Mechanical Bust 03 - XVX-016 - Gundam Aerial (小改裝)
上次都有提過, 自己一直好期待今次的風靈胸像, 所以一出就火速完成. 完成之後總係覺得差小小, 感覺上吾夠精密. 同之前的Nu胸像相比, 發現問題就係無論胸, 腰都係包到密密實實. Nu的腰係6支機械管, Exia都係4支加中間一塊. 風靈就係2塊, 完全無detail. 同樣地, Nu係胸部有好多偷空位透入面的機械出來, 今次風靈受制於本身刻紋的設計, 又係包到實. 而本身最應該有燈的刻紋又吾夠光去到. 個肚又多漏光位. 所以整個胸像好似將盒HG放大咁. 如果吾上色, 其實真係吾係好見得人.
經仔細觀察, 覺得可以用Nu條腰增加機械感. 於是拆左Nu條腰又試下裝上去試下. 個位係差小小. 不過吾係裝吾到. 為左要呢幾條管, 我又入左一套 Nu胸像, 因為跟本買吾到散裝的骨.... 今次我試下用透明件去噴, 又係一個新嘗試. 而透明件本身有好同吾好的地方. 最好的地方就係原件的黃色好厚油, 用透明件上色比係有顏色的件再噴灰上油好好多, 噴出來好睇好多. 不過同本身的白色/藍色件去比, 透明件的膠又吾會好好多. 最慘係刻紋的透明件佢都係全透明, 剪完水口好大粒白化.....救吾到. 結果成套3件都要拆出來用. 至於Nu個幾條管, 要剪小小先可以裝到, 不過吾算難搞, 但剩下的件又無用了.
因為用透明件, 今次我無偷懶, 係有噴灰的. 而家無得一日坐定定砌, 每日搞小小, 不過始終扭旦都簡單, 都係幾日砌得起. 吸收了上次的經驗, 今次係好多細緻位花了心機. 坦白講, 你吾係好熟本身係點, 你未必留意到......例如胸則的機械位分左4隻色 (係吾係睇吾出呢?) 刻紋先用金屬紅噴, 再用水性油筆油黑, 再抹走表面黑色, 睇實物個刻紋好出色, 呢個功夫真係吾慳得. 完成之後, 又係獨自欣賞時間, 真係好正! 不過頭頂條夾口又好礙眼. 唉, 補埋佢啦. 其實呢類夾口係無需要分件去整, 砌好之後做遮蓋就好了.
紅色 : UG20
黃色 ： Mr. Colour C58 (陰影用紅色)
白色 : Mr. Colour 107 (陰影用灰色)
藍色 : UG14
黑鐵色 : MODO-MX20
銀色 : Mr. Colour SM208
深銀色 : MODO MX03
金屬紅 : Gaia-038
而家一般簡簡單單的HG/扭旦, 我好多時砌完又即刻想砌多次, 第一次其實好似熱身咁, 了解有什麼地方要留意, 要改善. 之後再砌時就做到自己想做的效果. 當然, MG就吾可以咁做, 實在太花時間了. 上之GM又係, 今次風靈扭旦都係, 係我老婆眼中其實都係一樣.......仲問我2隻有乜吾同.....
認識一位網友, 佢因環境所限, 只可以素組, 佢又特別鐘意風靈, 於是就想砌一隻送俾佢. 反正都砌, 砌2隻啦. 因為好多顏色都係得幾件, 噴一盒同二盒吾差得遠.....但成個感覺就好似工廠女工咁.......希望佢收到後鐘意啦.
最後, 砌模型其實真係幾寂寞, Post盒成品出來吾見得好多人睇, 更吾好期望俾個like你, 更加吾好期望佢留個言同你吹下模型水. 呢類扭旦更無人認真對待.....
Full Size Photo link :
https://photos.app.goo.gl/ZHZet6BPdruKjakH9
#風靈,#MechancialBUST, #AerialGundam
分享
