攪震啦！

軟膠上色，除非噴完唔點佢，再加上香港的天氣，唔好咁認真啦！

[ 本帖最後由 robotkel 於 2024-1-24 10:46 AM 編輯 ]

多謝2位師兄回覆.  呢幾日太凍, 一上床就訓到第2朝了.

我年紀大，天氣凍就手腳涷硬，咩都砌唔到.....