RG Zeong MSN-02
點解要將自護放最後? 因為自護本身就係最終大佬, 所以放最後. 呢個都係原因之一, 不過其實更多的原因係因為吾靚.
宣佈推出RG自護的時候, 正值我不停製作RG的時候. 有網友一見到消息也立即通知我. 睇完宣傳圖, 無興趣. 為乜自護對手大到吾合比例? 條腰又幼......不愧係RG, 碎甲碎到......再加上不停強調個裙底Pose, 真心覺得吾靚, 所以一直無視. 雖然小弟無視, 不過市場又吾係咁. 不停炒仲要不停無貨. 剛巧有一次, 我係淘寶買野, 竟然見到現貨, RMB260人仔, 計埋運費都係港幣330左右, 相比當時香港賣緊400以上! 由於價錢太吸引, 於是就入手了.
入手後係完全無興趣去製作, 直到決定完成0079系列, 心知都係無可避免. 終於拖到最後, 自護便成了0079的壓軸作品了.
RG自護就好像是一位漂亮的模特兒, 一些拍攝角度可以影出漂亮的相片, 不過實際上很多地方的比例卻是有問題, 就好像模特兒拍照漂亮, 實際上卻是瘦骨嶙峋, 營養不良似的. 這些感覺, 在自護, Nu, Hi-Nu上特別強烈. 事實上, 係RG自護推出這2年, 有好多睇完我覺得很震撼的作品. 有師兄舊化到出神入化, 有師兄用營光油營做著燈的感覺. 有師兄將裙底春光油得很細緻, 一切一切....都是我做不到的. 我只可以繼續自己的做法, 盡力製作我自己的自護. 跟好多專業的師兄作品相比, 當然是遠遠不及, 但我經常提醒自己, 自己開心就夠.
開始剪件之後, 第一個問題係手指點噴呀? 同異端一樣, 又係2色預製可動件. 見到個一刻真係無言. 之後分了幾天剪件磨件, 一次過做真係太悶了. 今次無再佈置過分件的配色, 全部依書直砌. 一直都比較抗拒上臂的綠色, 總感覺格格不入, 於是將綠色改為灰綠色, 下方的噴射器則改為銀色加透明黑做邊位。骨方面用中灰及鐡色。藍色用了兩款偏紫的紫藍色。
本來諗住休假一日，去工作室噴完盒自護，點知噴左半日，只係完成三隻灰色，鐡色等。之後個日成日心思思，最後夜晚等小朋友訓左又去工作室噴，由夜晚十點噴到零晨二點半，噴埋其他顏色。完成了上色，返到屋企先發現塊面太黑，手腕又噴錯陰影位，結果第日又去工作室一趟執一執。
深灰色 Mr. Colour C306
淺灰色 Mr. Colour C338
黑色 Mr. Colour C78
橙色 Mr. Colour C58, 陰影用UG20
黃色 UG21, 陰影用UG20
紅色 UG20
藍色 UG14
淺藍色 Mr. Colour C370
鐡色 Modo MX-02
噴咀 Mr. Colour SM206 + GX101
灰綠色 Mr. Colour C31
睇見上面個色表，就知真係多色到暈。噴黃同橙色時我就偷懶，未上主色就直接噴陰影紅色、白色高光，之後先噴主色。
今次用一張國產水貼，效果比預期好，我之前好少跟住指示貼，今次費事諗，大部分都跟住貼。有睇我之前的成品都知我小貼水貼，其實我吾係吾鐘意水貼，只係睇適唔適合。我之前的HG都係偏簡潔，所以我都吾貼，今次本身都好碎，我覺得好適合多水貼，所以我就貼咗好多。淨係貼水貼都差唔多10個鐘
完成了整個製作，感覺成品遠比之前睇相好多了。雖然仍然有雙拳過大的問題，可能自己放了很多心機落去，感覺順眼了。製作過程中，一直都很掙扎係咁細緻的分件下仲噴吾噴漸變。但噴漸變一向係我的風格，所以即管試吓。希望大家欣賞。
Full Size Photo link :
https://photos.app.goo.gl/Y3kZLfrTGQAwTWXb8
#MSN02, #Zeong, #RGGundam, #Gunpla,#RG
分享
