只有武器和背包另行上色。
滲線後直接用原件的紅色上噴光油，結果光油溶了部份黑線化了

有拋到？
啲光打落弧位都係散哂……

已經噴左3次光油和卒左2次compound. 不過隻磨光膏是雙星舊款的，那時沒有1500 和 2000

捽 compound 前, 仲有一個研磨步驟, 唔知你有無做到 ?

第一係光油要有返咁上下厚度同硬度(等乾透同收縮晒先), 可以先用 1500, 2000, 3000 慢慢打磨, 去除光油的橙皮紋或唔平整地方, 完o左呢個研磨步驟之後, 再捽 compound, 粗目, 細目, 仕上目咁上, 咁就會做到鏡面.  

我沒有打水砂。。。這樣以後光油要再噴多幾層了
請問師兄們會噴多少層光油？

層呢樣野... 厚噴同薄噴分別就已經好大. 所以冇特定數字架.

唔會冇磨穿到, 就係夠原..

仲有, 到噴到成件冰煻胡蘆咁, 就係過厚.

仲有. 由個盾到見到, 好多粒粒. 似係塵多, 而唔係乾噴起砂. 不過係尾裙版到又睇到係乾噴到起砂.

唔好以為個底粗都唔緊要可以噴厚光油遮到就算. 底唔滑, 之後都唔好靚, 要做既功夫亦會更多.

練好點噴得滑先. 手勢經驗來, 靠講係講唔識的.

玩F1 個面積細，圓位小都已經玩到頭暈，高達要拋光拋得靚真係好花功夫。

VampireA 師兄已回答, 大至上都係咁, 手法同油o既稀釋度人人不同, 好難一概而論  :)

[ 本帖最後由 goahead 於 2017-4-20 10:10 PM 編輯 ]

拋光部份有師兄講過...至於滲線化晒呢部份...

滲線乾透之後,可先薄噴光油一/兩層,等乾透後,才噴其他的層數,也不一定要「濕噴」,免得最先噴的光油被「拿」起,繼而溶化了滲好的線...

組裝/上色步驟都是環環相扣,不妨先計劃一下,那可避免較大的失誤...今次是一個好練習呢~~

其實那些不是塵是銀粉，不過出來無乜效果

玩拋光係最花時間
一般光油每噴完一層都要等上好幾日先可以噴另一層，除非有乾燥機就可以快啲
撞正落雨天又唔噴得

不過想用錢換取時間嘅都有方法，睇各人需要

暫時可以見到係橙皮紋,面層經過打磨...總結...光油噴得太求其...,
如果係經過暖焗,可以令每層光油即時睇得到效果,見橙皮紋就重新噴過..