很多評價都ps289好，我亦都打算買( 因為包裝好看 ), 想問下呢支筆有咩缺點,係缺點 , 因為怕買咗後悔

其實HP-CH 霧化同TRIGGER既手感會好好多，點解，首先講霧化，原因佢做SEAL 做得比MR HOBBY 好好多，出氣會穩定好多，所以出黎既霧化自然無得比，另外係TRIGGER 手感問題，MR HOBBY 既TRIGGER 設計係會引致雙動下有時會好難向下按，原因係佢個TRIGGER 個連接位唔受力，當你TRIGGER 拉後果時再向下按時，你用既力唔可以全部轉為垂直，所以好似CLICK住CLICK住咁。
當然一般砌模型MR HOBBY 已經夠晒用，但我覺得如果係玩人形手辦果D，最好用IWATA。

已經買咗289了， 洗搶嗰陣仲扭斷埋個噴咀 ， 三日 ，就用咗三日 ，師兄早啲回覆就好了， 當然hp-ch都有可能畀我扭斷個嘴

CHING 洗槍唔洗拆咀洗架，你咪聽果D人講啦。你只要每次用完洗乾淨D就得，另外唔好入左油擺嚮到唔用，用完槍要即時洗槍。洗槍應該係先倒走用剩既油，用唔甩毛既紙巾抹乾油壺入面，再噴清槍入面既油，之後倒入洗筆水，谷槍再將全部洗筆水噴出，重複再做一次，之後拆針，倒入洗筆水，谷槍再將全部洗筆水噴出，重複倒入洗筆水做多次，之後用少少洗筆水抹乾淨支針，上少少潤滑油，再裝返支針就得。

另外噴灰同噴金屬油最好用支平D既槍噴，因為呢兩樣野都比較難清洗。

thx！不過我支平噴槍噴金屬油如果用細油噴，有時會窒下窒下， 如果較大啲風又驚好容易邊位漬油

大陸同台灣槍都有咁上下問題，會窒窒下，好多人話係咪用0.5會好D，唔會窒，其實又無乜關係，我有支PS-290，初初都諗住買黎噴灰，但買左都好少用，原因MG, HG同 RG D件都唔會太大件，跟本上用唔到0.5咁大口經，同埋0.5噴野太浪費油。

我而家多數用支用左十幾年既PS-269噴灰同金屬色，因為主力轉左IWATA既槍 。