MG - RX-78 - Gundam (2.0)
寫這編文章之前, 最想多謝我太太. 現時疫情嚴重, 基本上我們一家人很小外出. 當我告訴太太我想去工作室噴油, 雖然她十萬個不願意, 也尊重我的決定. 所以這盒RX-78才可完成.
RX-78一定是一款我組裝最多的模型. 只計MG, 不計換顏色的款, 已經有1.0, 1.5, 2.0, 3.0, KA以及Perfect Gundam的本體. 六款之中, 我個人比較喜歡回歸經典的2.0. 1.0, 1.5已經是很久遠的產品, 再加上用了我不喜歡的突出胸前扇, 基本上吾會考慮. KA的設計奇奇怪怪, 也不是我杯茶. 2.0同Pefect Gundam本體基本上好接近, 當時未買到Perfect Gundam, 於是入了2.0同3.0各一盒. 而3.0的製作, 我會傾向多水貼, 不同色塊. 而2.0則以簡約為主. (最後發現有盒Gundambase 限定的Perfect Gundam本體, 已經立即訂購了).
Gundam 2.0同吉姆2.0基本上大致一樣, 吸收了吉姆的經驗, 有幾個部位的組裝順暢了很多. 但我又低能地裝錯手指, 結果弄爛了右手掌, 要用膠水固定手指在支槍上. 咁佢跟來個套豪華武器套裝點算呢? 我知有師兄鐘意可動手指, 不過我個人認為手指同手掌接駁位太幼, 跟本吾夠力支撐, 好易爛. 在加上係手指咁細的位不停打磨也很痛苦, 所以除非材料改變, 我個人傾向多幾隻做型手好過. 而其他的優缺點也大致同吉姆差不多. 優點係可動性高, 做型復古簡樸, 整體比例優良, 分件出色. 缺點係材質跟本支撐不了如此高可動, 連動的設計. 除非大量換入金屬件去補強, 否則如此精密的設計其實係多餘.
係製作上, 今次犯了好多好多的過失. 噴油時不停發現未打磨的水口位, 更有吾小地方的打磨係未打磨好, 磨得太入等等. 又有好多位置有好大粒的塵點噴左油上去. 如果係一個認真的模型人, 好多地方都要重做, 不過我選擇打開無視模式, 真係無心機又遂隻色噴過. 因為組裝了太多遍RX-78, 今次決定在顏色上搞搞新意思,於是用了淺藍色加淺灰色. 淺色Tone亦都係受另一位師兄的RG Wing TV啟發, 覺得靚, 於是又試下. 其實兩隻色都係上次噴RG自護用過, 覺得幾好睇於是今次用佢. 由於時間緊迫, 我都係噴得好隨意, 淺灰色位都無再打高光, 陰影位都係是是旦旦噴. 基本上所有吾見光位我都無噴油. 手背改用白色, 腳踝用灰色, 而關節無好似之前用灰加黑鐵, 今次用左灰加銀, 出來效果吾錯, 之後可以用多次呢個配搭.
淺灰色 Mr. Colour C338
橙色 Mr. Colour C58, 陰影用UG20
紅色 Mr. Colour UG20
淺藍色 Mr. Colour C370
銀色 Mr. Colour SM206
灰色 : UC09 淺灰色
核戰機方面, 設計極之複雜. 同以往的MG吾同, 無一件變完身的代替品放入去高達入面. 真心講, 沒人會不停變型吧? 基本上連接位好幼, 真係可以承受不停變型? 感覺好易爛同變型一定括油. 架核戰機咁靚, 放入去有點浪費. B記的做法真係令我不解. 我上網睇過2.0同3.0的核戰機係一樣的. 之前有網友幫手測試過可以將3.0不可變的件放入去, 於是上淘寶買補件. 由開工前已訂的補件, 一直未到, 疫情已令所有事大大改變, 淘寶顯示可能有部份件轉由海運到港, 希望快點收到吧. 而家個肚中間乜都無, 只係將上半身放上去.
貼了幾張水貼, 感覺已足夠. 多水貼的RX-78留待3.0吧. 最遺憾係核戰機入面的阿寶, 真係無能力手油......只好由佢. 整體而言, 我很喜歡今次淺灰色的白色惡魔. 希望大家也喜歡.
Full Size Photo link :
https://photos.app.goo.gl/GCVay9Y84TSz3dg6A
#RX78, #GUNDAM, #MGGundam, #Gunpla,#MG
分享
