繼上次RG Strike Freedom之後, 今次係RG Astray Gold - HANA.  坦白講, 我完全未見過呢隻野.  事緣係Bandai即將出Metal Build的Astray Gold - HANA, 我見到廣告之後直情有衝動想買, 但2千幾的MB我實在覺得over price.  搵下搵下, 原來Bandai Premium有呢一款, 於是即刻上網搵, 點知又俾我係相熟的模型舖見到現貨.  所以即刻俾錢.  一直覺得RG比MB的外形差.  係網友的指正下, 先知原來RG係第一形態, MB係第二形態, 仲有一個第三形態.  受MB影響, 個人覺得光面, 重金屬感好適合Astray Gold.  今次盒野決定用呢盒野試下金屬面, 光面的噴法.  

上網搵左陣, 無論素組定上色成品都吾多, 來來去去都係官方相同幾條素組開箱youtube.  就官方相去睇, RG完全無MetalBuild 的華麗與貴氣.  同埋官方RG的翼係色調上面太寡.  MB翼尾有部份係黑, 紅, 金.  係RG上面係純白. 而RG官方的金色好似好暗, 吾搶眼.  RG給我的感覺很女人, 很妖.  而MB給我的感覺是騎士, 很貴氣.

到開盒睇, Bandai都算有誠意, 隻白色分成2種,  一種係超白, 一種係正常的純白.  2種的成形色吾係吾靚, 但好膠.  我於是搵左小小廢件試色.  最後決定白色直上珍珠白.   係金色上面會分2種,  一隻係GAIA星光金, 係主要金色, 另一隻係比較青的金 GX Blue Gold, 主要用係點綴的件, 因為有太多部位係成大塊金, 分色塊會好睇d.  其他腰的紫藍色, 關節的紫灰色會用GAIA星光黑取代, 目的係令成件野Man d, 吾好太妖.

白件的內甲會有很多地方需要紅色色塊去點綴.  思前想後, 最後手油Arclic 油.  出界就抹, 但其實抹吾乾淨, 結果好多地方要用沙紙磨.  另外白件有很多地方也需要加銀色作點綴, 所以又要包膠紙.......估吾到RG都要不停做遮蓋.....  銀色用GX White Silver.  右手原本的設計係一隻新的手, 黑白為主.  我吾太喜歡, 用番金色的手.

終於砌起成件野.  真心講, 效果不如預期.  最主要問題係2隻白色吾係好夾.  珍珠油細看係見到, 但遠看有點膠, 雖然已遠比原件有質感, 不過都係膠膠地.  星光金其實係好令, Blue Gold則似銅色多過金色.  星光黑非常漂亮, 令整件野醒神好多.  銀色的金屬感好突出, 非常漂亮.  紅色有小小偏淡淡的金屬紅.  我個人好喜歡, 吾會太sharp喧賓奪主, 又起到襯托的作用.

總結一下今次學到的野,
1.  白色要分色塊, 奶白同cool white係超吾夾.  事實上佢地吾係同色系, 放埋一齊吾好睇.  而想表達金屬感用Cool White+珍珠白係吾錯的選擇.  不過要真係噴得好令先吾膠.  白色要分色塊一係用淺灰加白, 一係吾分色塊.  分色塊就吾好上陰影.
2.  已經係用2種金色, 係好明顯2隻吾同的金, 但砌埋又吾覺.可能要大contrast D先得.
3.  星光黑係一種灰黑鐵色, 對於吾想太黑的我, 非常合心水

如果有人問我呢盒模型的質素, 我吾會俾太高分.  外型一般, 可動一般, 係翼的組合, 吾用膠水夾吾埋, 砌完又企吾到.  結果相都無乜心機影.

[ 本帖最後由 ngszewai 於 2020-6-20 02:12 AM 編輯 ]

再噴光油了？仍然覺得不夠反光，那真是你的 set 燈需調整、改變了。

前三張用暗色背景的比第四張撞色的好很多，但你選的灰太深了，需加強光燈。

金色噴光油後已好多了，配上白、桃紅、銀、黑鐵，整個色調偏暗。

RG 是越出越節省技術與誠意，但定價則越來越高。

這 Astray Gold 的身材、背包比重不好，在 RG 強行細節化後缺點更明顯。

整體看上去欠主導色，所以會覺得不順眼。

這次 decals 這麼少？

[ 本帖最後由 ygat 於 2020-6-20 11:51 AM 編輯 ]

金色看上去有點膠膠的；建議用多一兩種金色作點綴及增加複雜感。於機械凹凸位滲點灰線可再增加立體感

首先多謝兩位師兄意見。絕大部份都係認同的。

今次砌呢盒一開始就以MB為目標，想帶出金屬感。係呢一方面係完全不合格。雖然比素組的成品已經大幅改善，但同MB的圖比仍有距離。但講真，之前的MB都係好膠，定係如師兄所言，可能係拍攝的燈光效果問題？

如果再砌多次，統一隻白色，金色做好d，可能效果會好啲，但係這款RG的比例同設計，我無興趣再砌。

今日噴了光油, 加了水貼.  作品雖然未如預期, 不過自己學到好多野

大相Link
https://photos.app.goo.gl/9E72tLmmf4YbTM8LA



[ 本帖最後由 ngszewai 於 2020-6-23 01:20 AM 編輯 ]

沒背面或其他的角度？這是可擺姿勢的模型，也如首辦般角度限定

加了側光，使成品更立體，珍珠色也明顯了 。但頂燈有點不足，加上背景，整體偏暗。

打燈方位與曝光時間可再研究研究（也可加濾紙營造特效色），以免出現第一、第五張相中的強陰影現象

我不是攝影高手，只是寫些感想，大家交流下意見。總比只讀不回純點讚有意思吧？！

不用架站不穩，這情況我會在角度盲點加臨時支撐拍照。這樣便能看看雙腳的接地性。

btw, 對比星光黑，我更喜歡 gaia的鐵道系列：1000,1001,1002，及virtual on系列的 pearl series
https://www.gaianotes.com/products/gaia-color_railroad.html
https://www.gaianotes.com/produc ... rtual-on_color.html

下隻玩甚麼？

[ 本帖最後由 ygat 於 2020-6-23 11:54 AM 編輯 ]

2000零都嫌貴？？？其実都可以接受~

我吾太欣賞成品的玩具。對我來講，砌模型係一個過程，成品係屬於自己的作品。

討論區冷清（或宏觀地說是現在的整體風氣也成），我想原因有三。
現在的人太習慣 '同時'、'複數'地交談，還要是即時有反應的 （就是被 social networking 毒害太深了）；對他們來說 forum ，或只約'一位'朋友出坐坐，喝茶這般的慢談已脫節了。
他們用字不懂輕重、語氣態度也不甚禮貌，由討論成了爭論或宣示個人主見，自然便討論不下去了。
他們太只看自己接受的、聽同聲同氣的，不是同伴便歸類為是敵人（又是 social networking ...），讓他們持平常心地閒談、討論是不可能的了。


手油出界，你可試下如噴油般 masking，或轉用別的類別的油。e.g. acrylic paint 很適合補油，也不怕出界。


我見都企到，接地性、平衡沒你想的嚴重吧？
http://www.dalong.net/reviews/rg/rg24/rg24_p.htm


噴 gloss 面，我會厚噴（ matt 面則薄噴），花多些時間風乾，不然光面效果是出不來的。看你的成品照，感覺未到 gloss ，又不止 semi-gloss，又或者是放了幾年受潮後的 gloss 面。我心目中的gloss finish 是這般的：
          


相機壞前，我拍照會講究些；現在則只會用電話拍一拍作紀錄。對比相機、鏡頭，我現在更在意光源。我會用雙光源：客廳的天花燈，窗外的日光。因兩者都離對象物遠，所以能算是平衡光束的 global light，這樣陰影能柔順自然，受光面更多變，使被拍物更立體，之後再在電腦調整白平衡。你的燈箱式拍法，我覺得光源太接近對象物，所以對光線的強度與角度都講究，不然便出現你所說的問題。拍照靚的話，你上網找 Gundam@EFSF，他的相比官圖還要好...。


HG 百式是新版？不然有很多夾口要補；BB 則要不停 masking。


[ 本帖最後由 ygat 於 2020-6-23 10:02 PM 編輯 ]

其實我已噴了兩層，成隻噴左30ml(10ml+20ml thinner)

你大約噴幾層呢？

至於拍照，天花燈的光源吾太合適。真係想影model, 要一個方向的主光源，其他次光源係用嚟補陰影位。所以影樓相的相個鼻無影的。

Hg百式係200號，係倉未拎出嚟

我都吾明大龍點令佢企，我想影一張相都吾得

i use spray can (厚噴1層), different from your spray brush formula.

i mean taking photo with 客廳的天花燈 and 窗外的日光, two main sources at the same time.

no.200 HGUC is new version, only need to grout backpack, wing, & gun x2.

最大問題係炒價
其次QC唔多好... MB有試過水口未剪/磨齊就上色...

呢句絕對認同，唔係錢的問題(其實我會嫌貴)，係自己作品，怎能和成品玩具相比。

本人GOLDFRAME死忠之一 ~
唔知你係唔係想要鏡面既效果, 只能說用既係郡氏或GAIA光油或噴罐,兩層一定唔夠, 尤其係有上水貼同平面。
以我自身經驗弧面最少都4至5層, 平面則要更多層, 而且還不能急, 因為光油收縮率很高(今天很光滑,過一陣子就會看到橙皮紋),每一層之間最少要待乾1-2日,而到最後一層,我自已會放入55-58度既烤箱10個鐘(set timer),之後再等一個月先會開始拋光~
除非用鏡面漆(這種嘖塗時間有限制,一次不能噴太多零件,而且待乾時間長,無塵還境要求較高)

以下是GOLD FRAME拋光既經驗,唔知達唔達到你要求
另外金色用了3隻來分層次,分別是赤金, 青金同香賓金
[attach]487865[/attach]

[attach]487866[/attach]

[attach]487867[/attach]

[attach]487868[/attach]

圖2,3分別係銀底珍珠紫+亮光1層 及 銀紫底珍珠紅,再平面拋光,當時我也在試不同的效果,劍是想保留一下金屬而粗糙的效果,所以就只上一層光油,冇做拋光

圖4的膝蓋弧面,翼屬平是面(翼左是一個月以上待收縮後的橙皮紋,翼左是第一階粗目拋光後), 印像中當時共通的都是先薄噴1層(怕乸去起底色), 乾了才開始厚噴2至3層,然後就每2日嘖一層, 弧面4-5層,平面則加倍




然後以下兩隻也是經過拋光處理的,  想講既係......N年後,效果係會減退既~~~~~~
尤其是用了珍珠漆,因為珍珠漆中的珍珠粉顆粉較大, 光油經年累月的收縮, 效果減退更為明顯,還有受潮霧面化.......再加上是白底(慢慢發老舊黃)......
所以其實也不用追求太多, 當然你也可以定期上蠟水來保養~

[attach]487869[/attach]

[attach]487870[/attach]


unicorn 銀底>亮白>磨邊(彷舊式BANDAI鈦電鍍)>珍珠銀>光油*N>拋光(同時可見當時有UV CUT的消光水貼及沒UV CUT光油的發黃分別)

kampfer 銀底>透明藍>光油*N>拋光(以前還不懂油的特性,光油第一層就厚噴,可見有水貼同冇水貼兩者既底色被乸起既程度不一而做成色差)

兩隻都係陳年舊物,還沒有用到烤箱,而且是相機普及前既產物,所以搵唔返D舊相做到對比......


最後這隻是2011年的完成品,大概每半年上一次蠟水做保養的效果(可惜以前的金色漆還沒有像現在的新漆那麼好,氧化得很快,請無視)

[attach]487871[/attach]

黑底>金底>(透明紅>透明黃)*3>透明紅>光油*N>拋光
當年金色還新鮮時的對比http://www.hkml.net/Discuz/viewthread.php?tid=139202


最後的最後!金屬質感或鏡面上色的最大敵人可是萬惡的分模線,及沒打底漆而令到塑膠的通透感揮之不去(尤其是薄位)!!!
以上純粹對鏡面拋光的經驗與分享, 有錯勿怪......

[ 本帖最後由 llssyy 於 2020-6-27 05:16 AM 編輯 ]

感謝師兄指教。直情應另開專有topic留俾日後其他師兄參考

終於有點時間可打字, 真心想說很感謝師兄詳盡解說.  但我暫時還未可以完全吸收.  只係明白大概原理.  又或性格使然, 缺少了那份追求完美的心, 砌模型也是, 總是去到某個位便停下來.

最近砌幾盒, 我都有小小課題俾自己.  今次就係金屬感, 光油的使用.  睇完師兄所教授, 先明白為何砌不出金屬感來.  係我學習過程, 我覺得模型絕對係落手落腳做完先得到經驗, 跟住又睇下, 問下人, 跟住又試先可以學到.

舉個例, 我以前從來吾噴底油.  總係直接上色.  係今次噴SD過程, 噴紅色同黃色, 無論我點噴都吾對路, 於是上網學下, 結果試下噴白底, 先發現原來真係出到個蓋隻色.  我而家係淺色系都會先噴一次白油再上色.  吾噴底灰係因為我覺得好大味.......

又好似個個都話金色銀色要噴黑底.  其實我未係真睇得出好大分別.  所以我都係直噴.

雖然今次係噴金屬慼上面吾合格, 但對成隻HANA總體來說是OK的.  學到好多野, 覺得好好玩.

下次我想砌好Metal feel的模型, 一定會再拜讀當中細節去偷師.

題外話，呢盒pb剛重出，係街似乎250就有交收，喜歡的朋友可睇下.