Vampire 兄，你都有你的道理，其實靚定吾靚都好主觀，砌模型最緊要自己happy

我都同意你既講法

不過我覺得起碼都要有方向,至於係咪細微既眼光去評審, 我覺得呢d都係每個人既要求. 絕無話 exp少唔可以回
不過如果一直無方向/要求咁去睇, 大家都可能無進步.


唔好意思 再以ultrayung 此台女皇機去講一下

無錯睇野係好主觀, 不過都唔好下下望多2眼都慳返, 就咁比d 好讚美說話. 人地砌出來一定花唔少時間.
你睇之前咁多個回post , 有無人細心了解過件件有無組合錯誤呢, 組合我諗睇作品時都算係最基本吧. 係咪!
我唔講set件既困難程度. 上色, 打磨...呢d.

如果用你既說法好多人用左呢套來做借口,  其實係呢度宜家我覺得好多人盲目用左, 攪到進步速度好慢.

我諗大家都係想砌一件有水準既作品, 而唔係得過且過吧

我舉另一個例子罷......
之前有人素組了一隻電鍍MG post了出來, 如我無記錯, 竟然也換來一些"砌得很好"之類的評語....

有時我知一些讚美的評語可令制作者增加自信, 好讓大家能制作下一隻更好的作品...
但只有讚美而沒有任何改進的評語.....這樣真的好嗎???

沒有exp, 不是不能回或批評, 好像我們不懂十米高台跳水, 但卻懂批評他"水花大", "腳不直"等...........

Wa! Longggg essay! Still have many jobs( models) on hand. I prefer working hard for $$. Thank kill Juno & Ladios

無錯! 就好似寫影評d人一樣, 唔係要拍過電影!

人人都係咁樣出 post, 新人可能都以為咁係正路都唔定!

我都好明白你想提升大家質素. 我都有同樣目標, 其實都唔可以叫目標, 只係想大家有心玩模型既會繼續玩模型, 唔會因為係基本技術遇見問題而放棄, 所以我好多時都去技術區幫下人, 答下d基本野, 高級野我真係冇資格去答, 但基本野我都識, 當薪火相傳又好, 唔想d新手去錯路而放棄又好, 到簡單d幫下人都好.

我都有時會好簡單咁回post, 一句 "好毒", "好正". 因為真係覺得做得好好, 最起碼我知以我依家既技術, 係一定冇可能做到人地件作品咁好. 但我都好明白大部分既回post 已經流於表面, 亦覺得長遠係冇好處. 因為真係會睇晒d 回post 既, 當讀到d有評語既post 時係可以睇到自已睇唔到既問題而從中學習, 唔單只post作品既得益, 其他睇post既都一樣得益.

所以, 我絕對都同意全部回post有贊冇彈既會唔健康. 最後大家都學唔到野. 亦所以, 有能力既, 睇到問題既, 應該開下聲. 互勵互勉. 大家都係有心既. 努力.

o岩o岩之前我就回左個post, 俾人串我有彈冇贊, 仲俾人質疑我能力. 真係火都來, 不過講左唔會再會佢, 所以唔會駁佢了. 亦完全感覺到有些人只接受贊美唔接受批評. (搞笑既係串我既唔係係件作品既制作者)  

幾位都係高手, 希望日後可以指教一下小弟.

E家真係吹捧成風, 就如你所說你一彈就俾人質疑能力. even 你有能力, 到時唔係同一件又可以有得講!
我好明白 e家好多新人為"咬" 而去"咬" , 一味只係著眼於點"吉"倒你.,
就如Ladios 兄所說跳水一樣, 唔係下下都要做過一模一樣先可以有資格去講, 好多野可以從一路以來前人既肯定/資料而定立方向及認定, 不過好多人為嬴而否定左.


有時真係幾灰, 點解人地日本仔可以比我地進步. 我覺得唔係我地能力問題, 而係好多人有私心同無左虛心學習所致

[ 本帖最後由 juno11 於 2008-4-17 12:39 AM 編輯 ]

某程度我覺得係d人越來越自大, 但見識又相反越來越少. 可能係d人鍾意認叻. 以為踩底人就可以顯得自己叻. 可憐呀. 其實自古以來有麝自然香, 叻既人跟本唔會去認, 越叻既人越知道自已有不足.

就如Ladios 兄提出的.. 例子真係多的是. 如:評酒家不須要自己釀酒, 食家不須能熟野食 etc.

嗯! 明顯不可一世, 自以為是既人都幾多. 最可悲 交流上去批評變到為出頭而去 踩人.
究竟係無準則, 定係d人莫視, 而輸打贏要呢
大家變左唔係為技術上/心態上去砌件, 而係為左要係網上世界佔一席位而顛三倒四

請問砌了幾耐?????????????

14 days 左右 la!