新手請教一下,近排疫情成日留喺屋企. 新手重新再執D高達砌下, 冇玩開噴油,  只係砌過幾隻rg mg 素組. 現在朋友退坑平讓支cm-cp2 比我, 健康正常的,  諗緊要唔要,  我諗住淘個充電泵, 我想問下一般噴RG MG,
其實用Cmcp 0.2mm 噴rg mg會唔會好麻煩? 噴rg mg 範圍上會唔會太細要來回掃好多次？
我見網上大部份師兄都話用0.3正路D 範圍大D 冇咁易塞, 係咪應該去執支hpcp/ch 好D?
我冇砌首辦, 冇需要劃好細既線, 通常只係噴下外甲零件, 0.2mm 其實個trigger 拉後D 係咪都可以大範圍D?
0.2mm噴金屬油/鍍銀油會唔會麻煩好多?

thanks

0.2 噴金屬色真係好易塞，不過你噴RG 應該用0.2，除非你唔打算噴陰影，全件諗住噴一隻色。
至於CM-CP2，我都有，不過我好少用，打算轉佢做0.18算，我噴開1比10、1比12人型多，所以成日要細氣噴細點既油，咁噴法CM-CP2會好易塞同漏油，最後我買支WAVE 0.2 好用過佢 。
當然CM-CP2如果唔塞既話，噴出黎係細同滑好多，但用黎噴金屬色就真係玩死你。
如果你未買既話，買支MR HOBBY PS-270 啦。

樓主, 小弟吾熟各大牌子的噴筆, 睇完你個post上網search了一下.  第一個反應係, 駛吾駛咁貴啊!!!!

我以前用bladger, 個支應該係0.2.  而家買左2支sparemax 3 (即係0.3, $500一支) 同一支祖國0.3 (60RMB).  同0.2相比, 0.3的確噴出來係大範圍, 同無咁精細.  我個人建議你要噴金屬色, 買支祖國貨0.3, 每次用完要拆散洗乾淨.  但言明在先, 我已經好儘力清洗, 但祖國貨總有時會塞, 跟住嘔一滴出來, 係絕對吾適合精細操作.  但小弟吾常噴金屬色, 同埋我吾會為金屬色噴陰影, 粗貸對我來講夠用了.  另外2支我吾會用來噴金屬色.

你剛開始噴油, 吾駛買支最top class的噴筆掛?  另外, 噴油要好多工具, 最好花小小錢去上個堂, 了解多d.

如果係噴軍模迷彩, 0.18 0.2 0.3分別就會有,但你如果拉到盡大噴上色的話,分別未必好大
至少我一支badger 0.2由1/72飛機噴到1/32都係咁用


btw我自己都入左支郡氏ps770 0.18 ,都係iwata代工果隻cmcp2類,但用係淘寶充電泵好似唔夠力推咁

充電泵個續航力得半個鐘，而且唔係太夠力...