|
太舊我唔想講,因為回憶會過度美化一啲經典.
比較近年我鍾意
Wing
TurnA
00
Wing我當年睇人設機設同簡介真小晒鬼,睇頭幾集更小鬼~
[心口擺粒珠,面頰有兩塊野飛起,頑駄無呀?!低Q能!]我當年係咁同班FD講的
五人組,著到鬼五馬鹿(我當年仲好堅持應該要著制服,或者衣裝低調掩人耳目)
高逹點Q可以係戰隊?!戰隊點叫高達?!
睇多兩集,小丫!刀槍不入都算,仲豆豆炮掃全場?!你整架坦克算吧啦~
但睇落去確實有啲料到,故事同人物描寫都有水準,再加埋套劇情版埋咗個靚尾,真心完整(其實我當年都小左隻甩毛雞設定好耐的,當然家下又覺得好型)
TurnA真心推介,造型真係嚇死人,真係忍到機設忍唔到人設.係!
但係真係好睇,尤其某人同某人換身份之後,劇情堅得~我覺得如大家有睇拉打,可以忍到電王設定以致最新隻青春拉打無理由話頂唔到TurnA
苦茶係苦,但真係有益.
00好多人認為係近年最悶高達(第一季),但我覺得係一套日本人難得唔係亂搞設定,而係即使放諸現實都合情理的高達劇本
高達再勁都係[恐佈份子]係一個小隊,做到野有限~只可以玩一犛脫離.敵人有腦,會用政治同宣傳去操縱民意,亦會用戰術去補救科技差距
雖然第二季00量子化真係神到過左火,但大體上都無暴走.唯一係個結局同第一季結局其實無分別囉~呃多左24集
劇場版......好睇喎~(我知好多人唔同意)但係劇情上真係少數TV續篇劇場版可以咁完整同有起承轉合.我不滿係00Q出場出得太濕膠
至於大外星人,真心無問題~唔信,可以睇下0079啲官方設定對新類型人定義,當中的心靈感知能力,係人類為適應宇宙空間可能出現的其他智慧生物的溝通手段.
至於唔掂.....AGE
拾佢其誰,真係要一氣過睇晒一集都有難度,斷下斷下咁睇.....但真係好難頂,都未試過有套高達咁難頂架~
[ 本帖最後由 Winson 於 2012-5-20 09:44 PM 編輯 ]
|
分享
