同意唔兄的觀察, 新出的連防磁紋大象原來都是ds track

記憶中龍記祗在90年代初出的第一代 m1a1 玩過半拼接履帶, 相信學孖星的機會好微啦!

哇！師兄都玩左甘多Esci ？ 相信大家都係一把年紀咯....... 老餅！
嘩，原來你對Esci的認識經驗比我多好多，真慚愧！拒既track 係比較少Details，按當時黎講已經足夠咯，而加就越來越靚，Italeri 唔改善就變做落伍。

其實 Esci 瓜左之後，真係好難搵1/72坦克，除左上網bid Esci之外，果幾年其他牌子都係得幾個可以柬：唔計長記同富士美之外，就得：東歐 Eastern Express (injection)，英國 Milicast (1/76 Resin)，法國Al-by（1/72 Resin），仲有其他細厰（Revell只係剛剛起步，未成氣候，仲係質量差添）。部分係本地模型鋪買（係西灣河)，部分係上網訂，有部分就出差去歐洲時買的。

當時Al-by係1/72 Resin行内的頂尖牌子，因爲拒製作嚴謹，質量高，絕無氣泡，絕對齊件，很少卷曲，其實拒到而加都仲係好受國際上的1/72玩家歡迎的，我又儲左唔少。

過去十幾年就係甘收集，成爲有點病態，無法自拔，砌親都唔敢上色，因爲唔識油，怕糟蹋左D靚模型，不斷堆積爛尾。
直至呢幾年係聯盟内見大家砌得甘過癮，又有嘢學，至開始埋尾，將我的積存慢慢消化.....

係呀, 我係老餅嚟架, 所以特別多口水! esci 我砌多幾盒而已, c hing 識d 牌子就廣博好多! 一定收藏不少珍品, 強烈要求揀幾盒正嘢砌出來公諸同好 (或者放出嚟賣益吓街坊 ) ! 樓主唔兄你說對嗎?

我咪仲多口水.......
砌方面，我已經好努力架啦！
放出黎既話，有人識貨的話，我肯賣架，不過...... 我驚無咩同好咋。我買左好多嘥錢老襯野（wargame的質量，模型的價錢），又有好多無人識的車或火砲，幾冷門架，大路野例如德國坦克我反為少買（因爲反正大把厰爭住出啦）。

講起來慚愧咯，我已經兩三年無買咩Resin咯，而加 D injection 出得靚左又多左，我D所謂珍藏都變成out嗮，例如果 D以前無人出的題材，只有Resin至有，我買番黎梗係獨一無二啦，點知而加比龍記同小喇叭搞到隨處有得賣，仲靚過你平過你，我果 D又變古董咯 ，Resin厰只能出些再冷門的。又例如那幾盒Esci M13/40, 當年bid番黎成3舊水一盒，而加Italeri 出番，我放番出黎都無人要啦，唔通為左個古董紙盒比多兩百幾咩？ 你有冇興趣呢？

炒古董我就冇興趣啦, 更冇財力呢! 始終自己買模型要先考慮質素, 不過c hing 揀啲高質珍藏出嚟一定有捧場客架.

龍記的 1/72 初時做到價廉物美, 我當時出一盒買一盒, 但其後愈整愈貴, 才無奈放棄追買. 所以最近做半價, 我狂買咗幾十款補番數, 認真大出血 , 不過計落當然慳過逐盒正價買好多啦. 喇叭仔本來都俾我好大期望, 可是佢啲價標升得勁快, 而且又冇pe又得vinyl 履帶, 我剩係買咗ferdinand, as-90, zil 138 同 famo + tank transporter幾款.

其實家陣啲模型換代得太快啦, 唯有儘量忍住購買慾, 先清手頭上的舊貨才買新品 (講就易, 我自己就唔得嘅 case 多)

其實家陣啲模型換代得太快啦, 唯有儘量忍住購買慾, 先清手頭上的舊貨才買新品

呢句都係我近年的取態，龍記初期我都追得好貼，但後來已經無可能再追啦，屋企個柜早就爆左，而家毎買一件都要霖位攝，好矛盾！！好慘架！！

無PE唔係大問題，質量得都可以，價錢真係貴左，所以我無咩點買咯，喇叭果條橡皮圈真係致命傷呀！橡膠終有一天會自己斷開，我以前D富士美就係甘。

我都係要一盒擺幾隻, 都唔知會唔會壓到變形, 無位擺唔理得咁多啦.

聽講啲橡膠圈同輪肽擺得耐仲會熔添, 真大鑊!

唔担心得咁多喇，tim哥
砌完，影几张相留念就当掉得啦

東哥，如果好似你甘年青力壯，晚晚開波，甘多產就話姐，
我一年能夠完成幾架咋，但是買都唔只幾架，呢條係永遠不能平衡的數.....  仲唔忍手D？ 無希望架啦！死路一條！
仲有，我無你甘有衝勁，我砌完一架，就會停一輪，唔知係迷失左定係囘緊氣，上次起左架E100，到而家都未開新野，都唔知自己想砌咩，成日上網想搵題材，好迷惘呀！

[ 本帖最後由 timng 於 2009-5-16 12:34 PM 編輯 ]

得闲上开黎就去饮下茶，唔好去买模型喇....
或者将d唔想砌嘅清左去啦

飲茶好呀！
而加有新模型出都未必引起我既食欲..... 霖到果棟仲未完成既模型......就打消念頭咯！
舊年已經攞左十幾盒去寄賣，賣嗮，今年初又攞左十幾本書去寄賣，呢個動作會持續下去，希望可以有朝一日達到平衡啦。

timng兄努力呀！ 自己睇見啲堆積都  ！