租工作室
這2個星期沒什麼動力去砌模型. 懶懶散散的, 不想動. 之前完成藍蟹以後, 手頭上已完成打磨的件竟然無晒. 所以一連幾天都係處於搵野砌, 磨下件等. 經過幾天努力, 已完成磨件的有RG 紅蟹, 鐳射大炮, EG Gundam三盒.
吾知點解, 個心好似好空虛. 好似搵吾到下一盒想砌的模型. 之前停左無買, 而家又買買買. 最後倉爆了, 今早的起心肝係FB賣野, 應該係市價平$20左右. 結果 好快已經清左一大部份. GTO系列基本上係被搶. 反而RG新安洲, X1等無人問津. 今次清完, 其實仲有好多SD, 細細盒未賣, 估計都有100盒左右. 不過真係無乜動力去開SD. 補色, 無縫等要處理的難度太高了.
始終沒有那一盒模型令我好想即刻開來砌的衝動.......
2個星期前左右, 有網友放售一批已開的油. 差不多40支, 有灰, 有油. 反正只是300元, 就入手了. 細談之下, 原來賣晒所有東西是為因為移民了. 於是我又另付300元買埋他其他好多工具, 如PS-289噴筆, 手塗的筆, 刻刀等等. 說老實, 很多東西是沒有轉售價值的. 我覺得他只是想搵人接收, 而我也不想浪費. 我最後也將部份物資轉贈給我常到的時租場. 盤點了有40幾支油, 最小有一半是我不會用的, 於是也是倒了, 再用超聲波機進行清潔. 洗個批樽都玩了幾小時. 於是整個星期也沒什麼時間砌模型.
另一件事是, 我好想自己租個工作室噴油. 當然是近公司的. 咁我可以放工, Lunch去噴一陣. 看了一些網上的租盤, 40呎實呎的租盤大約是2000元. 但這類工作室的門是很大, 基本上預留開門位置之後是沒什麼位剩. 另一個大問題係無窗. 即使有部份有假天花, 放上假天花吾知散吾散到. 如果要有窗, 價錢要3000左右, 地方也大了一倍. 但是每月花3000元去砌模型真的好嗎? 非常頭痛.
|
分享
