原本着手製作RG沙煞比的，突然見到這隻RG，個人對Seed系列沒有特別喜好，
之前砌過兩隻RG Strike Freedom 同埋 RG Aile Strike，個比例都麻麻地，
仲諗住呢隻脈衝都係用舊骨架，但睇真啲個比例好正喎，仲要新規骨架，馬上就心動喇！

呢盒RG使用了大量隱藏水口，尤其是在深藍色的部件上，大大減低剪件後的白化情況，底讚！
但係膠貼比較令人失望，差不多大部份都太大面積，要重新剪裁。

第一次使用噴罐消光，未能掌握，出現白化情況。
請問各位能否分享使用噴罐消光的經驗，謝謝。

多謝分享，依隻都有得出RG，仲要出得咁靚，除咗腰幼咗少少之外，身形一流，修靚哂整條腿線條，大大改善咗原設定的呆樣。

噴罐消光的話, 就系要薄噴, 不要噴到D件濕, 薄噴一次干左再噴第二次, 噴大約3次, 見到有效果就ok了, 不用噴得厚, 另外噴罐油要搖勻先好噴, 另外距離D件大約30cm, 不要定住黎噴(咁一定會噴厚左), 要橫掃來回咁噴( 好難言語形容, 上youtube search下啦)

身型真係好靚，比例好似Nu Gundam咁。

多謝師兄，我真係噴到濕晒⋯⋯
下次再試過用師兄建議的做法，希望有改善。謝謝！