MG - MS-14A - Gelgoog (2.0)
上次砌紅勇一心諗住露骨, 好多內構的細位都要處理. 不過今次完全吾同. 一開始已經決定吾見骨, 所以吾見光位的內構基本上完全無視, 連打磨都吾做. 其實由上次紅蟹開始, 用了一個新的方法剪件. 之前剪件會直接貼件剪, 而家用把60元的平剪, 剪剩小小, 再用單刃剪貼件剪. 坦白說, 出來白化位細好多. 打磨的時間真係小好多. 好多方法, 其實一早有人教, 自己吾學吾用, 到頭來繞圈的其實是自己. 不過我的性格就係咁, 要自己試過, 努力過才肯信.
講番盒綠勇, 再一次砌勇士, 感受完全不同. 因為自己吾係好滿意上次HG版的配色, 上次的灰同綠太近. 所以今次焦點集中了在配色上. 首先灰綠色是肯定的, 灰中帶綠, 我認為十分適合綠勇, 問題是中間的綠色. 我試左幾款吾同的油, 包括GAIA-027, UG07, 上次買的深灰綠等, 完全不合意. 我反而喜歡原件的深綠, 不是墨綠, 是綠色的感覺濃一點的深綠. 試了自己溝, 不過完全不行. 最後在自己色板中找到合心水的. 不過已經用完, 唯有出街買, 結果又買了幾支不同的深綠回來. 測試了5隻色, 最後決定這個跟原件最接近的深綠色.
淺灰件的陰影又是災難. 我用了深綠色噴, 噴左一半, 覺得吾對路, 對比太淺了, 於是用了灰綠色再噴. 灰綠色的對比也不夠, 結果用接近黑色的深藍色噴. 每次噴左一半吾對路又從頭噴過, 真係身心俱疲. 深綠色位的高光也是, 有點不夠, 不過真係無力再來一次. 見光的關節用上了紫灰色以及鐵色, 我覺得整體不俗.
噴完油再加滲線, 大致上完成, 雖然表面好多細節, 不過吾露骨真係比較素. 正如好多網友指出, 可動性真係低, 不過整體外型不俗. 由於搵吾到專用水貼, 貼個logo就算.
係搵油的時候, 先發現之前HG無寫低用邊支油, 而家我一定記下每盒用的油, 方便第時自己搵.
淺灰綠色 : Mr. Colour C31
深綠色 : Mr. Colour C16
關節 : 紫灰色 (自己溝)
關節金屬色 : MODO MX-02
黑色 : Mr. Colour C14
黃色 : Mr. Colour C58
盾 : 紫灰色 (自己溝)
Full Size Photo link :
https://photos.app.goo.gl/SVcGgo8crZ15x1cKA
#Gelgoog, #GUNDAM, #MGGundam, #Gunpla, #MG
分享
