到底有幾多年無正正經砌模型呢?  睇番呢度紀錄, 上一隻原來係PG Astray.  係2009年的事.

10年了.  因為氣味的問題, 我放棄了在家設置噴油箱.  之前個箱都掉埋, 噴筆被我封印10年.  其間結了婚, 有了2位可愛的小朋友, 為照顧佢地, 我更加無時間.  最多都係搵盒RG或SD素組下.   

最近有同事買晒架生砌模型, 撩起我把火.  加上搵到有模型舖可租地方噴油, 於是我又砌番.  技術就無乜, 不過好比心機.  第一隻RX-93 v-Gundam是被我報廢了.  即刻開個盒再砌過.  第2隻感覺有點回來了.  第一隻留來遲下有時間再加工整double fin用.

之後又砌了hi-V, Univorn等等.  終於有一晚將一隻我超喜歡的SD Wing 拆開, 本來係想買盒新, 不過最後拆之前的素組加工改做Wing Custom Zero.  記得當日砌SD Wing時, 真係wa wa聲.  以SD來講的超精細分件, 討好的外型, 我以完美去形容.  當時已想入盒HG, 拎對翼加工做Custom Zero.  但奈何已收山, 將呢個心願收埋多年.  題外話, 最後不停上網買, 而家有3盒BB366

拆開之後有幾個困難, 第一係眼的貼紙, 因為要用番, 好小心咁起.  好彩無事.  但頭頂的綠色就搞吾掂了.  最後係拎盒新的.  用個貼紙匡貼係營光綠的貼紙上面, 好小心的剪.  原本個貼紙留俾原本個盒.  之後再慢慢抹gundam marker晝的線, 分好要上的色就開工.

之前已入手SDCS的Wing Custom Zero.  砌完真心想掉左佢.  外型吾掂, 最後拎左對鎗, 後面背包加翼同手背的小三角型.

就係咁2合1, 砌左隻肥仔Wing Custom Zero.  不過我好鐘意呢個比例.  因為技術所限, 未可以在SD上噴陰影.  對而家隻藍色其實吾係太滿意.  不過已經係試左3隻藍, 而家仲搵緊點襯最靚.

點都好, 完左個心願 😊

[ 本帖最後由 ngszewai 於 2020-3-23 11:37 AM 編輯 ]

撩起把火

nice shring

真係好耐冇見呀師兄

梗係耐吾見啦.  結婚之後, 已經收埋噴油工具, 由一個人住, 有間書房砌模型, 到2個人住, 之後生多個.  已經逼逼地.  而家第2件都快2歲, 仲係飯廳界多間房俾姐姐住, 我而家屋企好逼下.  小朋友再大d, 連書房剩下的display櫃都要拆埋.

不過係而家呢個亂世, 仲可以砌下模型真係好開心.  每晚等小朋友訓左, 大約10:00先可以出動.  係屋企就搞下打磨, 補色, 痴膠紙, 上水貼等等, 成日諗住最夜12:00要訓, 但成日搞到2點.  每次去噴油前要包好一包二包準備好噴咩色.  但SD成日要痴膠紙, 吾係PG咁一早分好晒色, 好煩.  仲有, 砌SD始終好難噴陰影, 有時望住d成品始終若有所失.  而家去噴油最多玩2粒鐘.  之前試過拎半日假去噴, 真係好爽.    為左有效率d, 我通常有3~4盒同時開工.  吾駛成日洗噴筆.  本來用租的筆, 但實在太粗用, 塞下塞下咁, 拎番之前支筆出來, 又漏氣.  所以都係買個支噴筆.  

開始番砌模型, 買野買到失晒控, 工具, 油又買一大堆, 盒盒差不多都有spare.  因為好多盒都有小小難搵.但最後原來上淘寶好多都有…仲平過旋轉拍賣.  

而家有幾隻等緊上貼紙.  心中想砌的list有好長.

身同感受，屋企隻化骨龍都2歲半，望住部砌左7年都未收工既SD WING，唔知點解忽然想砌好佢。然後就同師兄一樣，某寶淘了一大堆
話時話,砌完都未PPOST出來

post 出嚟分享下啦！我剛淘埋噴油箱，試完報告效果

係屋企setup左廁所噴, 日頭收埋, 夜晚等小朋友訓左先開檔.  噴過一隻Wing.  今晚加水貼