還記得第一輛砌的AFV是星星的1/35 M113，時至今日又再砌另一輛M113A2，今次是喇巴牌的出品。

雖然個模麻痲地，但係都砌得好認真
美國佬d車冇左d亂78糟嘅外掛都係單調左d

D舊化水紋好靚！D甩油係好自然！正！唔錯！

各位72既同志！加油呀！為呢個長期受歧視、被認爲係小眾既一族爭淡氣呀！邊個話72唔可以砌得靚架？係怕你對眼跟唔到有幾靚就真！

受乜野岐視 ?   係 tim 兄錯覺吧 ...  我都見過國外有人用蝕刻砌出一架 72 afv, 有齊哂 35 加 p/e 後既 details.

水紋確系做得好自然，贊！

各位72既同志！加油呀！為呢個長期受歧視、被認爲係小眾既一族爭淡氣呀！邊個話72唔可以砌得靚架？係怕你對眼跟唔到有幾靚就真！
師兄為何有這樣的看法呢! 選擇那個比例，全是個人的喜好，怎麼有歧視呢!只有好作，大家都應該鼓掌支持。而我個人的確是最喜歡1/35，因牠是各大廠的主流生產項目，及相關配件亦較為豐富的，更是我個人開始年紀大，眼力真是不及年青人了

各位兄台，你地唔係玩開72，可能感受唔到，我係80年代開始玩72，當年72都算多，有咩ESCI，Hasegawa, Fujimi(1/76)。後來畢業之後就無玩，放低幾年，至大概10年前再玩返，點知原來 72進入黑暗時期，ESCI執左，Hasegawa同Fujimi 唔出新款，其他牌子只有一兩個東歐厰，選擇好少，好多野想玩只能靠上網訂外國既RESIN手板，或者去Ebay bid 果 D絕版野， 搵到就好似執到寳甘開心。直到呢4-5年至多番D東歐同大陸厰出 injection，甘選擇至多D，至算係擡返頭咋。

以前黎講，就算而家都係，好多模型鋪都唔stock 1/72既坦克模型，無論去到本地或外國D舖頭，問有冇72，好多都話：最多得幾個牌子既貨咋，係甘多啦！主流係35， 72呢D比例厰出既少，玩既人又少，做呢D生意無錢賺架。你話玩72差唔多都唔想招呼你。（舉例，你去煙厰街上樓上果間舖頭問下，答完一句就唔想彩你啦！唉..... 以前去長城問老闆，佢都表示出好不屑既態度。)

老實講，我真係覺得比呢D舖頭既人歧視架，我感受到佢地嘅想法係：72係平野，幾靚都賣唔得貴，邊有錢賺吖？事實其實係，佢地根本就無72嘅靚野，淨係賣人人都有果幾款，邊賺到我錢呀？

係呢度攞D野出黎大家會接受，真係有D意外架！

隊長，你睇下sm嗰邊，就算唔係歧視，起碼都係有偏見，好多時講起1/72afv好似唔係afv咁
相對而言，飛機就冇咁大嘅比例隔閡

顏色及甩油都好好，連地台都做埋，但點解咁懶呀，機槍口都唔鑽。

[ 本帖最後由 herman 於 2008-1-20 01:33 AM 編輯 ]

filtering 同 掉青 效果好自然,
其實細比例模型做得好舊化, 真係唔容易, Timng繼續努力

Sorry 阿buzz兄，你讚錯人啦，我係度都係客人黎咋！

水痕效果勁啊！