BB384 Hi-Nu Gundam
之前曾經完成過Hi-Nu, 仲係好認真, 不同地方都做遮蓋去噴銀色位. 當時用了TV Animation的淡綠色為主色. 不過無搞無縫, 改做等. 到上貼紙時更係全膠貼. 不過我自己覺得其實都吾太差.
最近突然又砌SD, 仲隻隻SDCS改野, 於是我又想再搞一搞呢盒Hi-Nu. 上一隻的問題係好SD, 對腳雖然有小腳, 但係大大件的前裙甲下令對腳顯得好短. 於是把心一橫, 剪左本身個股關節, 用SDCS的股及大腳關節取代. 自制的大腳不能如SDCS般屈曲, 只能硬直. 經過呢個小改動令佢即時增高左一級. 呢隻HiNu另一個問題係頭太大, 阻礙手部活動. 呢方面就真係無能為力了.
外觀上我拉長了腳部, 跟住進行無縫, 頭頂, 小腳, 槍, 後面支炮等都要搞一搞. 今次都係用溢出膠水的方式整, 整完好細心睇仲有一條小小縫, 不過已經吾明顯. 不過可以睇得出補縫技術未到家. 之後就上色, 我無以前咁有心做遮蓋, 好多地方都係手油算了. 顏色都係用番本身設定的顏色. 當中只有噴白, 灰, 藍三隻色. 不過小小一隻SD竟然噴左差吾多3個小時. 白色如常噴陰影, 又一次收晒所有噴油工具之後發現係吾同件的陰影程度不一致. 最後都係手油補一補. 有趣的是, 我發現係屋企噴的白, 最後陰影相對重手, 呈現小小灰的感覺. 出時租場噴相對係白小小. 証明噴油時燈光的重要性. 另外, 好多件的內側我都係噴陰影時順手噴埋灰色. 我認為咁做成盒野的立體感強點. 到藍色時就大件事了. 都係同一支藍色為主色, 上次噴Zeta時用灰做陰影, 出來效果粉色點. 今次用藍色做陰影, 出來變得好藍. 因為我知補主色時會遮番陰影, 今次補主色時已經好小心, 仲有好多係直接上陰影色, 吾補主色. 噴時係明顯睇得出分別, 過左一晚, 砌起真係發現陰影輕得好緊要, 吾留心真係睇吾出.......下次我想試一試最後補主色真係開隻淺色點(加小小白) , 最煩係用剩的油就倒吾番入樽....
到了手油補油部份. 今次竟然用了2晚都未完成手油補色同滲線. 真係破晒紀錄. 呢盒野, 手油補油的地方極多. 捱左幾晚夜, 都係休息下再搞.
到上貼紙, 原來Hi_Nu的貼紙都幾難揾.
整好晒之後, 我個人覺得加長條腳係正確的決定. HiNu係小數我真係覺得相靚過實物的SD. 佢真係好上鏡. 影相可以遮到佢膊頭同身體中間條骨. 正面就吾好睇了. 如果喜歡舊2~2.5頭身SD比例, 應該會比較喜歡原裝. 但我就好鐘意長腳版了.
附件: 您所在的用戶組無法下載或查看附件
|