一直餓左好多日, 每日都想開工, 但晚上總有不同借口給自己偷懶.  有幾晚準備打開吾同的模型開工, 不過睇下睇下, 好似好難油....又收番埋.  日復一日, 终於係前幾晚開盒剪件打磨,  跟住第2日開噴槍上色.  成個過程都好愉快, 好似幫自己充番小小電咁.  

而呢盒"被選中"的模型就係SDCS 巴巴拓斯.  至於點解係佢, 都係都因為一個好攪笑的原因. 話說呢盒模型一直缺貨, 小弟偶爾係拍賣網站見到, 即刻以小炒價買入.  交收之時真係嚇一跳, 好明顯係浸過水同責過啦.  個盒梅晒, 入面有d件跌埋出來.  又話吾見左說明書, 仲吾係浸到吾見得人?  不過見佢個袋未開過, 算數啦.  就係因為個盒梅晒, 篤眼篤鼻, 決定先解決佢.  打磨的時候發現部份件責到有輕微變型, 心入面真係一路砌一路鬧.

講番盒模型, 印象中好多人讚, 佢的可動性真係好高.  另外佢其中一個特點就係副骨外露位置算多, 真心配服B記的設計, 竟然可以將巴巴的骨架設計放係SDCS入面.  不過基於原設的關係, 前臂又長又大.  而呢盒模型件兵器條鐵棒超巨大, 腳部有點過長, 腰的球型關節太鬆, 吾能夠頂住上身的重量.  不過佢的分件真係好好, 上色時要做遮蓋的位置吾多.  其實只有手掌同腳板要做分色.  

製作方面, 小弟只係依書直砌, 噴完之後補小小色.  本來黃色位想整到火的效果, 不過噴下又覺得用紅色做陰影又幾好睇, 於是就咁算.  頭同前臀理應要做無縫, 不過都無搞, 心急快手上色.  另外膝頭噴得有小小過白都無再搞.  上網買張專用水貼, 為盒模型加吾小分.   總括來說, 設計吾錯, 喜歡巴巴的網友絕對值得買來砌.

#AWSG08, #Barbatos, #SDGundam, #Gunpla, #SDCS

我都是團火燒的不旺，只慢慢地油戰棋中。
向朋友訂的 P-bandai 則還未取得...。



這 BB 有這麼喝市嗎？
盒殘、泡水、缺說明書都要以貴過市價賣？
還要不事前說明浸過水，下次不要向他買了。



沒砌鎚仔嗎？
無武器，有點不完整。



噴油後，沒補的夾口會更明顯。
你不喜歡補 putty，可以練開坑，
將分件夾口改成裝甲縫般凹下去。



角、爪、排氣口的黃色不統一。
喜歡這次較深沉的藍色。
不用金屬色噴骨架？



帶爪的機體，我有 code geass：紅蓮二式。
不過那是電鍍版，只能素組噴光油。



[ 本帖最後由 ygat 於 2021-6-1 06:41 PM 編輯 ]

武器其實砌好，不過無放出來，因為覺得佢太大了。

呢盒無補夾口係死罪⋯⋯我自己都有點接受吾到.....都係因為自己心急

黃色其實係同一支油。不過角，抓的做法係，黃色，紅色陰影，之後橙色薄噴。出風口只係用左黃色同橙，所以覺得吾同，腳仲懶，只係黃色。經過今次，下次件細都要做足。實物對角抓係堅靚㗎！

我吾知點解會咁缺，我估係產量小。網上吾見好多成品。

講番個賣家，佢網上寫盒殘，張相完全影唔到個嚴重性。出到來肯定浸過水。都算，最慘有d件㘭⋯⋯

坦白講，雖然我偷懶，不過投入去砌模型時堅係enjoy!

既然你留意到隻藍色，都同大家分享下。

其實係淺紫藍色。同以前用的係同一支油。不過用灰做陰影，再補番同一支藍色做高光位就有呢個效果。

最近有試吾同色做陰影色，出嚟效果好得意。不停吸收經驗中