PGU - RX-78 - Gundam
呢2年好沉迷砌模型, 不過就係吾敢開PG玩. 一來無位, 二來驚自己無技術. 記得十年前, 技術無咁好, 反而主要針對PG來砌.
PGU都出左2年, 因為個胸形, 我真係無心機開來玩. 直到完成了MGEX, 個人認為MGEX係將PGU的技術如蝕刻片, 金屬貼紙等下放至MGEX, 於是想試下玩PGU, 最後關鍵係有人出錢收個盒.......所以就決定開PGU來砌.
開盒之後, 最搶眼當然係電鍍銀的一排件. 其實可吾可以吾用電鍍, 等我可以自己噴......PGU本身有幾隻特別的金屬色, 隻淡金本身都幾靚. 個幾隻特別色, 我只係噴左排銀色(吾係電鍍個排), 其他就吾噴了.
玩PGU當然係要完成幅骨先, 所以就先處理深灰/淺灰件. 分好類後, 發現成盒野一半件都係深灰同淺灰件. 今次Bandai好貼心, 預先分好部位, 仲係個框到加標示. 分得咁清楚當然吾好浪費, 就跟吾同部位來剪件. 顏色方面, 深灰用鐵色, 淺灰用金屬灰. 係打磨過程真係好糾結, 磨吾磨好呢, 個水位見光嗎? 結果係全部磨晒.......個條放大了的RG骨就無搞了.... 最後我都分吾到邊個位要磨, 邊個位吾駛了. 我一路睇世界杯一路剪, 一路磨, 結果噴埋組裝, 單係搞幅骨都用左大約14小時. 其實噴油的時間反而吾多, 因為平噴同用了0.5, 噴晒2隻骨色都係2.5小時就得. 組裝之後, 不得不說幅骨真係好靚! 不過就真係好懷疑當日是否需要全部件都打磨? 未上甲已經9成睇吾到了. 但最估佢吾到個條放大了的RG骨, 有好幾個位置係明顯見水口.......
完成幅骨之後, 開始搞幅甲. 不過就真係極之不滿. Bandai大爺, 盒模型賣到呢個價錢, 連隱藏水口都無? 除左2版特別coating, 全部都係正常水口. 雖然好多水口都專登放係吾當眼地方, 不過都有水口放係轉折位, 好難打磨. 我知我不滿無隱藏水口一定有人講砌模型當然要識打磨, 我知我明. 不過作為旗艦級作品, 可吾可以出得好一些? 照顧下我呢類低手得吾得?
怨還怨, 都要開始剪件, 其實我對預設的深淺色位有點微言. 花了很多時間上網睇別人的作品, 吾想白色位同灰白位色差過大. 不過色差吾大的話, 又好易睇落似陰影噴得吾好做成的鴛鴦色. 最後決定用3階的灰白. 最淺的白, 跟住大件的灰用淺淺灰, 活門位置等又深小小. 唯獨小腳的活門我堅持轉番白, 所以將側邊的用淺淺灰代替. 其他色又係, 紅色的分件尚可, 只是腳頭的分色有點奇怪, 噴完都係吾順眼, 用番淺紅. 所有深紅件係旁邊. 藍色的處理比較取考. 分開深淺藍噴好, 上完陰影, 高光, 最後用同一支淺藍色噴面, 令出來的深淺藍分別無咁大. 黃色無理, 當同一隻色處理. 不過黃色我一般都係原件上紅色陰影, 白色高光再補黃色. 必須說明的是, 我成盒都無噴灰. 因為我本人的宗旨係懶得就懶. 我吾反對人上灰, 不過我90%都吾會上, 除非係GK同扭旦或者要改色.
完成所有噴塗之後組裝, 一開始都決定了要先試一試一帶一露. 因為幅骨真係好得. 搞完一半我直情吾想上甲. 本身幅骨的層次基本上已可展示. 骨入面吾係一兩隻色, 最小都有五隻金屬色, 做出來的層次感好強. 都有網友建議我用透明甲展示, 不過我更喜歡直接外露. 另外盒外甲成盒都吾係undergate, 仲叫我砌透明? 磨死人咩...
白色 : C107, UG09灰噴陰影
淺淺灰色 : 自己亂溝
淺灰色 : C306, UG09灰噴陰影
深藍色 : UG02 + 小量黑. 黑色做陰影， 白色高光， 最後噴UG14
淺藍色 : UG14藍紫色, 深藍做陰影， 白色高光
深紅色 : UG22, UG09噴陰影， 白色高光
淺紅色 : UG20, UG22噴陰影， 白色高光
黃色 : C58, UG22噴陰影， 白色高光UG20
金屬灰色 : 雙星LP61, 再噴半光， 本身係啞面
鐵色 : Modo MX-02
黑色 : C71, 白色高光
金屬深銀色 : SM203
金色 : GAIA EX-08
金屬紅色 : GAIA 038
原件電鍍銀, 淺金色， 銀色無處理
睇過好多大師的作品, 都係成隻貼滿水貼. 我個人認為本身的細節已經好豐富, 我反而吾係好想加太多水貼. 另一樣想提一提張金屬貼紙. 上次MGEX用張金屬貼非常滿意, 不過今次就吾係好得. 首先我吾明為乜成日右紅左綠的貼. 據我理解呢種係飛機的燈號, 如果用係核戰機我都OK, 係高達膊頭, 腳咁搞係為乜? 好多位置加金屬綠貼完全吾夾.....例如胸口藍色件兩旁, 係藍紅之間加銀邊綠貼, 我覺得完全吾夾, 貼完都即刻拿掉. 用金屬黑油黑佢算. 藍色胸口兩旁大大個綠色圓形又係奇奇怪怪. 成張金屬貼都有幾個位置係適合使用, 我最後都只係貼幾張算了. 另外個張蝕刻片, 綠色膠個邊黏得好實, 一來拎上來之後要"捽"走剩下的膠漬, 二來係夾上來好易弄彎塊蝕刻片. 我必需重申MGEX的蝕刻片沒有這個情況.
整盒模型大約用了35小時左右， 遠比我想像中快完成。我自己一向傾向乾乾淨淨, 我都係今年先學舊化。我覺得而家已經好靚， 吾一定要舊化. 咁大盒， 輕舊化都最小幾個鐘啦.....
整體完成之後放係檯面， 見到有野想整就整小小. 大比例的震撼絕非1/144可比， 而1/60又有豐富細節只有PGU, 其他PG外甲都偏向素. 反正來緊又有大貨返， 不用食炒， 真心建議各位入手一試.
Full Size Photo link :
https://photos.app.goo.gl/M2JNucNbmtXBdDUS7
#RX78,#Gundam, #PGU, #PGUnleashed, #Gunpla
分享
