HG020 GM RGM-79
1/144 0079計劃終於來到最後4隻. 排得越後, 當然就有原因令我吾想開工.
事實上, 我極之喜歡吉姆. 吉姆同揸古都係量產機, 簡稱二打六. 不過同人吾同命, 係高達世界, 揸古極受歡迎, 差不多每一個系列都見到揸古, 吉姆呢? 我嘗試找找有沒有什麼好的0079吉姆款, 原來只有最普通的HG一款.
既然沒有代替品, 都要開始處理HG版. 經過了上次雙面蟹環環緊扣的補縫事件, 今次吉姆雖然都係全部左右夾埋, 不過最小可一次過做完無縫去上色. 由於相對好小顏色, 分件係幾好的. 對於呢盒模型, 只能說"不愧"為020的編號. 所有設計都非常古舊. 手臂同個身的接駁位, 只有前後, 又吾可向內屈, 又吾可以向後拗. 股關節雖然係Ball joint, 不過可動又好有限, 想簡簡單單做個S型站姿都吾得, 抵讚的地方係手同腳的關節位用一個U型件遮蓋軟膠位, 方便上色. 說實話, 玩得新設計多, 玩番咁舊的設計真係吾係好慣.
由於吾識改造, 結果都係依書直砌, 簡單上色. 事實上, Bandai係模件開發真係有一手, 一幅咁舊的模係接合位仍然好靚, 簡單膠水溢出的方法已可完成無縫. 小弟小砌其他廠, 只係接觸過Volks的五星IMS, IMS部份件如LED腳骨係吾同款都重覆使用, 件口已經有小小毛口. 客觀地說, Bandai真係處於模型技術上的頂峰. 只係除左高達, 其他又谷吾起, 配合呢2年模型翻身同疫情, 只係重印舊模已經填滿生產線, Bandai近幾年真係無乜好的新產品線.
講番盒吉姆, 真係好簡單. 一晚做下無縫, 一晚打磨, 基本上已經可以拎去噴. 基本上非常簡單. 同RX-78 Revive相比, 身體部份更為壯大, 與舊款的HG RX-78差不多. 之前HG條line出HG Revive, 點解吾出埋吉姆? 反而走去出HG Revive MK-II, Strike Freedom, 揸古. 其實呢個決定係非常不智, 因為RG的MK-II同SF太出色了, 而GTO的揸古也非常出色. 可以預見, 未來幾年, 要玩1/144揸古的人 依然以GTO為主, 想砌MK-II/SF的人也是以RG為主. 用資源出Revive紅彗星/揸古, 不如出吉姆. 肯定大賣. 吾出revive, 出完EG Gundam都拜託出埋EG 吉姆, 量產機出EG吾係先最合適咩?
上色方面, 腰的黑色位同頭部的透明件要做遮蓋. 值得一提係條頸, 原件係嶺口位已分件. 不過原來砌埋之後頸下方中間的紅色位會見光. 事前遮蓋噴埋簡單過事後手油補色. 選色方面, 我搵左Mr. Colour C20的淺蘋果綠做主色. 紅紅綠綠的配搭本身就好難做得好. 我用上淺綠色配淡紅色, 希望效果統一點. 不過係呢隻綠色上面噴高光極之困難. 噴白了也不太明顯. 為了提高效率, 我直接將鐳射坦克要做的紅與黃色先剪出來, 跟吉姆一起製作. 因為件數不多, 一次過噴比較有效率. 整個噴油過程都好順利, 大約2小時已完成噴油工序, 之後組裝加後期製作.
綠色 : Mr. Colour 020 淺綠色
灰色 : UC09 淺灰色
紅色 : UC20 淺紅色
黃色 : Mr. Colour C58, 紅色陰影
總括來說, 雖然今次仍然有好多無縫要處理, 不過感覺好多了. 因為複雜度低了, 只是單純無縫的處理. 外型上跟舊板RX-78差不多, 不是十分吸引, 可動性也不高, 即使站姿也不見突出. 真心說話, 比EG還差. 即使不出HG Revive, 最小不如出EG, 好嗎? 不要浪費了吉姆的設計......
最後, 經常看見不小網友說沒時間組裝模型. 大家知不知道我什麼時候組裝的? 星期六日與平日的晚上會負責打磨, 組裝, 後期工作. 噴油是我平日早一小時起身去噴油. 每次只處理一隻色. 噴完就上班. 這盒吉姆比較簡單, 我估總製作時間不超過6小時. 每天一小時, 一星期總可以完成了吧? 大家一起加油!不要每天只去搜括各大模型舖的平貨.
Full Size Photo link :
https://photos.app.goo.gl/WuSwqGQ4N7Tgmo2A6
#RGM79, #GM, #HGGundam, #Gunpla,#HG
分享
