經歷左差不多兩個月的時間，斷斷續續甘終於完成左呢部MG。起初話出呢部原石葛時候都無乜感覺，所以一出果陣都無入手。點知有日去左朋友屋企，見到距有隻，拿上手玩，甘就出事了。於是乎自己都入番隻。

講番今次呢個模型，配色方面其實都係參考左好多論壇D師兄例作，當然也包括呢度。原本打算噴番原色就算，但係總覺得原色單調左D，所以就有左今次葛配色。藍色係自己調的，但係屬於失敗作，還是過於深，應該再淺D就好！

在製作過程中都無乜大問題，只有揹包的配色經歷左上色-修改-再上色-再修改-再上色先完成（調到比較接近原版揹包顔色），還有就係發現Bandai的原裝水貼好容易爛，有幾個位置的水貼都比我整爛左（包括盾牌個字母）。

最後就係無乜Pose（pose白癡）,純粹屍站，傷眼作請見諒。

PS:原先想做埋支炮，後尾諗諗下都係留番比新安洲（懶就懶喇！）所以最後都係無做到。

作唔好乾淨~