最近好像一個小朋友般, 砌模型砌到氣餒, 發脾氣, 又因為一盒期待已久的模型突然到來而歡天喜地, 連續幾晚開夜車剪件, 磨件, 噴油.  都幾十歲人, 仲因為一盒模型影響情緒, 諗落好幼稚, 不過其實好幸福.  人大左, 可以因為一件事而由心底開心起來是極不容易的.

這盒令我開心到爆的模型是IMS的KOG.  由見Volks確定開售日期, 我不停周圍訂貨.  總之有得訂就訂.  結果一共訂左5盒.  當我等待12/12正式發售日, 期望日本儘快寄貨的時候, 竟然係香港見到有11/22發售的會場現貨.  二話不說即刻聯絡賣家, 儘早交收了.  交收了之後都即晚開盒睇說明書.  由於太突然, 之前的計劃全被打亂.  製作中的LED也被迫暫停.

經過左2個多星期的努力, 對新呢盒的KOG也有點感想.  先說好的一方面.  外型不用多說, 一如IMS系列的好, 外型上可以挑剔的地方吾多, 接近完美.  係模型的設計上有好多新意思, 例如膊頭位的鬆緊用螺絲收緊,   另外股關節用螺絲吾係為左鬆緊, 係因為個受力位, 好難痴死, 用螺絲收死方便好多.   仲有之前我砌到想死的裙甲掛上條腰的接合位, 今次用了小圓樁位, 咁方便痴死, 吾會痴完又跌.  大腳都係, 用了高達式的接合方式, 雖然佢的目的吾係令你吾駛用膠水, 不過真係好痴好多.  前幾盒試過痴歪晒.  另外部份之前LED好難整的位, 例如腳踝的甲. 小腳背面的裝甲等, 今次用了一件過的件, 可以說易砌好多.  由於部份骨架係用LED的模, 砌的時候係完全感受到當中的分別.  可以說, 好感受到IMS對照顧模型新手在設計上的進步.

另一方面, 有幾樣野依然係好令人不滿.  第一, 好多水口位都係當眼位, 佢d水口又大大粒.  打磨需要的時間比高達多好多.  第二都係關於水口, 為乜水口死要放係彎位或骨位?  咁樣好易磨走晒條骨同埋彎位好難磨.  我真心吾明為乜有人期待所謂的電鍍版.  你睇下d水口位, 吾打磨執一執真係嚇死人.  水龍都有出電鍍, 不過我搵佢成品相時, 只係搜尋到電鍍版係拍賣網站, 完全未見過成品.  第三樣好煩的係Volks真係當所有人都係專家?  頭頂的紅十字, 白色位為乜吾分件?  相反條骨有好多無謂分件, 好多係細細粒, 真係吾信佢搞吾掂個分件.  小腳, 大腳條紅線因為都係直, 做masking都相對簡單, 不過頭頂個幾個位真係難搞.  我小人之心, 真係覺得個設計師有心留番d難度係盒模型度.  費事我呢類低技術人士都可以砌到吾錯的成品.  第四樣野係如手碗附近的甲, 腰甲等可動位.  其實好鬆, 不可以固定個位.  第五樣係有幾個地方左右夾埋有高低差......條樁位對個位吾準, 最好剪走條樁先落膠水.  個幾個位包括屁股, 高跟鞋個踭(之前砌LED已經發覺), 劍柄.  劍套本身係新模, 仲要一件過.  不過條分模線好明顯, 磨完發覺有高低, 一係磨平, 一係補畢地, 一係無視.....最後一樣就係個張水貼.  吾知點解貼出來好膠.....頂吾順.  放棄了.

雖然講左咁多不滿, 但總體來說, 我覺得呢盒係模型設計上係有好大進步, 雖然未去到好似Bandai咁易砌, 不過進步左好多.  當然, 我知好多砌五星的師兄都係高手, 我口中的問題對佢地來說係基本執件, 豪無難度.  不過希望大家體諒下一眾初階的玩家.

講番製作方面.  跟書明書砌, 好順, 吾大問題.  不過有d習慣要改一改.  我以前都係剪完係咁磨, 不過自從砌五星開始我會分2個盒.  一面左, 一面右.  連插住噴件的發泡膠我都分左右.  總之左右兩邊的件吾好掉亂.  上面已經提到要注意的件, 其他件的位都好fit.  唯一改動係背後2條蘇, 原件太長.  最初諗住用一半都係太長, 結果剪到而家咁短.  如果吾係, 真係無位放.  另外, 我對持弓個做型好一般, 連弓都無砌出來.   

係用色方面, 為左搵出心目中的金, 我係買齊Gaia同Mr. Color的金色去試.  噴左2個鐘左右匙更, 結論係無一隻合心水.  Gaia122因長期缺貨, 用左E7的星光金去取代.  但全隻星光金又太橙.  最後自己溝油.  最搞笑係我用Mr. Color的Red Gold, 明明噴完匙更覺得好明顯的2隻色, 當我係細部件噴完時發現色差太小, 睇吾出係2隻色......  燈光之下, 分別更小.

主體金色 : 40% 星光金 + 60% Gaia010.  出來效果超好, 不過吾夠閃.  下次可以再加光面油溝完先噴, 完成之後再噴光油當保護油
關節色 : MC215 Copper, 隻色第一次噴出來係啞面, 溝左GX100光油之後就靚晒.  不過奇怪的係我滲完線用Enamel開油水抹竟然捽走左小小.....老闆話MC呢個系列噴完要捽, 吾知有無關....  但因為呢隻銅色真係好吸引,  建議噴完噴光油保護.  之後再搞其他野.  我係時租店噴油時, 吾止一次有人問我呢隻係乜色!
頭頂粒玉 : Gaia 124星光銅加Gaia133 Preal copper做陰影位.  本來以為個contrast係好大, 噴完同隻主體金比又吾覺.  
細部金色 : 主體金之後再用Gaia133 Preal Copper補上去
紅色 : 放大鏡加手油雙星Enamel X7, 貪佢衰左都可以抹走佢.  頭頂紅色Logo, 腳的紅線, 周圍的紅色全都係手油.  膊頭位就貼貼紙做遮蓋, 之後噴X7.  跟手放大鏡加尖頭綿花棒抹.
劍方面, 劍身用左一隻鞋面深灰銀色做劍背, 光滑面的銀做劍身, 劍柄用2隻金色.  
最後就係頭頂的浮雕, 之前用雙星X1, 吾係好上色, 聽師兄講可能要油好多次.  最後買左支淺灰白色的Arclic油.  都係放大鏡加手震震咁油.  膊頭本身包住紅色的白邊就放棄了.

最後係水貼.  我特意係主體貼上花紋的金水貼.  可能睇相吾明顯, 但正正係若隱若現先至正.  如果用好明顯的水貼如黑色, 好似魔化左咁.  但用金色吾明顯反而增加detail之餘又吾搶.  配合本身已經係金色同永野大神本身浮誇的設計, 我自己覺得好match, 好滿意呢個設計.

我本人非常滿意今之的成品, , 金, 銅, 2隻主色完全係心目中的顏色.  手油白, 紅等亦比想像好.  即使用手機影, 出來的效果都好好, 放係攝影棚入面打晒燈隻KOG更金, 雖然自己技術未到家, 部份位置打磨得吾夠滑, 夾口補得吾好, 條骨吾直等....總之整個過程順利愉快完成, 我終於完成了第一隻KOG.

[ 本帖最後由 ngszewai 於 2020-12-15 02:21 AM 編輯 ]

師兄佳作，而家個金色好接近黃金反光度，好正喎！ 再閃就似電鍍，好單薄，天照講過KOG係黃金打造，不是電鍍金架！

金水貼好靚值得參考 邊度買架？

站姿set得好，最後多口一句，我鍾意早期平底腳板的設定。

謝謝師兄讚賞！

水貼梗係上淘寶揾啦！我試過細張的水貼貼落去，好吾覺眼，暗花都要大張先靚！

只要不影響生活、危害他人，能專注、沉迷一項事物是好的，美的。


又是分心，丟下 LED...


你剩這麼多砌不完，可以考慮分一盒給我 。


上鏍絲我在砌電單車時已遇過，是很好的組合方法，而且強度受力有保證。


高興聽到 IMS 系列有吸收意見、有改良、有進步。


早早便提過你 volks 件的接合、契位、高低級不太精準。可能與大陸廠的 QC 有關？


水口除非是 bandai BB legend 的 "點" 開模法 (它也只是純 gimmick，沒投入在全線產品... ) 或藏在內側，其實分別不大。
你也要顧及開發成本，只有 B 記才能以低於市價出貨頂爛市。


有時分件是怕一件過時因方法 (注膠式) 而致細節下降、不方便脫模、etc，不純是分色考量。


未試油 LED，原來 volks 的水貼質量不高。起碼不會如長谷川般濕水後不軟化...



沒位放，我會不砌流蘇也不想剪短它。


暗花水貼效果不錯，但分佈疏落，密些才能顯出暗花的效果。


最後白色用甚麼油手油？


fatima 駕駛倉的翡翠綠沒上色？

[ 本帖最後由 ygat 於 2020-12-15 05:05 PM 編輯 ]

去到咁上下年紀, 有事情可以令自己開心已經好難得.  我到現時為止仍然很享受砌模型.  雖然每天可以砌的時間真係好有限, 不過慢慢一隻一隻完成是十分開心的.
係我之前未完成的五星作品中, 1/144黑騎已被我收起.  BD差個盾同劍.  有一日發現吾知點解好似有一大塊膠水漬, 個盾痴立立, 表面溶溶地咁.  經過一輪急救, 補畢地再磨都係吾滑.....所以無整個盾出來, 把劍明明係光劍, 好多pose又成日插地……最死係未諗到光劍點噴漸變色…..佢隻手駁住d喉又全部軟膠, 上吾到色…..後面羽毛更加係空間殺手….. 所以, 我應該吾會再整.  又或者砌隻新, 因為不滿意地方都幾多.
LED係一定會完成的.  其實已噴完, 差未組裝, 2~3晚應該整得完.  不過尋晚開工時見到d夾口, 又走去補畢地再來過…

砌左四隻IMS.  高低位情況遠比我想像中好.  係可接受範圍.  要補夾口的位置吾算好多.  其實我只係中肯地評價盒模型.  等大家知道同B記的分別.  坦白講, 明知B記吾會有五星, 你一係吾玩五星, 要玩就要接受架啦.  水口方面, 真係好多都係當眼處, 希望日後好點啦.

關於條蘇, 其實我剪之前都望過下, 發現不同時期係吾同長度……之前有d設定都好似而家呢個長度.  如果持弓時就真係超長啦.
本身我想痴好多水貼.  不過好快發現細小的水貼其實好吾起眼.  要有暗花的效果都要大小小.  如果成條腰裙甲都痴又驚太花.  結果搵左幾張大size, 係正前, 後面長個2塊, 手各痴2塊.  始終吾係原裝, d size吾一定有合適.

白色係Arclic, 吾知咩牌子.  老細話佢得呢個牌子.  So far OK.  遮蓋力都幾好.  遲下補相俾大家.

Fatima個倉, 用左星光銅, 本身應該係好黃架啦.  但噴完出來對比吾大, 好似無噴咁….如果用綠色就好似之前的設定色.  今隻KOG的設定係黃色的.

跟手都係先完成LED, 下一隻就係1/100 黑騎.  再之後又可能砌下高達先.  可能我吾係五粉, 對A-toll, 火子, 炎子等吾特別大興趣.  1/144同1/100比, 1/100的氣勢強好多.  所以都係集中砌1/100.  剩低的IMS中, 有d興趣砌係忍式, 水龍, 長炮LED.  反而好想砌多盒KOG.  想噴香檳金.  不過手頭上的KOG都已經有人要左.  要等淘仔的貨到先有得玩.

[ 本帖最後由 ngszewai 於 2020-12-15 03:44 PM 編輯 ]

bang doll 那是實刃能量劍,
similar to Zaku II's Axe,
that why connects pipes.


後面D羽毛係空間殺手



btw, display  shot of Batsh (GTM) in japan.

[ 本帖最後由 ygat 於 2020-12-15 08:34 PM 編輯 ]

wow....i like this robot, the design so cool

this is latest design of 黑騎士.
永野大神 keeps changing its design. will be published by Volks.

   

     



[ 本帖最後由 ygat 於 2020-12-15 08:23 PM 編輯 ]

仲未接受到GTM

By the way, 你知唔知你係第一次俾佳作我！多謝鼓勵同認同！

i would give
"佳作" if the kit is 95% followed color scheme and no special effect;
"用色或改做具風格" if personal color scheme and/or effects (weathering, shadow, camo);
"一流作品/上色一流" is something i really really like;
"具參考價值" is a effect, color scheme i want to try;
"細節處理顯心思" if added lots of details;
"創作意念一絕" if modify it in fun way;
"幾可亂真" if the images look like real;
etc.



so don't care the mark,
typing something to reply is more meaningful than "評分" la

[ 本帖最後由 ygat 於 2020-12-16 02:09 PM 編輯 ]

下...大改成咁? 但新呢隻又唔係好騎士FEEL

好似完成了一個milestone, 突然洩氣了。

小朋友訓左之後一向係我起身砌模型的時間，昨晚阿仔訓左，我起身之後覺得好凍，又走番去訓。

多謝板主列做精華。小弟功夫未到家，只係盒野易砌。希望大家玩得開心

見到成品咁靚~~都想~~~~
我都訂左KOG
不過未知幾時收到
更加未知幾時會動工
砌完都無位放
見到髮尾太長了 ~~ 弓又太闊~(空間殺手))
見你修短髮尾~~幾好~~吾錯
現在砌模型都拖長來砌~~吾想太快起貨((HG萬能俠10日起貨))
現在砌咁隻GK碧藍航線希望可以拖都過年((11月開始))

多謝讚賞！

如果有位，條尾去地仲靚d!  不過我個櫃真係無位！

我買的未到手，你的金色滑

新設計立體化都好正，好有型，只係關節位過份扭曲，行catwalk還可以，點作戰呀？

all MH changed to GTM,
no more knight, all became solider.
that was "sword-shape" gun