情況係咁
早幾日噴灰，但出唔到／粒子勁粗，要大氣壓先出到
即使不斷開稀，情況依然係
所以懷疑
1。GAIA 的T﹣01 是否不能開稀MR．的灰（1000號）？
因為同樣地開GAIA的灰好似無問題

然後支槍好似塞左
1．出油量調細（擰緊槍後面個位），就會出現只出氣，不出油的，甚至係谷槍現像（回流）
即非係調低氣壓，會出到少少油
2．一係就出油量調到好大（擰鬆後面），先會出到油，同時出氣量要調高，非常浪費

拆開過枝槍，洗過、通過（槍嘴），情況依然係咁
究竟出左咩問題？

本身上搵T﹣HOBBY，但貴人事忙無法聯絡，家距門店甚遠（天水圍VS北角），
只好麻煩各位大大賜教

齋噴開油水(唔加灰)會點?
如果重唔暢順,就應該係重塞槍,要再洗
如果暢順冇問題, 咁好有可能你先前d灰未夠稀

再一提
我未用過Gaia ,但用隻開油碟, 將灰同T-01溝埋時, 冇起粒, 溝得埋, 就應該冇問題

重有, 開油時要溝好先至倒入噴筆,  不要在筆内直接開

直接噴開油水情況都係一樣

我都唔知邊度塞

我有開稀先倒入去，只係有時放左一排，好似會自動“傑”左

我用GAIA T-07h 開MR.Surface,MR. Color都冇問題

扭開個槍咀洗吓,同埋蚊支針出來洗吓~

都試過了。。。。

我轉頭影相，再清楚講下個情況

小心 撞歪針

如果出油量擰到去圖(1)個情況,就無法出油,出現圖(2)個情況,倒流

要出到擰到去圖(3)的出油量,先出到油

圖(4)就係槍嘴位
已經拆開洗過2次,係無針的情況下係油係會滴出黎D
針確定係冇彎、亦抹乾淨

PS:都係低氣壓情況,

支針插得太前?

if the needle is pushed in til it feels "hard", then you probably pushed too far. In my experience, i push it all the way, then turn it and make sure it is loose and free to move, then I lock the needle.

another thing can be the o ring being stuck. do you feel resistance as you pull the trigger?

成枝針抽出黎, 淨噴開油水/水. 都噴唔到仲會谷鎗既, 就係個nozzle cap 扭得唔夠入/nozzle 位唔準.
make sure 扭到入晒/nozzle o岩位都仲係咁既就可以買過枝筆好過, 呢d 台灣/大陸筆, 整都浪費時間/錢.

冇谷鎗既, 又噴得出既, 就要用tool clean / 3054 洗乾淨個噴咀, 同杯到噴咀果段管道.

我都用紧呢支型号的笔，我觉得又平又好用，你将后面黑色部分拧开，再将支针拧出来，用有纫性纸巾或布湿溶剂擦干净，再拧开枪嘴将纸巾扭尖加溶剂塞入支枪里清洗，整体洗一次睇下乜情况，你想调节出油量噴涂，油要开得适中先得，呢支野都好易 掌握，你可以试下甘做睇下得唔得。

还有个情况就系支枪装得唔好
1：枪嘴装配唔够实。

2：支针上得唔够入。
仔细检查下支枪的装配是否正确。

感謝諸位回覆
以參照各位的做法
包括：
徹底抹一次支針、通槍嘴，情況依然冇變
即使將支針退後少少，情況一樣
RE鬼爺：
係拎走支針GE情況下噴油係冇任何淤塞、倒流谷槍GE情況
亦有留意到杯往槍嘴的管道係有一點點積
請問Tool Clean/ 3054係邊度有得買？

會唔會筆咀同筆針既問題?

我有支國產噴槍都有此情況
我估係噴咀塞咗
再清潔一下噴咀吧

冇針就噴到既, 而枝針係冇曲又乾淨既, 就即係唔關枝針事了.

你應該係噴咀, 同噴咀到杯中間既管道積左油未洗得乾淨又或者有野 (紙巾碎之類)塞左. 所以有針就噴唔到, 冇針就有位俾D油過到.

3054 係五金舖買, 即係"靚D既天拿水"姐. 順手去埋"十蚊店"買埋果D "牙縫刷". 要最細SIZE既.  唔知牙縫刷係乜就SEARCH GOOGLE啦.

先試左咁: 垂直枝筆, 噴咀向下, 抽走枝針. 倒D 3054入杯度. 俾D3054自己由噴咀流出來. 做呢個動作二三次. 之後再試噴唔噴到.

唔得既.

就拆噴咀出來. 要小心拆. 扭爛絲牙既就報廢架啦. 用3054 浸個噴咀, 浸幾分鐘左右. 再用面相筆連3054洗噴咀入面.

管道果面, 去埋"十蚊店"買埋果D "牙縫刷". 要最細SIZE既, 要細到放到入條管道(牙縫到放得入, 其實根本就好細架啦).  唔知牙縫刷係乜就SEARCH GOOGLE啦.
用牙縫刷點D 3054 小心刷. 先係杯果邊刷起, 再係噴咀果邊刷.
估計你之前冇好好洗過枝筆, 應該會有果積左係度的.

裝噴咀有易既方法既: 先放枝針入噴筆, 之後"套"個噴咀上針頭, 再用噴咀輕力推返枝針入噴筆, 之後小心扭返緊噴咀. 唔好用暴力. 可以整到滑牙甚至爛噴咀既.

感謝鬼爺耐心賜教！
一定SAVE底，日後不幸再有此情況，必定一試
但支槍已經送返去店到檢查，有進一步消息再更新
多謝各位師兄指導