1980年出品
夾口位用膠片補強
接駁位就直接打銅支加固
乾手淨腳

以當年舊模來說, 1/60 高達真是很巨大.
核戰機又可變形, 分出來 display 都正.
這個 1/60 系列還有馬沙紅渣古, FA Gundam, 三連星高機動渣古.

過左42年 寶伯身形都keep得幾好

師兄直砌依隻老巾超頂癮，兇狠大眼睛加可愛大奶嘴 雙腿噴咗陰影靚好多

我都有買過這老模，身型係夠粗壯，唯一問題係斜膊，要改都幾大工程，加上雙腿實在太白滑，又唔識刻線，最後都係放棄賣掉。

0079老模之中，元祖高達（特別係動畫配色）最難砌得靚，因此也成為各大高手展示實力的模型。

核戰機有冇獨立完整上色呀？有就整張相睇下吖

[ 本帖最後由 robotkel 於 2022-1-22 08:25 PM 編輯 ]

核戰機入左肚腩啦 係咁易上左色就算
成隻都係夾口 磨整都有的

好有懷舊氣息
另外1/60 還有紅勇士及 cannon版

仲有出得最靚的1:60大魔。

好懷舊, 以前好鐘意呢隻, 前前隻隻砌左4隻..
btw, 腳版係咪左右腳掉轉左?

又冇留意到呀 見夾得埋就夾埋去

借用大佬的帖子...

老餅們大概記起, 以往精密模型雜誌, 曾製作了一座「雷霆壹擊」的科幻情景, 這模型在雜誌刊登其間, 亦曾放置在窩打老道老環櫥窗展示


情景是描述機動戰士高達動畫, 第24集「迫撃!Ьэкю·Эу」, 當中高達跟黑色三連星戰鬥, 而擊毀其中一台大魔的情景


引述該雜誌文章其中一段文字:「其中如腰部的V字及盾牌的十字, 在1/144的都有存在, 而1/100的模型反而沒有附上...(於是這情景模型用膠片重塑這些細節出來)」

這是笨大1/100高達模型的復刻版, 可以看到肚臍的V字, 以及盾牌上聯邦十字的細節, 由於模型盾牌的白色邊框是分件, 如是聯邦十字便分為上下兩段刻出來, 奇怪跟雜誌描述不符....


這台舊版高達模型, 內含一支不知名大炮, 可裝上附帶的彈弓, 以發射玩具炮彈, 略為玩具化, 同時期的青島文化教材的科幻模型, 亦有這類風格, 可能考慮到老餅們童年時期, 喜歡模型動態一些, 另外大概是因為部件數量限制, 所以犧牲了腳踝關節, 這個比較可惜


由於好奇, 於是再尋找些資料...

而再參考笨大的組合樣本照片, 可看見盾牌聯邦十字是貼紙, 而肚臍V字亦似是平面, 引證了精密模型的說法


從網上找到了第一版的舊高達模型套件細節, 果然盾牌並沒有聯邦十字而變為附帶貼紙, 不知是否再版時補刻了, 而盾牌的觀測口第一版亦沒有打通的


1/100舊高達模型第一版, 約在1980年推出, 應該是考慮童年老餅們, 難於將浮雕狀的十字星上色, 於是體貼地改用貼紙, 後來推出的新版1/100高達模型, 十字星則多半是單獨部件

難得師兄咁深入研究，我都有看嗰期精密模型，那情景的確精彩，原來第一版係無十字和V字，咁就有好高收藏價值啦！

我有素組過1/100老模元祖，MSV版，砌完一看，頂唔順露出核戰機的腰部，也沒有股關節，真係只可以屍站，無耐就扔掉，枝彈弓槍好似仲喺度

其實腰嗰個V字真係去到EG先至係解決咗上色的困難。

都係嗰句，當年老模元祖高達，個個比例都係上級者向。

係呀~ robotkel兄, 80年代的科幻模型, 至少補筆地打磨補到傻
這套1/100第1版睇怕有在手的人都係超級收藏家了~

老模夾口 要好有耐性慢慢打磨
又長又勁高低級 補夾口補到燥底