加左編號方便大家睇
上下兩粒為同一支油, 除特別列明, 上面白底, 下面黑底.
上1. Gaia-124 Star Bright Brass
黑底白底基本上係兩隻色. 白底有點似偏青的金黃色, 黑底係青銅色, 星光油的特性, 吾算好滑
上2. Mr. Color-GX217 Rough Gold
黑底白底基本上係兩隻色. 白底有點似偏青的金黃色, 黑底係青銅色, 有點似星光銅. 不過更粗
上3. E7-58 Star Bright Gold
黑底白底有極輕微影響, 黑底出的顏色是實一點, 白底是鮮一點. 基本上同122接近一樣, 不過相比之下122是滑一點
上4. Gaia-122 Star Bright Gold
黑底白底有極輕微影響, 黑底出的顏色是實一點, 白底是鮮一點. 星光油的特性, 吾算好滑
上5. SM202+G132
先噴SM202香檳金再加Preal Gold, 黑底白底接近一樣, 效果比單用Preal Gold好好多
上6. Modo-T010 Gold
黑底白底基本上係兩隻色. 白底隻金色非常吾錯, 黑底偏銅色. 極滑, 亦都係所有色中最反光的一隻. 不過極難噴. 我一直用極小的出風同油量, 好慢好慢噴. 一急就吾得. 有心機的人可以買來試下噴KOG
中上1. Mr. Color-GX210 Blue Gold
黑底白底接近一樣. 似青銅色, 比星光油滑. 極易噴, 遮蓋力一流
中上2. Mr. Color-MC219 Brass
黑底白底接近一樣. 吾似銅色, 似偏青一點點的金色. 表面滑. MC油本身似好稀, 不過要攪耐小小同要照開1:2. 出來好易噴
中上3. Mr. Color-SM202 Super Gold
黑底白底接近一樣. 勉強放埋一齊先睇得出有極小分別. 黑色實一點點. 表面滑. 極易噴, 遮蓋力一流. 係最淺的一隻香檳金色
中上4. Gaia-EX08 Gold
黑底白底接近一樣. 勉強放埋一齊先睇得出有極小分別. 表面滑. 極易噴, 遮蓋力一流.
中上5. E7-76 Champaign Gold
黑底白底接近一樣. 黑底出的顏色是實一點點. 表面滑.基本上同Gaia-010接近一樣, 不過相比之下是010滑一點
中上6. Gaia-010 Gold
黑底白底接近一樣. 黑底出的顏色是實一點點. 表面滑.
中下1. Mr. Color-GX209 Red Gold
黑底白底接近一樣. 黑底出的顏色實一點點. 表面滑. 極易噴, 遮蓋力一流. 係測試中最合適配襯其他金色作為小件的分件色的一隻色.
中下2. Mr. Color-MC217 Gold
黑底白底接近一樣. 勉強放埋一齊先睇得出有極小分別. 黑底出的顏色實一點點. 表面滑. MC油本身似好稀, 不過要攪耐小小同要照開1:2. 出來好易噴, 遮蓋力一流. 係測試中最紅的一隻金色
中下3. Gaia-132 Preal Gold
黑底白底基本上係兩隻色. 白底隻金色似橙色, 黑底似青銅色. 細風慢噴出來算滑, 個人認為係要加在其他金色上面用. 吾可以直用
中下4. Gaia-133 Preal Copper
黑底白底基本上係兩隻色. 白底隻金色似橙紅色, 黑底似銅色. 細風慢噴出來算滑
中下5. Mr. Color-MC215 Copper
黑底白底接近一樣. 勉強放埋一齊先睇得出有極小分別. 黑底出的顏色實一點點. 表面滑. 極易噴, 遮蓋力一流. MC油本身似好稀, 不過要攪耐小小同要照開1:2, 如果吾係好易塞槍
Full Size photo link
https://photos.app.goo.gl/AWGYxVYy6m3yFVhHA
分享
