HG196 - Gouf - MS-07B

最近火車頭一樣去製作了幾盒HG.  日又整夜又整, 一有時間就做小小, 結果一個月左右完成左強人, 紅彗星, 綠渣同舊渣.   而今次一口氣打磨好老虎同RX-78兩隻, 仲一齊噴.  我係一個心急的人, HG/GTO好快見到成品, 的確令我更有動力一隻接一隻去做.  但高速跑完一輛, 昨晚突然覺得有點空虛.  好似剩下的選擇已經不多, 就快砌晒咁.  

坦白說,  自己對最近的成品要求係提高左.  HG/GTO本身吾多夾口,  差不多都會做晒無縫,  自己係用膠水溢出的方法,  不過有時搞完一輪都係隱隱約約見到條縫.  上網見好多師兄用AA膠,  吾知點解試過一倆次總係掌握吾到個方法.  今次其實噴得好差.  好似趕工, 無Heart去做咁.  係之前幾隻的上色過程中, 我開始用灰色作陰影色, 而吾係用同色系深小小的色.  用灰色會令主色望上去多一份灰矇矇, 陳舊的感覺, 而因為藍, 紅等色遮蓋力不是十分好, 所以噴完陰影補主色會令主色及灰色過渡柔和點, 整體的感覺更舒服.  不過今次有點走火入魔了.    裙甲的深藍色, 手腳的淺藍色都出現顏色不統一的問題, 塊塊吾同, 也突顯吾到陰影.  感覺上我之前噴灰色不是在做陰影噴塗, 只是加一點不同的顏色上去每一件上.   最後要不停補噴主色.  經過不停補主色之後, 主色上叫做統一點了, 但陰影色變得吾明顯,  黑色部份用灰色打高光, 同樣不明顯.  跟手做埋滲線之後覺得同平噴無乜分別.

原以為自己的上色技術進步了, 今天覺得自己完全未合格.  坦白說有點心灰意冷.  噴了這麼久, 這麼多, 技術仍然是很爛.

說回模型本身, 外型上是非常好的.  有2款頭部, 有正常左手(吾係五指炮), 仲有多一個盾(淺色部份)同左手刀.  可以睇得出係隨時準備出埋Gouf Custom的, 但之後一路無出, 吾通係銷情不佳?  點都好, 兩款頭, 其中一個豬咀長一點, 我自己就用了短一點的.  既然係傳統老虎, 當然係用五指炮同鞭.  條鞭話就話係任屈, 不過屈極都屈吾出個形狀, 大力得滯又驚整斷.  透明橙件非常漂亮, 把刀係非常靚.  小腹個位更令盒模型生色不小.  而今次係分件方面亦非常出色.  全盒模型只有兩邊膊頭要做無縫.  整個組裝過程非常順利.  但同GTO比較的話, 可以明顯睇得出刻線係比較小, 感覺上強人, 老虎等HG比起GTO來說, 真係無咁精細.  換個角度說, HG係比較接近原形的.

今次砌HG, 我自己是有一個想法的.  我想整番一個0079MS的紀錄.  但我只係針對TV版, MVS吾在我想完成之列.  翻查紀錄, 其實吾係好多, 好似得18款.不過當中又有部份我完全吾想砌,  可吾吾以完成都係未知之數.至於GTO, 說來奇怪,  差不多每次有想砌的系列時,  老虎,  大魔同魔蟹都一定有份.  例如想玩1/144, 佢地又有份,  之前想砌MG,  我又會買返佢地.  不過真係到的起心肝動手去砌時又總係停左.  反而紅綠勇士,  自護,  Acguy, Gogg, 雙面蟹,  鐳射坦克等從來都吾係我想砌個清單入面.  砌完老虎之後,  仲有RX-78, 大魔, 鐳射大炮同魔蟹.  鐳射大炮方面， 我睇相覺得新HG某些角度都靚， 不過整體來說， 我個人比教喜歡舊HG, 相對係肥壯一點, 覺得咁先似鐳射大炮.   RG魔蟹對手有一點過長， 不過HG版又寡得滯.  係未來幾個月都無乜新野係好吸引, 最想砌都係12月出的FSS-AUGE.  


Full Size Photo link :
https://photos.app.goo.gl/si2o64uSsaSxzQ1b9
#GOUF,#MS07B, #HGGundam, #Gunpla,#HG

最近火車頭一樣去製作了幾盒HG...
你終於體會到 PG, RG 外的 less is more 了。
不然我為何經常叫你試別的，沒試沒比較，就不知樂趣非如此單一的。



...突然覺得有點空虛.  好似剩下的選擇已經不多...
砌完再想/定另一個計劃便可。但砌的快的問題是空間嚴重不足。



... 自己係用膠水溢出的方法,  不過有時搞完一輪都係隱隱約約見到條縫...
因此有人喜歡噴灰，除了好上面色外，亦較易看到未執好的位置。
除了灰口，分模線也要注意。喉管的分模線就非常礙眼了。



...開始用灰色作陰影色, 而吾係用同色系深小小的色....裙甲的深藍色, 手腳的淺藍色都出現顏色不統一的問題, 塊塊吾同, 也突顯吾到陰影... 原以為自己的上色技術進步了, 今天覺得自己完全未合格...
試多些，練習多些，再一字排開來比較，歸納總結，選自己喜歡的效果繼續嘗試。



說回模型本身...可以睇得出係隨時準備出埋Gouf Custom的, 但之後一路無出, 吾通係銷情不佳?
自 bandai 將之轉上 PB 出一模多用的雜機，而非開新模出新機，便知 Origin 系列又被 Bandai 自己玩爛了。
這現像在這幾年的模型產品部門十分明顯，已有太多個有頭位無下文的系列了。



...同GTO比較的話, 可以明顯睇得出刻線係比較小, 感覺上強人, 老虎等HG比起GTO來說, 真係無咁精細.  換個角度說, HG係比較接近原形的...
我只看身材比例，不多理會刻線的多寡。



...說來奇怪,  差不多每次有想砌的系列時,  老虎,  大魔同魔蟹都一定有份.  例如想玩1/144, 佢地又有份...
它們最經典，又銷費群最多金，所以總用來試水溫。



...最想砌都係12月出的FSS-AUGE.
我也剛知，同樣等兩三年後的 1/144 ver.

[ 本帖最後由 ygat 於 2021-8-15 10:34 AM 編輯 ]

多謝你的意見，不過我砌模型的出發點同你有d吾同。

感覺上你鐘意砌模型,高達是你其中一個topic.  我相反。我鐘意高達所以先砌模型。所以我接近吾係好砌其他野。

同埋係你flicker見到你的畫作，說真的，我完全吾畫吾到。這就是本身對美術修養的分別。我都係近一年砌番，不經不覺對自己要求高左。例如夾口我以前完全無視，而家都會處理。其實而家隻老虎吾差架，不過無晒吸人眼球的元素，例如舊化，重陰影，誇張的pose等。  不過以我的標準來說都係一件靚的成品。

PS, 其實我會磨分模缐，可能執件時睇漏眼

其實砌模型對我來講都係彌補細個無乜玩具的缺失。所以我鐘情細個睇的高達，macross, 太陽之牙個時期的機㭜人。再舊如鐵甲萬能俠又反而無feel, 新個d只係留意gunpla出的機體。而五星梗係一直係我心中的神物。可能好多人同我一樣，所以佢哋會2000一隻超合金都去買。不過我對成品無感覺，都係enjoy自己砌的模型，好吾好佢都係自己的作品。我亦吾會賣自己的作品，吾會做代工，亦未試過砌模型送俾人。

"Custom" 版早就出了，就是 Build Fighter 的老虎 R35

我細個鐘情 / 睇的 are EVA, Ghost in the Shell,  ...
Gundam(s) not in top 10 of list...



...對我來講都係彌補細個無乜玩具的缺失...
i don't feel 細個無乜玩具 is a 缺失, have a TV for watching anime, films is enough when childhood.



...所以我接近吾係好砌其他野...
but you could apply different effects (weathering, rusting, damaged, mirror, etc) on gunpla.
it would be more fun if you enjoy gunpla in those ways.