Strike Freedom是一部我十分喜歡的機體, 但只限修改了外形的MG, PG及Lightning 版. 初版有點肥肥矮矮. 而我砌的第一隻係1/60 Lightning, 真係十分喜歡. 之後的PG無砌, 一來已有1/60的SF, 二來真係無位放.
砌過一盒BB SF, 比例怪怪, 吾型, 同埋SF本身好多吾同色, 對於手油白痴的我真係難到一個點. 好耐之後出了EX-Standard, Ex-standard真係比小朋友砌的嗎? 睇個盒真係好正, 但想起第一盒RX-78 EXSD......我砌完當晚掉左. 今時今日, 全隻貼貼紙? 我情願你賣貴幾倍, 做好d分件.
等了又第, 又出一個新Series, SDCS. 出左Freedom之後, 心諗好快出SF啦.... 又死吾出.
終於係一個機緣之下, 我又正正經經上色砌模型. 咁係不停上網睇人地作品時, 見到台灣一位師兄"一天到晚砌模型的MS翰" (好多謝呢位師兄的網站, 好多啟發同令我下定決心去砌, 好有參考價值, 可惜我想email佢親自多謝一聲, 但搵吾到聯絡方法....) 呢位師兄砌左好多EXSD, 盒SF型到一個點係我下定決心要砌.
買野永遠係好快, 第二日買完, 雖然已有心理準備, 但開盒之後都係想爆炸. 點油啊......好多彎彎曲曲, 膠紙又痴吾到, 又有部份細到一小點, 總之係令人心煩. 於是收埋左. 一個星期後, 再打開, 剪件, 磨件. 今次好快, 梗係快啦, 得咁小件. 心諗, 下次噴呢盒. 於是又收埋. 每次想開工心入面都係好多對抗的聲音. 過程中又砌下其他野, 又放埋一邊. 跟住由純上色, 到開始為SD噴陰影, 砌完幾盒Zaku, 中間砌埋第二者Wing Custom Zero都係未噴. 有一晚, 吾知點解, 好似上刑場咁, 死就死啦, 開始噴呢盒.
係上面整個過程中, 我好似人地外科醫生做手術咁, 已經係腦預演好多次. 上色的次序, 不同地方的做法等等. 總結成個步驟,
1. 全機上白色底色
2. 角的黃色上色. 幫白色位用遮蓋膠紙遮一遮. 呢個黃色位應無地方噴陰影, 所以我上左黃色算. 我用Gundam colour的黃.
3. 貼黃色貼紙, 黃色部份完成
4. 為背包貼好噴射器部位的遮蓋膠紙, 因為最後我會用手油, 白底易油點.
5. 參考原裝貼紙紅色的部份, 係全部要上紅色的位置附近痴膠紙, 但不需完美, 大約即可. 機翼直情不用理, 因為最後黑色一定可遮, 我上次就係吾記得左機翼, 結果要再開過白同紅油去噴.
6. 上紅色. 我用Gundam Animate colour的桃紅色, 我一向偏喜歡粉色系
7. 之後貼原裝膠紙, 機翼則用普通遮蓋膠紙. 要留意原裝膠紙有無位會有空位滲入, 有就補一補, 我有時會直接用小小blutack遮. 紅色部份完成.
8. 為白色部位噴陰影及遮番之前黃同紅出界的地方, 陰影用Gundam Color的淺灰色. 白色部份完成.
9. 參考原裝貼紙白色的部份, 腰同腳版貼貼紙
10. 噴藍色, 我用粉藍色, 係用剩的油. 陰影用Gundam Color 的藍, 藍色部份完成.
11. 參考原裝貼紙藍色的部份, 為機翼貼貼紙. 無錯, Bandai慳到8條藍色的翼只俾4張貼紙! 要留意原裝貼紙貼係正面, 自己用遮蓋膠紙用係後面, 要沿坑cut. 小心! 我用力過度整花左其中一條!
12. 之後係漫長的遮蓋膠紙過程, 因為準備上金色. 拳, 前臂, 腳踝, 腳版, 腰, 手肘, 我係用噴的. 貼遮蓋膠紙都貼左成個鐘.
13. 跟住噴金色. 我用普通的雙星水性金色. 太亮的金色會太搶眼. 要留意, 我係專登用雙星水性油而吾用油性油, 因為預左好多地方要執. 金色部份完成.
14. 參考原裝貼紙金色的部份, 腰同機翼個幾粒貼貼紙. 無錯, 都係得4粒.......我用原裝貼紙的框貼係遮蓋膠紙上面, 之後好小心的剪. 坦白講, 一樣係剪到歪歪斜斜. 之後不停補油.....係其中一個處理得不好的地方. 心口出氣孔直接用Blutack填滿.
15. 噴黑色. 我用Gundam colour的黑.
16. 跟住係好緊要好緊要的事, 即刻撕掉全部原裝貼紙! 千萬吾好過夜. 貼太耐會有膠漬留低. 我之前因為係第2日先做第12個步驟, 有幾處留有膠漬. 最怕係整花噴油. 如果真有膠漬, 只可以用手指慢慢搓. 係撕掉原裝貼紙的過程, 總會有整花噴油的地方, 用之前噴的油輕輕點一點即可
17. 跟住準備手油的地方同補油. 其實金色的遮蓋力好強, 小心點油便可. 出界就用水性開油水抹. 手油包括各部位的藍色出風位同內在紅色的地方. 我係用水性油的. 支槍條藍色線就用法瑯油. 其實法瑯油好好用, 係最易抹得乾淨的. 但如果要滲線的地方, 要用水性油. 因為滲線液基本上即係好稀的法瑯油. 水性油的開油水去抹出界其實吾就手, 一大力有時會整埋底油. 所以吾駛再滲線的地方我通常用法瑯油. 另外, 我好多時會滲一次線先補油, 當有人畫定條界, 之後會再睇情況再決定要吾要滲多一次.
18. 最後滲線同上水貼. 由於我噴了陰影, 我之前買張水貼偏淡色, 吾太好. 我跟手再訂過水貼了.
花左好多心機, 個人覺得塊面的黑色最難油. 只係貼水貼我都用左幾個鐘. 製作全盒模型大概用左20小時左右. 有好多小瑕疵. 吸受左今次的經驗, 我相信再砌會更完美. 我已經買左2盒, 準備再砌一次! 點解係2盒, 好簡單, 因為我要張貼紙. 真係吾想再自己剪同遮係翼上面個4粒金色野同4條藍色! 題外話, 我知好多網友很抗拒係淘寶買模型. 但我買完又砌過好多盒. 真係完全無問題! 價錢方面搵些滿299免費送貨, 再自己俾中國去香港私運費. 我買10盒SD, 平均運費先係每盒3元人仔. 但一盒EXSD先29人仔! 我試過係Carousellar問個seller, 一次過買佢7盒EXSD, 佢開$50一盒, 我問佢一盒$35. 仲被人話我太狠, 話最平日40一盒! 講真, 我一次過交收你7盒, 吾駛你不停交收, 大家慳好多時間. 仲要交收地點吾就腳, 所以算了. 上淘寶買方便好多.
同上次一樣, 開始去砌真係需要好多心理準備. 我已經有經驗, 但要我再開仍然係幫自己不停搵藉口去拖..... 因為呢盒好靚, 我仲買番大部份EXSD, 但每盒一開來睇, 同樣係叫苦連天. 心理壓力好大. 我什至磨好晒Destiny的件, 就係吾肯開始噴....... 砌每一盒的EXSD真係需要處理好多心理障礙! 吾知我最後會完成到幾多?
最後, 希望大家欣賞. 砌完第2隻, 我會幫佢擺吾同Pose!
[ 本帖最後由 ngszewai 於 2020-5-4 04:36 PM 編輯 ]
|
分享
