MG - MSZ-006 - Zeta Gundam (KA)
作為最新的一盒MG, 最新的一盒KA, 最新一盒的Zeta, 無理由吾支持. 奇怪的是, 我對這盒模型竟然沒有一丁點的期待. 由公佈開始, 實在沒有什麼是吸引眼球的地方. 所謂的回歸原點, 跟本是隨便說說. 你要KA回歸原點? 是不是不要加水貼? 是不是不要偷空表面讓銀色件外露? 是不是不要加長雙腳? (原點的Zeta是有點肥肥矮矮的吧!) 你想改就改, 吾想改就回歸原點.....何不大方一點, 從新設計一隻劃時代的Zeta? 什麼回歸原點只是藉口吧?
不打緊, 反正我也是會支持的. 一年也沒有一台UC的MG, 如何能不支持一下? 買回家後開始剪件, 打磨, 發覺其實這盒算滿有誠意的. 設計也很好, 黃色的分件做到足, 從來也未試過Zeta的全部黃色位也是獨立分件的.真的是砌Zeta的第一次. 到底有什麼可以挑剔呢? 其實我吾係太想到. 可能是手臂短了一點, 腰短了一點, 腳長了一點吧. 其他也沒什麼問題. 問題是, 為什麼大家對呢盒模型期待度會如此低呢? 印象中沒人跟我說過這是他很期待的一盒. 其中一個原因, 絕對是台灣其中一位名人的超前開箱, 含蓄的評價.....另一個原因, 當然就是本身已經非常不錯的MG 2.0了. 無錯, Zeta KA很好, 假如Zeta KA值90分, Zeta 2.0最小也有80分吧. 但是喜歡Zeta又沒砌過2.0, 有這樣的人嗎?
假如我是Bandai, 我一定吾會放佢係KA. 我會放佢係MGEX. MGEX第一盒玩燈, 第二盒玩金色的表現. 今次用究極之變型做口號就得啦! 況且今次個變型真係堅! 當然, 口號係要講玩, 部份的關節應改為金屬件, 增加耐久度. 另外將外甲打碎, 加刻線等等. 如果Bandai咁搞, 最小可以將訂價加多一倍. 你估加多一倍會無人搶? 肯定吾會. 你睇下MGEX SF到而家都係長期缺貨. 基本上 大眾玩家吾係無錢買, 係要買得開心, 人係咁賤, 你吾搶就吾馨香, 你搶大家就當係寶. 你而家生產到成街都係, 無錯係小了炒家, 不過又有一大班精明人士吾去搶, 佢地吾去搶自然就會幫盒模型編做100個壞處. 於是, 今日市場上只會不停講盒野點吾好, 型成惡性循環.
講左咁耐, 只係想強調一點. 這盒Zeta其實吾差, 只係2.0珠玉在前, 佢又缺乏亮點.
另一方面, 模型本身都有很多高低級的設計. 即係你吾自己加深刻線其實都肯定滲吾到線. 基於本身就係一個變型的設計, 事實上無可能吾括油. 如果打算上色, 要做好放棄變型的念頭了. 我個人幾喜歡縮小了的背翼, 至於腳就明顯過長. 不過呢個可說是Ka 的特色. 腰部看起來有點短. 一方面是因為胸太斜, 另一方面是前裙甲太高. 我固意吾將上身插晒入去, 令條腰望落修長點. 整盒模型都係菱角分明, 打磨時要小心吾好磨走條邊. 沒有隱藏水口, 部份水口更係條幼邊上, 打磨時要格外留神. 整體設計是很用心的, 有好多位用來"卡"實副骨. 砌完之後你完全吾覺佢係一盒變型機, 非常實淨. 基本上除了因為變型而比較多件, 係打磨時比較痛苦, 其他問題吾算大.
因為之前2.0用了正常的藍色, 今次選色方面用了泰坦斯的藍色. 其實我好喜歡呢個配合, 給人整體好深沉, 好穩重的感覺. 藍色件用藍黑色噴陰影, 黃色件一如以往以紅色上陰影, 紅色則以瑪莎深紅做陰影. 黑色件吾係用純黑, 係一隻淺色小小的黑. 雖然未必好覺眼, 黑色件做左高光, 增加立體感. 整個成品的選色都幾滿意 整個設計都有好多偷空的地方讓入面的色件外露. 因為我用深藍, 呢類位我就會用銀色. 如果白色位就用番深黑鐵色. 關節都用左幾隻吾同的色.
白色 : Mr. Colour C107
紅色 : UG20, UG22噴陰影， 白色高光
藍色 : UG17 (Titan深藍), 陰影用IMPEZ 036
銀色 : Mr. Colour SM201
黃色 : Mr. Colour C58, 陰影用UG20
關節 : UG09
關節金屬 : GAIA-020
總括來說, 模型本身非常不錯, 絕對值得入手. 至於所謂回歸原點, 跟本就係廢話. 喜歡Zeta的話, 一定會喜歡這盒Zeta Ka.
PS :不知為什麼， 照片總是拍不出實物的美....
Full Size Photo link :
https://photos.app.goo.gl/zvYDZL6vUfEhcqAU6
#ZetaGundam, #GUNDAM, #MGGundam, #Gunpla, #MG, # MSZ006, #ZETAKA
[
本帖最後由 ngszewai 於 2023-5-20 06:40 PM 編輯 ]
分享
