關於Wing 的機體, 相信絕大部份人都係睇到一頭霧水. 出於好奇, 我上網搵了一些資料.
最早期的Wing (TV Wing) 係電視上出現, TV Wing係有分前期後期. 好似係要上宇宙所以改裝成後期個樣. TV完結之後, OVA版的EW (敗者的榮光) 出現了. 故事係TV版完結之後, 機體的名稱同主角名無改, 不過機體就由KA重新設計. 3集OVA最後又濃縮成為一套電影. 所以5小強係EW一出現已經全部係後期型. EW 所謂早期型係冇出現過係動畫。只係卡叔一張插圖出嚟。敗榮漫畫用番KA叔設定畫早期,有埋xx裝備。而EW早期只係吾同顏色, 背翼, 裝備不同. 模型方面, EW早期5盒都有MG. xx裝備又出左5盒, xx裝備只係PB中發售. 而後期型則Wing, 死神係通販, 其他都係PB. TVWing則只有通販. 就係咁, 一套動畫, 5個角色就出左十幾盒MG模型.
一直以來, 我都無諗住砌五子. 直到最近同朋友閒談先引起我的興趣. 跟住2日內就不停上網搜購入齊8盒. (Wing已完成). 不過就無入手xx裝備, 因為都貴好多. 普通五子前期款都係200多一盒, 以分件, 可動等去評價, 真係超值. 但後期型好多都係PB, 就要380左右了. 所以我很快就開始後悔, 真係吾應該入後期, 而我亦無信心會完成全部8盒. 最重要係, 我無諗住跟原色砌.....好似之前死神咁, 我會改小小色.
講番盒沙漠高達, 其實邊一個位似沙漠機呢? 沙漠改更用莫名其妙的紫色, 明明本身係瘦身, 加個斗篷之後成個肥仔咁. 參考左前期同後期的配色, 我以後期為主. 為了令佢似番一部沙漠機, 我特意用啡色取代深藍色. 可能睇吾慣, 啡色的高達機總有點怪怪, 吾知大家覺得點呢? 沙漠高達背後個2條野, 成日都覺得好似粵劇的角式咁, 拎上手又似鞭,吾似刀, 終於忍吾住改短佢. 我砌呢盒時, 個腦一直都係出現一個孤獨暗殺者的形象, 仲要反手拎住2把彎刀. 如果我識整地台, 應該整個沙漠背景, 咁先夠中二.
由於自己亂咁配色, 出來好多地方吾係好夾. 例如心口的出風本身用紅色. 不過真係同啡吾夾. 所以都吾小地方要重噴. 今次配色的失敗真係有點打擊, 事前想了很久, 也看了很多其他師兄的作品. 最後都係吾得, 改色真係好大學問. 所以我一直以來都係用番原設色, 簡單快手.
淺黃色 : Mr. Colour 310淺啡色, C14做陰影, 白色高光
深啡色 : Mr. Colour 520深啡色, C14做陰影, 白色高光
關節 : Mr. Colour UC09
黑色 : Mr. Colour 14, 白色高光
白色 : Mr. Colour 107, 灰色陰影
淺灰色 : 之前亂溝
背包 : Mr. Colour C71, 再噴半光
紅色 : Gaia 038, 銀色底.
鐵色 : Modo-MX20
金色 : Gaia EX08
銀色 : Mr. Colour SM201
吾知有幾多師兄係好鐘意五子, 我自問就一般般. 今次手痕砌完成了沙漠, 之後仲有武裝同神龍. 印象中除了0079, 我都極小砌非主角機, 可說是一個新嘗試. 其實呢盒舊MG真係好抵玩, 以設計, 可動去評論, 絕對吾差. 最緊要係我上網收番來只係$150! 150真係HG都買吾到. 另外2盒五子都係200左右. 相比之下, 其他XXX裝備, 後期型全部PB就貴好多了. 如果想砌模型的人, 可以揾下呢類平貨.
題外話, 最近水星新風靈又掀起一陣炒風. 一盒正價119的模型在某知名的老店以230出售. 某程度上, 我是對這間老店失望及反感的. 明白打開門口做生意要賺錢, 人工舖租樣樣貴, 又要食死貨, 有能力賺的商品得個幾款, 貨又派吾足. 明白的, 生意難做, 佢都係明買明賣, 最小吾係行騙. 不過連同上次MGSD的經驗, 只可以說我應該都吾會再有幫襯. 我實在吾明為什麼要去排隊買貴貨, 真係咁想支持佢? 不如直接捐款俾佢又或者幫佢買下死貨. 事實上, 搞到而家咁, 代理絕對係原兕. 代理留起大批貨俾自己網店同大百貨, 反斗城賣. 仲有好多貨運番上去大陸自己個淘寶店賣, 小店只有小量貨另加死貨一堆... 係香港做生意真係難, 結果全部去晒租金同人工, 再加個咁樣的代理.....想砌模型姐.....真係搵舊野砌好過.
Full Size Photo link :
https://photos.app.goo.gl/NVcAhq4mJ1nQNSDB9
#SANDROCK, #GUNDAM, #MGGundam, #Gunpla, #XXXG01SR, #GundamW, #EndlessWaltz